Monday, 20 November 2017

सहकारी गृहनिर्माण संस्था समस्या जीएसटी या विषयावर एकदिवशीय माहिती कार्यशाळा


यशवंतराव चव्हाण प्रतिष्ठान, मुंबईच्या महाराष्ट्र महिला व्यासपीठातर्फे "सहकारी गृहनिर्माण संस्था" कायदा, नियम आणि जीएसटी यासंदर्भात एकदिवशीय माहिती कार्यशाळेचे आयोजन करण्यात आले आहे. या कार्यशाळेमध्ये कायदा आणि नियम यासंदर्भात प्रभाकर चुरी तर जीएसटी विषयावरती अजीत जोशी हे २ डिसेंबर २०१७ रोजी सकाळी ११ ते ५ यावेळेत प्रक्षिणार्थींना मार्गदर्शन करणार आहेत. कार्यशाळेत सहभागी होण्या-या प्रक्षिणार्थीं कडून २५० रूपये शुल्क आकारले जाईल. ही कार्यशाळा यशवंतराव चव्हाण प्रतिष्ठान, मुंबई जन.जगन्नाथराव भोसले मार्ग, नरिमन पॉईंट, मुंबई येथे होईल. या कार्यशाळेसाठी नोंदणी करणे अनिवार्य आहे. संपर्क - ८२९१४१६२१६, २२०४५४६०.

दिव्यांग व्यक्तींना कृत्रिम अवयव व साधने वाटप


सासवड येथे आज अपंग बांधवांना कृत्रिम अवयव व साधने वाटप करण्यात आले. आज या सर्वांच्या चेहऱ्यावर दिसणारा आनंद बघून यशवंतराव चव्हाण प्रतिष्ठानच्या अपंग हक्क विकास मंचामार्फत आम्ही अपंग बांधवांच्या हक्कासाठी, सक्षमीकरणासाठी करत असलेल्या कामाचे समाधान वाटतं असल्याचे प्रतिष्ठानच्या कार्याध्यक्षा सुप्रिया सुळे यांनी सांगितले.
जुलै महिन्यात बारामती येथे दिव्यांगांसाठी कृत्रिम अवयव व साधने वाटपासाठी मोजमाप नोंदणी शिबिरे घेण्यात आली होती, या शिबिरात अपंग व्यक्तींना आवश्यक साधने व कृत्रिम अवयव देण्यासाठी नोंदणी करण्यात आली होती आणि मोजमाप घेण्यात आले होते. या शिबिरात बारामती तालुक्यात ३०८, दौंड तालुक्यात २५२, इंदापूर २३४, पुरंदर २७१, भोर ४५४, पौड २४४, खडकवासला ५९६ जणांची नोंदणी झाली होती. या सर्वांना या कार्यक्रमात कृत्रिम अवयव व साधने यांचे वाटप करण्यात आले.
या कार्यक्रमासाठी दिव्यांगजन सशक्तीकरण विभाग सामाजिक न्याय व अधिकारिता मंत्रालय, जिल्हा प्रशासन, जिल्हा परिषद, जिल्हा अपंग पुनर्वसन केंद्र, पुणे यांच्या सहकार्याने यशवंतराव चव्हाण प्रतिष्ठानच्या अपंग हक्क विकास मंचचे पदाधिकारी यांनी परिश्रम घेतले.

Sunday, 19 November 2017

यशवंतराव चव्हाण प्रतिष्ठानतर्फे यंदाचा राज्यस्तरीय पारितोषिक श्री. भुजंगराव कुलकर्णी यांना जाहीर..

त्यांचा थोडक्यात परिचय


भुजंगराव आप्पाराव कुलकर्णी मूळचे बीड जिल्हा परळी तालुक्यातील पिंपळगावचे. ५ फेब्रुवारी १९१८ चा त्यांचा जन्म. अंबाजोगाई, संभाजीनगर ते हैदराबाद असा त्यांचा शैक्षणिक प्रवास. १९३९ मध्ये त्यांनी हैदराबाद राज्याच्या प्रशासकीय सेवेत कारकीर्दीला सुरुवात केली. हैदराबाद राज्यातच ते उपसचिव पदापर्यंत पोहोचले. पुढे देश स्वतंत्र झाला, मराठवाडाही निजामाच्या जोखडातून मुक्त झाला तेव्हा भुजंगरावांची कारकीर्द ही नांदेडच्या जिल्हाधिकारीपदापासून सुरू झाली. संभाजीनगरातही ते १९५६ ते १९५९ या कालावधीत जिल्हाधिकारी होते. पुण्याचे मनपा आयुक्त, मुंबईचे विभागीय आयुक्त अशी पदे भूषवत ते जनगणना मोहिमेचे प्रमुख, मंत्रालयात नगरविकास, आरोग्य, गृहनिर्माण आणि जलसंपदासारख्या विभागाचे सचिव होत १९७४ मध्ये शासकीय सेवेची ३५ वर्षे पूर्ण करीत ते निवृत्त झाले. त्यांच्या निवृत्तीलाही आज ४३ वर्षे पूर्ण झालेली आहेत. आपल्या खात्याचा अतिशय बारकाईने अभ्यास करीत. खात्यांतर्गत सुधारणा घडवून आणण्यात भुजंगरावांचा हातखंडाच होता. शासकीय सेवेत असताना मनाजोगे सामाजिक कार्य करताना काही बंधने असतात, भुजंगराव या बाबतीत असे सुदैवी की, शासकीय सेवेच्या कार्यकाळात यशवंतराव चव्हाण आणि वसंतदादांसारखे पारखी नेतृत्व लाभले होते, तर पद्मविभूषण गोविंदभाईंसारखी अतिशय तळमळीने मराठवाड्याच्या विकासाला वाहून घेतलेल्या मंडळींची त्यांना निवृत्तीनंतर प्रदीर्घ काळ सोबत लाभली. त्याच संस्कारांचे परिणाम म्हणून की काय आज शंभराव्या वर्षात पदार्पण करतानासुद्धा भुजंगराव हे मनाने तरुण आणि खंबीरच आहेत. निवृत्तीनंतर भुजंगराव कुलकर्णी यांनी गोविंदभाईंच्या कार्यात स्वतःला वाहून घेतले. शासनानेही त्यांच्या अनुभवाचा वापर करून घेत त्यांच्यावर अनेक प्रकारच्या जवाबदाऱ्या सोपवल्या. मराठवाडा विकास मंडळाचे अध्यक्ष, डॉ. बाबासाहेब आंबेडकर मराठवाडा विद्यापीठाचे कुलगुरू, न्हावाशेवा बंदराचे अभ्यासप्रमुख, कुटुंब नियोजन अभ्यासगट प्रमुख, मागास जिल्हे अभ्यासगट अध्यक्ष, मराठवाडा वैधानिक विकास मंडळाचे अध्यक्ष, बॅकलॉग समितीचे अध्यक्ष तर सिंचन आयोग, कापूस एकाधिकार, अनुशेष अभ्यासक दांडेकर, उत्पन्न बाबींची अभ्यास समिती, राज्य नियोजन मंडळ, तांत्रिक शिक्षण अनुशेष समिती, नोकऱ्यातील अनुशेष शोध समिती, विद्यापीठ स्थापना समिती यासारख्या अनेक समित्यांचे ते सदस्य होते. एका परीने निवृत्तीनंतरही त्यांनी विविध समित्यांवर, मंडळांवर तब्बल २६ वर्षे अर्धशासकीय कामच केले. गोविंदभाईंमुळे भुजंगराव सरस्वती भुवन शिक्षण संस्थेत आले आणि कायमस्वरूपी ते या संस्थेचे होऊन गेले. संस्थेचे ते तब्बल २३ वर्ष उपाध्यक्ष होते. धर्माचे अवडंबर न माजवता धार्मिक वृत्तीने जगणे त्यांनी अंगीकारलेले असल्यामुळे जेव्हा सरस्वती भुवनच्या इमारतीचे काम पूर्ण झाले तेव्हा नव्या वास्तूची वास्तुशांती झाली पाहिजे असे शाळेत शिकणाऱ्या  विद्यार्थ्यांच्या पालकांना वाटत होते. मात्र संस्थाध्यक्ष बापूसाहेब काळदातेंनी वास्तुशांतीस नकार दिला. मात्र पालकांची अडचण ओळखून भुजंगरावांनी वास्तुशांतीला केवळ मान्यताच दिली नाही तर स्वतः प्रत्येक धार्मिक विधीमध्ये सहभागही घेतला. आपल्या दीर्घायुष्याचे रहस्य सांगताना ते म्हणतात, नियमित योगासने, आयुष्यभर शाकाहार, मद्यपान, धूम्रपानापासून कायम दूर, कोणत्याही कामात सतत गुंतवून घेण्याची सवय, पुस्तक वाचन आणि लेखन हे आपल्या दीर्घायुष्याचे रहस्य आहे. चार प्रकारचे प्रत्येकी १३ पत्ते असतात. यात डाव येण्याची लाखात एकदाच वेळ येते. तुमच्या वाट्याला चांगले पत्ते असतील किंवा नसतीलही. मात्र हातात आहे त्या पत्त्यावर चांगल्यात चांगला डाव खेळणे आपल्या हातात असते. ब्रिजमधील हेच कौशल्य जीवनातही वापरावे लागते, अशा शब्दांत भुजंगराव आपल्या जीवनाचे तत्त्वज्ञान सांगतात.

यशवंतराव चव्हाण यांच्या ३३ व्या पुण्यतिथी निमित्त 'जीवनशैली आणि हृदयरोग' या विषयावरती व्याख्यान



नाशिक : यशवंतराव चव्हाण यांच्या ३३ व्या पुण्यतिथीचे औचित्य साधून पूर्वसंध्येला 'जीवनशैली आणि हृदयरोग' या विषयावर डॉ. मनोज चोपडा (ख्यातनाम हृदयरोग तज्ज्ञ) यांच्या जाहीर व्याख्यानाचे आयोजन करण्यात आले आहे.
यशवंतराव चव्हाण प्रतिष्ठान, मुंबई विभागीय केंद्र, नाशिक यांच्या संयुक्त विद्यमाने शुक्रवारी २४ नोव्हेंबर २०१७ रोजी सायंकाळी ६ वाजता व्याख्यानाचे आयोजन करण्यात आले आहे. हा कार्यक्रम अॅडमिनिस्ट्रेटीव्ह डिझास्टर मॅनेजमेंट अॅण्ड ट्रेनिंग हब (विश्वास लॉन्स), ठाकूर रेसिडेन्सी, विश्वास को-ऑप. बँकेसमोर, सावरकर नगर, गंगापूर रोड, नाशिक येथे होईल. या कार्यक्रमाला अधिक लोकांनी सहभागी व्हावे असे आवाहन विभागीय केंद्र, नाशिक यांच्या कडून करण्यात आले आहे. 

Friday, 17 November 2017

‘चित्रपट चावडी’ यशवंतराव चव्हाण प्रतिष्ठानतर्फे चित्रपटप्रेमींसाठी शनिवारी ‘द मॅन विदाऊट पास्ट’


नाशिक : यशवंतराव चव्हाण प्रतिष्ठान मुंबई, विभागीय केंद्र नाशिक व विश्वास को-ऑप.बँक लि., नाशिक, विश्वास ज्ञानप्रबोधिनी अ‍ॅण्ड रिसर्च इन्स्टिट्यूट, नाशिक, सारस्वत बँक व रेडिओ विश्वास 90.8 कम्युनिटी रेडिओ यांच्या संयुक्त विद्यमाने ‘चित्रपट चावडी’ उपक्रमांतर्गत शनिवार 18 नोव्हेंबर 2017 रोजी सायंकाळी 6.30 वाजता सुप्रसिद्ध फिनलँडचे दिग्दर्शक अकी कौरीस्माकी यांचा ‘द मॅन विदाऊट पास्ट’ हा चित्रपट दाखविण्यात येणार आहे. सदर चित्रपट डिझास्टर मॅनेजमेंट अ‍ॅण्ड ट्रेनिंग हब (विश्वासलॉन्स), ठाकूर रेसिडेन्सी, विश्वास को-ऑप.बँकेसमोर, सावरकरनगर, गंगापूर रोड, नाशिक-422013 येथे दाखविण्यात येणार आहे.
फिनलँडचे प्रसिद्ध दिग्दर्शक अकी कौरीस्माकी हे त्यांच्या सहज सुंदर, हलक्या फुलक्या, नर्मविनोदी परंतु तितक्याच चमत्कृतीपूर्ण चित्रपटांसाठी प्रसिद्ध आहेत. त्यांची प्रमुख पात्रे सर्व सामान्य फिनलँडर असतात. सर्व सामान्यांची सुख:दुखे:, त्यांच्या जीवनातील चढउतार ते तटस्थपणे नेटकेपणाने टिपतात. हा चित्रपट एका वेल्डरची गोष्ट आहे. काही चोरटे पार्कमध्ये त्याच्यावर हल्ला करतात. डोक्यावरील आघाताने मृत्यु व नंतर तात्पुरती विस्मृती आलेला चित्रपटाचा नायक जणु पुर्नजन्म घेऊन नवे आयुष्य शोधतो. त्यात गत आयुष्याच्या खुणा सापडतात का? हे जाणून घेण्यासाठी पहायला विसरू नका ‘द मॅन विदाऊट पास्ट’
2002 मध्ये फिनलँड येथे प्रदर्शित झालेल्या या सिनेमाचा कालावधी 97 मिनीटांचा आहे.
‘द मॅन विदाऊट पास्ट’ हा चित्रपट बघण्यास जास्तीत जास्त संख्येने सहभागी होण्याचे आवाहन अध्यक्ष विनायक पाटील, कार्याध्यक्ष विश्वास ठाकूर, सचिव डॉ.कैलास कमोद, कोषाध्यक्ष डॉ.सुधीर संकलेचा, सदस्य सौ.कविता कर्डक, राजवर्धन कदमबांडे, रऊफ पटेल, अ‍ॅड.नितीन ठाकरे व विक्रम मोरे यांनी केले आहे.
                                                                                     माहिती तंत्रज्ञान क्षेत्रातील
होणारे बदल शिकण्याची तयारी ठेवा - डॉ. अच्युत गोडबोले

सध्या जगात माहिती तंत्रज्ञान क्षेत्रात नवनवीन बदल होत आहेत. ते बदल शिकण्याची तयारी ठेवा अन्यथा त्या क्षेत्रातून तूम्ही बाहेर फेकला जाऊ शकता असं मत संगणक तज्ज्ञ संगणकतज्ज्ञ डॉ. अच्युत गोडबोले यांनी 'इन्फॉर्मेशन टेक्नोलॉजी काल-आज-उद्या' या विषयावर चव्हाण सेंटर मध्ये व्यक्त केले.
यशवंतराव चव्हाण प्रतिष्ठान, मुंबई व मराठी विज्ञान परिषद यांच्या संयुक्त विद्यमाने'विज्ञानगंगा' कार्यक्रमांतर्गत एकविसावे पुष्प, संगणकतज्ज्ञ डॉ. अच्युत गोडबोले यांचे 'इन्फॉर्मेशन टेक्नोलॉजी काल-आज-उद्या' या विषयावर चव्हाण सेंटर मध्ये व्याख्यानाचे आयोजन करण्यात आले होते.
सुरुवातीला त्यांनी माहिती तंत्रज्ञान काय आहे हे गोडबोले यांनी विविध उदाहरणे देऊन समजावून सांगितले. त्यानंतर पुढील २० वर्षांत काय बदल होईल हे सांगू शकत असेही ते म्हणाले. १९६०, १९७०, १९८० आणि १९९० या काळात माहिती तंत्रज्ञान क्षेत्रात कसे बदल झाले आणि त्याचे परिणाम काय झाले या विषयावर सुध्दा त्यांनी लोकांना मार्गदर्शन केले.
खासकरून त्यांनी १९८० च्या काळात घडलेल्या या गोष्टी सांगितल्या, पर्सनल संगणक तयार झाला तो ही कमी आकाराचा, त्यानंतर तो घरोघरी दिसायला लागला. माऊस आला आणि त्यानंतर लोकांचा संगणकावरचा विश्वास वाढला. 

Thursday, 16 November 2017

२५ नोव्हेंबरला वार्षिक शिक्षण परिषद

शिक्षण विकास मंच आणि यशवंतराव चव्हाण प्रतिष्ठान मुंबई यांच्या संयुक्त विद्यमाने वार्षिक शिक्षण परिषद आयोजीत केली आहे. या परिषदे मध्ये सेमी-इंग्रजी : काळ, आज आणि उद्या या विषयावर चर्चा होणार आहे. हा कार्यक्रम शनिवारी दिनांक २५ नोव्हेंबर २०१७ सकाळी  ९.३० ते ५.३० या वेळेत रंगस्वर' चौथा मजला, यशवंतराव चव्हाण प्रतिष्टान, मुंबई, जन. जगन्नाथ भोसले मार्ग, मंत्रालयासमोर, मुंबई येथे होईल. या कार्यक्रमामध्ये 'शिक्षण विकास मंच' चे मुख्य संयोजक डॉ. वसंत काळपांडे आणि बसंती रॉय उपस्थितांना मार्गदर्शन करतील.    

Tuesday, 14 November 2017

व्हेज बिर्याणी पुलाव महोत्सवाचा शानदार समारोप


नाशिक : रविवारचा सुट्टीचा दिवस, गप्पा, मित्रपरिवार, कुटुंबियांचा ओघ विश्वास लॉन्सवर सुरू होते. बिर्यानी अनोखा स्वाद घेत वातावरण आनंददायी दिसत होते. बिर्याणी, पुलाव बनवण्यासाठी पध्दत आणि चवीनं खाण्याची मौज अनोखी होती. टमाटा, कांदा, मिरचीचा वापर आणि त्यातुन अस्सल महाराष्ट्रीयन मेनू खवय्यांसाठी अनोखी मेजवानी होती. 
यशवंतराव चव्हाण प्रतिष्ठान मुंबई, विभागीय केंद्र नाशिक व विश्वास को-ऑप.बँक लि., नाशिक, विश्वास ज्ञानप्रबोधिनी अ‍ॅण्ड रिसर्च इन्स्टिट्यूट, नाशिक, सारस्वत बँक व रेडिओ विश्वास ९०.८ कम्युनिटी रेडिओ यांच्या संयुक्त विद्यमाने व्हेज बिर्याणी पुलाव महोत्सवाचे आयोजन करण्यात आले होते. सदर महोत्सावाची संकल्पना विश्वास जयदेव ठाकूर यांची होती. महोत्सवाला अंदाजे अठरा हजाराहून अधिक खवय्यांचा प्रतिसाद दिला.

शनिवार, दि. १८ नोव्हेंबर रोजी चित्रपट चावडीत ‘हिडन फिगर्स’ चित्रपटाचे प्रदर्शन...



औरंगाबाद : यशवंतराव चव्हाण प्रतिष्ठान, मुंबई, विभागीय केंद्र औरंगाबाद, एमजीएम जनसंवाद व वृत्तपत्रविद्या महाविद्यालय आयोजित चित्रपट चावडी या उपक्रमाअंतर्गत ‘हिडन फिगर्स’ हा चित्रपट शनिवार, दि. १८ नोव्हेंबर २०१७ रोजी सायं. ५.०० वा. आईनस्टाईन सभागृह, जेएनईसी महाविद्यालय, एमजीएम परिसर, औरंगाबाद येथे दाखविण्यात येणार आहे.
नासा या अंतराळ संस्थेच्या सुरुवातीच्या काळात महत्त्वाची भूमिका साकारणाऱ्या तीन आफ्रिकन -अमेरिकन वंशाच्या गणित शास्त्रज्ञ महिलांची ही प्रेरणादायी कथा आहे. कॅथेरिन जॉन्सन आणि तिच्या दोन सहकारी डोरोथी व्हॅगन आणि मॅरी जॅक्सन यांनी केलेल्या गणिती आकडेमोडीमुळे अमेरिकेला अंतराळामध्ये पाऊल टाकणे शक्य झाले. त्यामुळेच जॉन ग्लीन या अमेरिकेच्या पहिल्या अंतराळवीराला पृथ्वी प्रदक्षिणा घालता आली.
हे काम करीत असताना कॅथेरिन जॉन्सन आणि तिच्या सहकारी डोरोथी व्हॅगन आणि मॅरी जॅक्सन यांना नासा या प्रतिष्ठित संस्थेतील वंश भेदाचे अनुभवही आले. वंशभेदाच्या मर्यादा ओलांडत त्यांनी नासामध्ये गाजवलेली कारकिर्द अमेरिकन-आफ्रिकेतील अनेक पिढ्यांसाठी प्रेरणादायी ठरली. पण त्यांचे हे कर्तृत्व मोठा काळ उलटल्यानंतर म्हणजे २०१६ मध्ये मॉर्गाट ली शटर्ली यांच्या ‘हिडन फिगर्स’ या पुस्तकाने जगासमोर आणले. याच पुस्तकावर आधारीत हा चित्रपट आहे.

चित्रपट सर्वासाठी विनामुल्य असून रसिकांनी या चित्रपटाचा लाभ घ्यावा, असे आवाहन यशवंतराव चव्हाण प्रतिष्ठान, मुंबई विभागीय केंद्र औरंगाबादचे अध्यक्ष अंकुशराव कदम, कोषाध्यक्ष सचिन मुळे, सचिव नीलेश राऊत, कार्यकारिणी सदस्य डॉ. भालचंद्र कांगो, प्रा. अजीत दळवी, डॉ. श्रीरंग देशपांडे, बिजली देशमुख, डॉ. मकदूम फारूकी, सुनील किर्दक, प्रा. दासू वैद्य, विजय कान्हेकर, डॉ. रेखा शेळके, सुहास तेंडुलकर, सुबोध जाधव, रेणुका कड आदींनी केले आहे. ­­

Monday, 13 November 2017

एकल महिलांसाठी 'स्वतंत्र धोरणाची आवश्यकता' राज्यस्तरीय चर्चासत्र संपन्न...


 यशवंतराव चव्हाण प्रतिष्ठान मुंबई, विकास अध्ययन केंद्र, कोरो, कम्युनिटी डेव्हलपमेंट ट्रस्ट, यांच्या संयुक्त विद्यमाने एकल महिलांसाठी स्वतंत्र धोरणाची आवश्यकता या विषयावर राज्यस्तरीय चर्चा सत्राचे आयोजन करण्यात आले होते. या कार्यक्रमाला राज्यभरातून महिला वर्ग उपस्थित होता. विशेष म्हणजे प्रतिष्ठानच्या कार्याध्यक्षा सुप्रिया सुळे यांनी हजर असलेल्या तृतीयपंथी यांच्याशी संवाद साधला. या कार्यक्रमाला प्रतिष्ठानचे सरचिटणीस शरद काळे आणि कार्यक्रम व्यवस्थापक दत्ताबाळ सराफ यांची प्रमुख उपस्थिती होती.








मराठवाड्यात २०१५ व २०१६ या दोन वर्षांमध्ये पडलेल्या दुष्काळाच्या पार्श्वभूमीवर 'एकल महिला व पाणिप्रश्न' या विषयावर संशोधन अहवाल प्रसिध्द करण्यात आलेला होता. त्या अनुषंगाने औरंगाबाद येथे ९ सप्टेंबर २०१७ रोजी 'एकल महिलांसाठी स्वतंत्र धोरणाची आवश्यकता' या विषयावर विभागीय चर्चासत्र आयोजित केले होते. या कार्यक्रमात झालेल्या सर्व चर्चेतून एक समान सूर समोर आला तो म्हणजे एकल महिलांसाठी 'स्वतंत्र धोरणाची आखणी' करणे गरजेचे आहे.

त्या अनुषंगाने चर्चा आयोजित करण्यात आली होती. यावेळी कार्यक्रमांच्या अध्यक्ष विद्या बाळ, सुजाता खांडेकर, फिरोज अश्रफ यांनी उपस्थितांना वेगवेगळ्या उदाहरणे देऊन मार्गदर्शन केले.
शहरी आणि ग्रामीण भागातील एकल महिलांच्या समस्या या विषयावर मा. दीप्ती राऊत यांनी मार्गदर्शन केले. विशेष समाज घटकातील एकल महिलांच्या या विषयावर सुजाता खांडेकर यांनी मार्गदर्शन केले. तसेच मुस्लीम समाज्यातील एकल महिलांच्या समस्या मा. जुलेखा आणि तृतीयपंथी यांच्या समस्या माधुरी सरोदे, दिशा शेख यांनी केले.  

Friday, 10 November 2017

सिंहासन सिनेमावर चर्चा


ज्येष्ठ पत्रकार आणि साहित्यिक अरुण साधूंचं नुकतंच निधन झालं. त्यांच्या 'सिंहासन' व 'मुंबई दिनांक' या कादंबरी व कथासंग्रहातील निवडक प्रसंगांवर आधारित सिनेमा बनला-"सिंहासन". आपल्या सर्वांचा परिचित चित्रपट. १९७९ ला हा सिनेमा प्रदर्शित झाला... संपूर्णपणे राजकारणच केंद्रबिंदू असलेला हा मराठीतील पहिला चित्रपट...सत्तेच्या सिंहासनासाठी केल्या जाणाऱ्या राजकारणावर आधारित हा सिनेमा आहे..हा सिनेमा नूकताच यशवंतराव चव्हाण प्रतिष्ठान मध्ये दाखविण्यात आला.
हा सिनेमा संपल्यानंतर समिक्षक व दिगदर्शक अशोक राणे यांनी १९७५ च्या काळातील काही चित्रपट आणि वास्तव यातील काही गोष्टी सांगितल्या. तसेच आता तसे चित्रपट का बनू शकत नाही ? या विचारलेल्या प्रश्नाला सुध्दा त्यांनी सुंदर दिलेलं उत्तर त्या काळात जब्बार पटेल यांना राजकीय विषयावर चित्रपट तयार करावा असं वाटलं होतं. आत्ताच्या तरूणाला वाटतं नाही. ज्येष्ठ पत्रकार सुनिल तांबे यांनी १९७५ च्या काळातील राजकारण आणि संघटना याबाबतच्या घटना सांगून आठवणींना उजाळा दिला.

"दिव्यांग कट्टा" संपन्न...


यशवंतराव चव्हाण प्रतिष्ठान मुंबई आणि अपंग हक्क विकास मंच यांच्या संयुक्त विद्यमाने शुक्रवारी १० नोव्हेंबर २०१७ रोजी दुपारी ३ वाजता "दिव्यांग कट्टा"चे आयोजन करण्यात आले होते. या कार्यक्रमामध्ये अपंग स्टॉलधारकांच्या समस्या या विषयावर चर्चा करण्यात आली. आलेल्या दिव्यांग व्यक्तींची विचारपूस करून त्यांच्या अपंग स्टॉलधारकांच्या समस्या जाणून घेतल्या आणि त्यानंतर शमीद खान यांनी त्यांना मार्गदर्शन केले.

‘चित्रपट चावडी’तर्फे चित्रपटप्रेमींसाठी ‘इक्सेन्ट्रीसीटीज ऑफ ब्लाँड हेअर्ड गर्ल’



नाशिक : यशवंतराव चव्हाण प्रतिष्ठान मुंबई, विभागीय केंद्र नाशिक व विश्वास को-ऑप.बँक लि., नाशिक, विश्वास ज्ञानप्रबोधिनी अ‍ॅण्ड रिसर्च इन्स्टिट्यूट, नाशिक, सारस्वत बँक व रेडिओ विश्वास ९०.८ कम्युनिटी रेडिओ यांच्या संयुक्त विद्यमाने ‘चित्रपट चावडी’ उपक्रमांतर्गत शनिवार ११ नोव्हेंबर २०१७ रोजी सायंकाळी ६.३० वाजता सुप्रसिद्ध पोर्तुगाल दिग्दर्शक मॅन्युएल डी. ऑलीवेरा यांचा ‘इक्सेन्ट्रीसीटीज ऑफ ब्लाँड हेअर्ड गर्ल’ हा चित्रपट दाखविण्यात येणार आहे. सदर चित्रपट डिझास्टर मॅनेजमेंट अ‍ॅण्ड ट्रेनिंग हब (विश्वासलॉन्स), ठाकूर रेसिडेन्सी, विश्वास को-ऑप.बँकेसमोर, सावरकरनगर, गंगापूर रोड, नाशिक-४२२०१३ येथे दाखविण्यात येणार आहे.
‘इक्सेन्ट्रीसीटीज ऑफ ब्लाँड हेअर्ड गर्ल’ हा चित्रपट एका तरूण जोडीचा प्रेमपट आहे. आगगाडीच्या प्रवासात एक तरूण एका मध्यमवयीन सहप्रवासी स्त्रीला त्याच्या आयुष्यात आलेल्या एका सुंदर तरूणीबद्दल सांगतो. चायनीज पंखा धारण करणार्‍या त्या तरूणीच्या प्रेमात पडलेल्या ह्या तरूणाची काय अवस्था होते ते पहाण्यासाठी अवश्य या. २००९ मध्ये पोर्तुगीज येथे प्रदर्शित झालेल्या या सिनेमाचा कालावधी ६४ मिनीटांचा आहे.
‘इक्सेन्ट्रीसीटीज ऑफ ब्लाँड हेअर्ड गर्ल’ हा चित्रपट बघण्यास जास्तीत जास्त संख्येने सहभागी होण्याचे आवाहन अध्यक्ष विनायक पाटील, कार्याध्यक्ष विश्वास ठाकूर, सचिव डॉ.कैलास कमोद, कोषाध्यक्ष डॉ.सुधीर संकलेचा, सदस्य सौ.कविता कर्डक, राजवर्धन कदमबांडे, रऊफ पटेल, अ‍ॅड.नितीन ठाकरे व विक्रम मोरे यांनी केले आहे. 

Thursday, 9 November 2017

यशवंतराव चव्हाण प्रतिष्ठानची आढावा बैठक


यशवंतराव चव्हाण प्रतिष्ठानच्या पदाधिकाऱ्यांची आढावा बैठक नूकतीच बैठक प्रतिष्ठान मध्ये पार पडली. यशवंतराव चव्हाण प्रतिष्ठानच्या राज्यभरातल्या केंद्रांनी केलेल्या कामांची माहिती दिली. २०१८ ची रूपरेषा आगोदरच ठरवावी असं बैठकीत सुचवण्यातं आलं.

"सहकारी गृहनिर्माण संस्था"एकदिवशीय माहिती कार्यशाळा

यशवंतराव चव्हाण प्रतिष्ठान, मुंबईच्या महाराष्ट्र महिला व्यासपीठातर्फे "सहकारी गृहनिर्माण संस्था" कायदा आणि नियम यासंदर्भात एकदिवशीय माहिती कार्यशाळेचे आयोजन करण्यात आले आहे. या कार्यशाळेमध्ये कायदा आणि नियम यासंदर्भात प्रभाकर चुरी हे २ डिसेंबर २०१७ रोजी सकाळी ११ ते ५ यावेळेत प्रक्षिणार्थींना मार्गदर्शन करणार आहेत. कार्यशाळेत सहभागी होण्या-या प्रक्षिणार्थीं कडून २५० रूपये शुल्क आकारले जाईल. ही कार्यशाळा यशवंतराव चव्हाण प्रतिष्ठान, मुंबई जन.जगन्नाथराव भोसले मार्ग, नरिमन पॉईंट, मुंबई येथे होईल. या कार्यशाळेसाठी नोंदणी करणे अनिवार्य आहे. संपर्क - ८२९१४१६२१६, २२०४५४६०.

एकल महिलांसाठी स्वतंत्र धोरणाची आवश्यकता (राज्यस्तरीय चर्चासत्र)


मराठवाड्यात २०१५ व २०१६ या दोन वर्षांमध्ये पडलेल्या दुष्काळाच्या पार्श्वभूमीवर 'एकल महिला व पाणिप्रश्न' या विषयावर संशोधन अहवाल प्रसिध्द करण्यात आलेला होता. त्या अनुषंगाने औरंगाबाद येथे ९ सप्टेंबर २०१७ रोजी 'एकल महिलांसाठी स्वतंत्र धोरणाची आवश्यकता' या विषयावर विभागीय चर्चासत्र आयोजीत केले होते. या कार्यक्रमात झालेल्या सर्व चर्चेतून एक समान सूर समोर आला तो म्हणजे एकल महिलांसाठी 'स्वतंत्र धोरणाची आखणी' करणे गरजेचे आहे.
या पार्श्वभूमीवर यशवंतराव चव्हाण प्रतिष्ठान, मुंबई, विकास अध्ययन केंद्र, मुंबई, कोरो-मुंबई, कम्युनिटी डेव्हलपमेंट ट्रस्ट, मुंबई या सर्व संस्थांच्या संयुक्त विद्यमाने यशवंतराव चव्हाण केंद्र, जन. जगन्नाथराव भोसले मार्ग, नरिमन पॉईंट, मुंबई-४०००२१ येथे राज्यस्तरीय चर्चासत्र सोमवारी १३ नोव्हेंबर २०१७ रोजी सकाळी ९ ते ३ तीन यावेळेत आयोजीत करण्यात आले आहे. समाजातील सर्व घटकांमधील महिलांच्या प्रश्नांवर कार्य करणा-या व्यक्ती व संस्थांना या चर्चासत्राकरिता आमंत्रित करीत आहोत.
या चर्चासत्रासाठी आपला सहभाग महत्त्वपुर्ण आहे. आपण ह्या सगळ्या प्रक्रियेत सहभागी झालात तर एकत्र मिळून एकल महिलांसाठी स्वतंत्र धोरणाचा प्राथमिक मसुदा शासनाला २०१८ साली जागतिक महिला दिनी सादर करता येईल, असे आम्हांस वाटते. यासाठीचे चर्चासत्र आणि पुढील धोरणाची मांडणी करण्यासाठी आपली संस्थाही या प्रक्रियेत सोबत जोडली जावी असे आम्हाला वाटते, तरी आपल्या संस्थेतील दोन प्रतिनिधिंना या चर्चासत्रात सहभाग नोंदविण्याकरिता पाठवावे, असे आवाहन प्रतिष्ठानतर्फे करण्यात आले आहे.
विशेष सुचना : चर्चासत्रातील सहभाग निशुल्क असून उपस्थित प्रतिनिधींच्या चहा नास्ता व भोजनाची व्यवस्था आयोजकांतर्फे करण्यात आलेली आहे. चर्चासत्राकरीताची नोंदणी अनिवार्य असून शनिवार, दि. ११ नोव्हेंबर २०१७ रोजी पर्यंत नोंदणी करण्यात यावी. नोंदणी करीता संपर्क - मनिषा खिल्लारे (७०२०२९९६७७)

अपंग स्टॉलधारकांच्या समस्यावर चर्चा


यशवंतराव चव्हाण प्रतिष्ठान मुंबई आणि अपंग हक्क विकास मंच यांच्या संयुक्त विद्यमाने शुक्रवारी १० नोव्हेंबर २०१७ रोजी दुपारी ३ वाजता "दिव्यांग कट्टा"चे आयोजन करण्यात आले आहे. या कार्यक्रमामध्ये अपंग स्टॉलधारकांच्या समस्या या विषयावर चर्चा करण्यात येणार आहे. या कार्यक्रमाला अधिक लोकांनी उपस्थित रहावे असे आवाहन विजय कान्हेकर यांनी केले आहे.

Sunday, 5 November 2017

जीएसटी कायद्या मध्ये जागतिक विक्रम ठरावा इतक्या दुरुस्त्या



जीएसटी कायद्या मध्ये जागतिक विक्रम ठरावा इतक्या दुरुस्त्या आत्तापर्यंत झाल्या आहेत, व करत राहाव्या लागणार आहेत. हट्टीपणा व श्रेय घेण्यासाठी उतावळेपणा यातून हे घडते आहे, असं मतं अर्थविषयक सल्लागार अजित जोशी यांनी नूकतेच झालेल्या  कार्यक्रमामध्ये व्यक्त केले.
 यशवंतराव चव्हाण प्रतिष्ठान, मुंबई - विभागीय केंद्र कोकण, ठाणे आणि युवाराज प्रतिष्ठान, बदलापूर यांच्या संयुक्त विद्यमाने “जीएसटी - काही अनुक्तरीत प्रश्न” यावर आयोजित केलेल्या विशेष व्याख्याना मध्ये ते बोलत होते.
सरकारने जीएसटी कायद्याची अंमलबजावणी अत्यंत अनावश्यक घाईने व पुरेश्या नियोजना अभावी करण्याचा प्रयत्न केला आहे. योग्य सॉफ्टवेअर सुद्धा तयार करण्यात हे सरकार अपयशी ठरले आहे. त्याचा परिणाम असंघटीत छोट्या उद्योग धंद्यांवर विपरीत झाला आहे. असंही ते यावेळी म्हणाले.
जेष्ठ पत्रकार सुनिल तांबे यांनी इतर अनेक देशातील(सिंगापूर ते ब्राझील ) जीएसटी च्या अंमलबजावणीची उदाहरणे देऊन आपल्या देशातील अंमलबजावणी मधील दोष व त्रुटी मांडल्या. अमेरिकेत जीएसटी का लागू करण्यात आला नाही, हेही उदाहरणे देऊन स्पष्ट केले. आणि  भारतात लागू करण्यातील अडचणी व अडथळे समजावून सांगितले. याबाबत उद्योग व व्यवसायनुसार परिषदा घेऊन चर्चा घडवून आणण्यासाठी सर्वांनी प्रयत्न करण्याचे त्यांनी आवाहन केले.
या कार्यक्रमाचे आयोजन आशिष दामले केले होते. तर कार्यक्रमाचे सुत्रसंचालन सचिन पाटील यांनी केले. या कार्यक्रमाला दत्ता बाळसराफ, सुनिल तांबे आणि पद्मभूषण देशपांडे हे मान्यवर उपस्थित होते.

सृजनतर्फे विज्ञान खेळणी कार्यशाळा संपन्न








यशवंतराव चव्हाण प्रतिष्ठान मुंबईच्या सृजन विभागातर्फे विज्ञान खेळणी कार्यशाळा आयोजीत करण्यात आली होती. या कार्यशाळेत 60 मुलांनी सहभाग घेतला. या कार्यशाळेत विज्ञान शिक्षण आणि ऊर्जा संवर्धन संस्थेचे संचालक अभय यावलकर यांनी मुलांना मार्गदर्शन केले. कार्यशाळेत यावलकर यांनी मागलेव्ह, फ्लिकरिंग फिश, स्नेक, उपगोइंग टॉयस, स्ट्रोफालुट, स्प्रिंकलर आणि टोपीशंकर हे सर्व कसे बनवतात सांगून, सर्व मुलांच्या कडून त्याची प्रात्यक्षिके करून घेतली.

Friday, 3 November 2017

सृजनतर्फे विज्ञान खेळणी कार्यशाळा


यशवंतराव चव्हाण प्रतिष्ठान मुंबईच्या सृजन विभागातर्फे रविवारी ५ नोव्हेबर सकाळी १० वाजता सृजनतर्फे विज्ञान खेळणी कार्यशाळा आयोजीत करण्यात आली आहे. या कार्यशाळेत अधिक मुलांनी सहभाग घ्यावा असे आवाहन प्रतिष्ठानतर्फे करण्यात आले आहे.

Saturday, 28 October 2017

ग्रामीण व शहरी विभागातील कर्णबधीर मुलांना व ज्येष्ठ नागरिकांना मोफत श्रवणयंत्र


स्टार्की फाउंडेशन अमेरिका, यशवंतराव चव्हाण प्रतिष्ठान मुंबई, अपंग हक्क विकास मंच, आरव्हीएस एज्युकेशनल अॅण्ड चॅरिटेबल फाउंडेशन मुंबई, नरोत्तम सक्सेरीया फाउंडेशन मुंबई, ठाकरसी ग्रुप मुंबई, विद्या प्रतिष्ठान बारामती आणि महात्मा गांधी सेवा संघ, जिल्हा अपंग पुनर्वसन केंद्र पुणे यांच्या संयुक्त विद्यमाने सातारा, सोलापूर व पुणे जिल्ह्यातील एकूण १२०० ग्रामीण व शहरी विभागातील कर्णबधीर मुलांना व ज्येष्ठ नागरिकांना मोफत वैद्यकीय तपासणी करुन दिनांक ३१ ऑक्टोबर आणि १ नोव्हेंबर २०१७ या दरम्यान ग. दि. माडगुळकर सभागृह, विद्या प्रतिष्ठान, एम. आय. डी. सी. बारामती येथे सकाळी १० ते सायंकाळी ६ पर्यंत आधुनिक डिजिटल श्रवणयंत्र वाटप शिबिराचे आयोजन करण्यात आले आहे. या शिबिरात प्रत्येक कर्णबधीर मुलास व ज्येष्ठ नागरिकास रु २५,०००/- किंमतीचे (अमेरिकन मेड) आधुनिक श्रवणयंत्र उपलब्ध करुन देण्यात येणार आहे.
या शिबिरासाठी स्टारकी फाउंडेशन, अमेरिका या संस्थेचे, पदाधिकारी व स्वयंसेवक मिळून २५ जणांची एक टीम अमेरीकेहून बारामतीमध्ये उपस्थित राहणार आहे. या कर्णबधिर मुलांना श्रवणयंत्र लावल्यानंतर ऐकू येणा-या ध्वनी लहरींमुळे त्यांना होणारा आनंद द्विगुणीत करण्यासाठी सदरील कार्यक्रमास आपली उपस्थिती प्राथनीय आहे. 

Friday, 27 October 2017

'विज्ञानगंगा'चे विसावे पुष्प संपन्न...


यशवंतराव चव्हाण प्रतिष्ठान, मुंबई व मराठी विज्ञान परिषद यांच्या संयुक्त विद्यमाने 'विज्ञानगंगा' कार्यक्रमांतर्गत विसावे पुष्प, व्याख्याते डॉ. सोमक रॉय चौधरी यांचे 'विश्वातील सर्वात मोठी आकाशगंगा' या विषयावर चव्हाण सेंटर, सांस्कृतिक सभागृह, चौथा मजला, जनरल जगन्नाथराव भोसले मार्ग, मंत्रालयासमोर, नरिमन पॉईंट, मुंबई व्याख्यानाचे आयोजन करण्यात आले होते. विशेषम्हणजे नेमकी म्हणजे आकाशगंगा हे समजून घेण्यासाठी अधिक विद्यार्थ्यांची कार्यक्रमाला उपस्थिती होती.
सुरुवातीला चौधरी यांनी 'विश्वातील सर्वात मोठी आकाशगंगा' म्हणजे नेमकं काय हे समजावून सांगितलं. त्यानंतर त्यानी आकाश संदर्भात संशोधन करत असताना त्यांना आलेले अनुभव उपस्थितांना सांगितले.
आकाशात काही ग्रह कधी कधी उलटे फिरताना दिसतात. वास्तविक सर्वच ग्रह सूर्याभोवती घड्याळाच्या काट्याच्या विरुध्द दिशेने फिरतात. पण पृथ्वीवरून पाहताना काही ग्रह मधेच उलटे जाताना दिसतात. असं का होतं हेही त्यांनी उदाहरणं देऊन स्पष्ट केलं.
चंद्रकक्षेपलीकडील, सूर्यमालेतील पोकळी म्हणजे चंद्रकक्षेपासून आपल्या सूर्यमालेच्या शेवटच्या ग्रहाच्या कक्षेपर्यंतच्या पोकळीस अंतरिक्ष म्हणू या. सूर्य हा आपल्या सूर्यमालेचा केन्द्र आहे, म्हणून त्याच्या पृष्ठभागापासून ते सूर्यमालेच्या परीघापर्यंत अंतरिक्षाची मर्यादा होते. शुक्र, मंगळ, गुरू, शनि, युरेनस, नेपच्यून वगैरे ग्रहांचे, ज्या यानांतून वेध घेतले गेले ती अंतरिक्ष याने, अंतराळ याने नव्हेत. आपल्या सूर्यमालेतील सर्व ग्रह आणि त्यांचे अुपग्रह, प्लुटोसारखे बटुग्रह, लघुग्रहांचा पट्टा आणि त्यातील लघुग्रह, अशनी वगैरे वस्तू अंतरिक्षात भ्रमण करतात. पृथ्वीही अंतरिक्षातच भ्रमण करते. असंही सोमक यांनी सांगितलं.

‘चित्रपट चावडी’तर्फे चित्रपटप्रेमींसाठी शनिवारी ‘अनिकी बोबो’


नाशिक : यशवंतराव चव्हाण प्रतिष्ठान मुंबई, विभागीय केंद्र नाशिक व विश्वास को-ऑप.बँक लि., नाशिक, विश्वास ज्ञानप्रबोधिनी अ‍ॅण्ड रिसर्च इन्स्टिट्यूट, नाशिक, सारस्वत बँक व रेडिओ विश्वास ९०.८ कम्युनिटी रेडिओ यांच्या संयुक्त विद्यमाने ‘चित्रपट चावडी’ उपक्रमांतर्गत शनिवार २८ ऑक्टोबर २०१८ रोजी सायंकाळी ६.३० वाजता सुप्रसिद्ध पोर्तुगाल दिग्दर्शक मॅन्युएल डी. ऑलीवेरा यांचा ‘अनिकी बोबो’ हा चित्रपट दाखविण्यात येणार आहे. सदर चित्रपट डिझास्टर मॅनेजमेंट अ‍ॅण्ड ट्रेनिंग हब (विश्वासलॉन्स), ठाकूर रेसिडेन्सी, विश्वास को-ऑप.बँकेसमोर, सावरकरनगर, गंगापूर रोड, नाशिक - ४२२०१३ येथे दाखविण्यात येणार आहे.
ऑलीव्हेरांचा हा अगदी सुरूवातीचा पोर्तुगीज चित्रपट पुढे येऊ घातलेल्या इटालीयन नव वास्तववादाची नांदीच होती. चित्रपटातील सर्व पात्रे खरंतर लहान मुलेच आहेत. पण त्यांचे बालखेळ मात्र मोठ्यांचे प्रतिबींबच आहेत. लहान मुलांचा निरागसपणा व खेळकरपणा मात्र शेवटी प्रेक्षकांची मने जिंकतो.
पोर्तुगीज चित्रपट दिग्दर्शक मन्युअल डी. ऑलीवेरा हे जागतिक चित्रपट सृष्टीतील एक आश्चर्यच म्हटले पाहिजे. १०६ वर्षांचे प्रदिर्घ आयुष्य लाभलेले ऑलीवेरा ८० वर्षे चित्रपट सृष्टीत कार्यरत राहीले. मूक चित्रपट ते २१ वे शतक असा खूप मोठा कालखंड त्यांनी पाहिला. त्यांना आंतरराष्ट्रीय मान्यता  तशी उशीराच मिळाली. पण पोर्तुगालमधील हुकुमशाही राजवटीमुळे सुरूवातीला चित्रपटासाठी लागणारे पोषक वातावरण नव्हते. एकंदरीत सामाजिक आशयाचा चित्रपट तसेच लघुपट व माहितीपटांची अखंड निर्मिती केली.
१९४२ मध्ये पोर्तुगीज येथे प्रदर्शित झालेल्या या सिनेमाचा कालावधी ७१ मिनीटांचा आहे. ‘अनिकी बोबो’ हा चित्रपट बघण्यास जास्तीत जास्त संख्येने सहभागी होण्याचे आवाहन अध्यक्ष विनायक पाटील, कार्याध्यक्ष विश्वास ठाकूर, सचिव डॉ.कैलास कमोद, कोषाध्यक्ष डॉ.सुधीर संकलेचा, सदस्य सौ.कविता कर्डक, राजवर्धन कदमबांडे, रऊफ पटेल, अ‍ॅड.नितीन ठाकरे व विक्रम मोरे यांनी केले आहे.

Wednesday, 25 October 2017

मा. यशवंतराव चव्हाण यांची ३३ वी पुण्यतिथी...


आधुनिक महाराष्ट्राचे निर्माते व धुरंधर राष्ट्रीय नेते मा. यशवंतराव चव्हाण यांच्या ३३ वी पुण्यतिथी निमित्त शनिवारी दिनांक २५ नोव्हेंबर २०१७ रोजी सायंकाळी ५.३० वाजता कार्यक्रमांचे आयोजन चव्हाण सेंटर, जनरल जगन्नाथराव भोसले मार्ग, नरिमन पॉईन्ट मुंबई येथे करण्यात आले आहे.
 यशवंतराव चव्हाण प्रतिष्ठान, मुंबई पुरस्कृत न्यायमूर्ती वाय्. व्ही. चंद्रचूड पारितोषिक वितरण,
मा. यशवंतराव चव्हाण यांच्या "भूमिका" व "माझ्या विद्यार्थी मित्रांनो"ऑडिओ सीडीचे प्रकाशन,
 वि. का. राजवाडे यांच्या साहित्याच्या वेबसाईटचे उद्घाटन, "लोकमान्य ते महात्मा" या पुस्तकाच्या पहिल्या खंडाचे प्रकाशन,
यशवंतराव चव्हाण राज्यस्तरीय पारितोषिक २०१७ प्रदान करणे, राज्यस्तरीय पारितोषिक स्वीकाराचे भाषण,
यशवंतराव चव्हाण राष्ट्रीय पुरस्कार २०१७ जाहीर करणे,
अध्यक्षांचे भाषण.

Tuesday, 24 October 2017

यशवंतराव चव्हाण राज्यस्तरीय सामाजिक व क्रीडा युवा पुरस्कार – २०१८

यशवंतराव चव्हाण राज्यस्तरीय सामाजिक व क्रीडा युवा पुरस्कार – २०१८
यशवंतराव चव्हाण प्रतिष्ठान, मुंबई व नवमहाराष्ट्र युवा अभियान यांचा उपक्रम

दरवर्षी यशवंतराव चव्हाण प्रतिष्ठान, मुंबई व नवमहाराष्ट्र युवा अभियानाच्या वतीने राज्यस्तरीय सामाजिक व क्रीडा युवा पुरस्कार दिले जातात. सामाजिक व क्रीडा विभागात एक युवक व एक युवती यांना विशेष कामगिरीसाठी हा पुरस्कार दिला जातो. ‘यशवंतराव चव्हाण राज्यस्तरीय युवा क्रीडा पुरस्कार’ (युवक व युवती) व ‘यशवंतराव चव्हाण राज्यस्तरीय युवा सामाजिक पुरस्कार’ (युवक व युवती) असे एकूण चार पुरस्कार दिले जातात. क्रीडा व सामाजिक क्षेत्रात भरीव कामगिरी करून इतर युवांसमोर एक आदर्श ठेवणाऱ्या युवा वर्गाच्या कर्तुत्वाची दाखल घेऊन त्यांना सन्मानित करण्याचा यामागे उद्देश आहे. पुरस्काराचे यंदाचे अठरावे वर्ष आहे.

महाराष्ट्रातील उत्कृष्ट खेळाडूंच्या कार्याचे मूल्यमापन होऊन त्यांचा गौरव व्हावा आणि प्रोत्साहन मिळावे, हे या क्रीडा पुरस्काराचे उद्दिष्ट आहे. तसेच महाराष्ट्राच्या सर्वांगीण विकासासाठी युवा आंदोलनाच्या क्षेत्रात विधायक व भरीव कार्य करणाऱ्या युवक-युवतींची समाजाला ओळख व्हावी हे या सामाजिक युवा पुरस्काराचे उद्दिष्ट आहे. २१,०००/-चा धनादेश, स्मृतीचिन्ह व सन्मानपत्र असे या पुरस्काराचे स्वरूप आहे. पुरस्कारासाठी व्यक्तीचे वय ३१ डिसेंबर २०१६ अखेरीस ३५ वर्षांच्या आत असले पाहिजे. पुरस्कारासंबंधीची संपूर्ण माहिती व फॉर्म www.ycpmumbai.com या वेबसाईटवरून डाऊनलोड करावे. आपले प्रस्ताव व अर्ज संपूर्ण माहितीनिशी दिलेल्या फॉर्मवर भरून दि. १० डिसेंबर २०१७ च्या आत संघटक, नवमहाराष्ट्र युवा अभियान, यशवंतराव चव्हाण प्रतिष्ठान, जनरल जगन्नाथराव भोसले मार्ग, मंत्रालयासमोर, मुंबई – २१ या पत्त्यावर, अथवा navmaharashtra@gmail.com या मेल आयडीवर पाठवावेत. या पुरस्कारासंबंधी अधिक माहितीकरिता कार्यालयामध्ये ०२२-२२०२८५०८ या दूरध्वनी क्रमांकावर किंवा श्री. सुबोध जाधव (९८२३०६७८७९) व श्रीमती मनीषा खिल्लारे (९०२२७१६९१३) व रमेश मोरे (९००४६५२२६२) यांच्याशी संपर्क साधावा. असे आवाहन यशवंतराव चव्हाण प्रतिष्ठान, मुंबई नवमहाराष्ट्र युवा अभियानाचे संयोजक दत्ता बाळसराफ, सहसंयोजक विश्वास ठाकूर, विजय कान्हेकर व संघटक नीलेश राऊत यांनी केले आहे.

Monday, 23 October 2017

सिंहासन सिनेमा व चर्चा...


ज्येष्ठ पत्रकार आणि साहित्यिक अरुण साधूंचं नुकतंच निधन झालं. त्यांच्या 'सिंहासन' व 'मुंबई दिनांक' या कादंबरी व कथासंग्रहातील निवडक प्रसंगांवर आधारित सिनेमा बनला-"सिंहासन". आपल्या सर्वांचा परिचित चित्रपट. १९७९ ला हा सिनेमा प्रदर्शित झाला... संपूर्णपणे राजकारणच केंद्रबिंदू असलेला हा मराठीतील पहिला चित्रपट...सत्तेच्या सिंहासनासाठी केल्या जाणाऱ्या राजकारणावर आधारित हा सिनेमा आहे..राजकीय डाव, बेरीज-वजाबाकी आणि अनुत्तरित गणितंही...हे राजकारण अनेकदा सामान्य माणसांच्या आकलनापलीकडचे असते...पण एक पत्रकार म्हणून खुर्चीभोवतालचे हे डाव टिपता येतात...याचचं यथार्थ चित्रण या सिनेमात आहे.

जब्बार पटेल दिग्दर्शित व विजय तेंडुलकर पटकथा लिखित... निळू फुले, श्रीराम लागू, अरुण सरनाईक, मोहन आगाशे, नाना पाटेकर, रिमा लागू, सतीश दुभाषी, उषा नाडकर्णी यांचा प्रगल्भ अभिनय आणि हृदयनाथ मंगेशकर यांचं संगीत असलेला हा राजकीय चित्रपट.

सम्यक संवाद व यशवंतराव चव्हाण प्रतिष्ठान, मुंबई आयोजित सिंहासन : सिनेमा व चर्चा दिनांक ४ नोव्हेंबर २०१७ रोजी सायंकाळी ५.३० वाजता. यशवंतराव चव्हाण प्रतिष्ठान, मंत्रालयाजवळ, नरीमन पॉईंट येथे दाखविला जाणार आहे व त्यानंतर चर्चा ही होणार आहे अधिक माहितीसाठी व कृपया, येण्यापूर्वी उपस्थिती कळवा. प्रथम येणा-यांस प्राधान्य.  गौरव तोडकर (८४११९९१९११), मनिषा खिल्लारे (९०२२७१६९१३), निलेश खानविलकर (८०९७५४४३२०), सोनाली शिंदे (९००४१२१५९५). 

Sunday, 15 October 2017

यंदाचा राज्यस्तरीय पारितोषिक श्री. भुजंगराव कुलकर्णी यांना जाहिर

यशवंतराव चव्हाण प्रतिष्ठानतर्फे दरवर्षी कृषी औद्योगिक समाजरचना/व्यवस्थापन प्रशासन, सामाजिक एकात्मता/ विज्ञान तंत्रज्ञान, ग्रामीण विकास/ अर्थिक सामाजिक विकास, मराठी साहित्य, संस्कृती/ कला क्रिडा या क्षेत्रांमध्ये  लक्षणीय कामगिरी करणा-या महाराष्ट्रातील व्यक्तीस/ संस्थेस यशवंतराव चव्हाण राज्यस्तरीय पारितोषिक देण्यात येते. रोख रक्कम. रु. २,००,०००/- व मानपत्र असे या पारितोषिकाचे स्वरुप आहे.

वरील क्षेत्रामध्ये लक्षणीय कार्य करणा-या व्यक्ती अगर संस्था यांच्या विषयी प्राप्त झालेल्या शिफारसींचा विचार करुन पारितोषिक निवड समितीने ज्येष्ठ, कार्यक्षम, चारित्र्यसंपन्न व यशस्वी सनदी अधिकारी ( भारतीय प्रशासन सेवा) मा. श्री. भुजंगराव कुलकर्णी यांची या वर्षीच्या पारितोषिकासाठी निवड केलेली आहे. मा. श्री. भुजंगराव कुलकर्णी यांनी त्यांच्या सेवा काळात भूमी सुधारणा (कूळ कायदा)  ची जनगणना, पुणे महानगरपालिका, नागरी विकास व आरोग्य, जलसंपदा, न्हावाशेवा बंदराची संरचना, मराठवाडा विकास योजना, मराठवाडा वैधानिक मंडळ, मागासलेल्या भागाचे सबलीकरण यांसारख्या अनेक शासकीय कार्यक्षेत्रात उल्लेखनीय काम केले आहे.

या क्षेत्रांतील त्यांचे असाधारण कर्तृत्व लक्षात घेऊन हे पारितोषिक मा. यशवंतराव चव्हाण यांच्या पुण्यतिथीच्या दिवशी २५ नोव्हेंबर २०१७ रोजी सायंकाळी ५.३० वाजता चव्हाण केंद्रात आयोजित केलेल्या कार्यक्रमामध्ये प्रतिष्ठानचे अध्यक्ष मा.श्री. शरद पवार यांच्या हस्ते मा. श्री. भुजंगराव कुलकर्णी यांना देण्यात येणार आहे. 

Friday, 6 October 2017

लघुपट निर्मिती कार्यशाळा संपन्न


सोलापूर : यशवंतराव चव्हाण प्रतिष्ठान, मुंबई, विभागीय केंद्र सोलापूर, नवमहाराष्ट्र युवा अभियान व प्रयोग मालाड यांच्या संयुक्त विद्यमाने लघुपट निर्मिती कार्यशाळेचे आयोजन करण्यात येणार होते. या कार्यक्रमांमध्ये निर्मलकुमार फडकुले, अशोक राणे आणि महेंद्र तेरेदेसाई यांनी उपस्थित राहिलेल्या युवा वर्गाला मार्गदर्शन केले. या कार्यशाळेला प्रतिष्ठानच्या विभागीय केंद्राचे सदस्य युनूसभाई शेख, धर्मणा सादुल, दत्ता गायकवाड आणि राजशेखर शिवादारे यांची प्रमुख उपस्थिती होती. ही कार्यशाळा यशस्वी होण्यासाठी युवा अभियानाचे शिवाजी शेंडगे, आनंद कोलारकर यांनी अधिक परिश्रम घेतले.

‘चित्रपट चावडी’चित्रपटप्रेमींसाठी ‘आय एम गोइंग होम’


नाशिक : यशवंतराव चव्हाण प्रतिष्ठान मुंबई, विभागीय केंद्र नाशिक व विश्वास को-ऑप.बँक लि., नाशिक, विश्वास ज्ञानप्रबोधिनी अ‍ॅण्ड रिसर्च इन्स्टिट्यूट, नाशिक, सारस्वत बँक व रेडिओ विश्वास ९०.८ कम्युनिटी रेडिओ यांच्या संयुक्त विद्यमाने ‘चित्रपट चावडी’ उपक्रमांतर्गत शनिवार ८ऑक्टोबर २०१७ रोजी सायंकाळी ६.३० वाजता सुप्रसिद्ध पोर्तुगाल दिग्दर्शक मॅन्युएल डी. ऑलीवेरा यांचा ‘आय एम गोइंग होम’ हा चित्रपट दाखविण्यात येणार आहे. सदर चित्रपट डिझास्टर मॅनेजमेंट अ‍ॅण्ड ट्रेनिंग हब (विश्वासलॉन्स), ठाकूर रेसिडेन्सी, विश्वास को-ऑप.बँकेसमोर, सावरकरनगर, गंगापूर रोड, नाशिक-४२२०१३ येथे दाखविण्यात येणार आहे.
गिल्बर्ट वॅलन्स हा पॅरीसच्या रंगभुमीवरील सुप्रसिद्ध नट उतरणीच्या वयात आता निवृत्तीचे वेध लागले आहेत. अचानक कोसळलेल्या संकटांमुळे गिल्बर्टला फक्त नातवाचा आधार उरतो. त्याची करूण कहाणी दाखविण्यात आलेली आहे.
पोर्तुगीज चित्रपट दिग्दर्शक मन्युअल डी. ऑलीवेरा हे जागतिक चित्रपट सृष्टीतील एक आश्चर्यच म्हटले पाहिजे. १०६ वर्षांचे प्रदिर्घ आयुष्य लाभलेले ऑलीवेरा ८० वर्षे चित्रपट सृष्टीत कार्यरत राहीले. मूक चित्रपट ते २१ वे शतक असा खूप मोठा कालखंड त्यांनी पाहिला. त्यांना आंतरराष्ट्रीय मान्यता  तशी उशीराच मिळाली. पण पोर्तुगालमधील हुकुमशाही राजवटीमुळे सुरूवातीला चित्रपटासाठी लागणारे पोषक वातावरण नव्हते. एकंदरीत सामाजिक आशयाचा चित्रपट तसेच लघुपट व माहितीपटांची अखंड निर्मिती केली.
२००१ मध्ये पोर्तुगीज येथे प्रदर्शित झालेल्या या सिनेमाचा कालावधी ९० मिनीटांचा आहे. ‘आय एम गोइंग होम’ हा चित्रपट बघण्यास जास्तीत जास्त संख्येने सहभागी होण्याचे आवाहन अध्यक्ष विनायक पाटील, कार्याध्यक्ष विश्वास ठाकूर, सचिव डॉ.कैलास कमोद, कोषाध्यक्ष डॉ.सुधीर संकलेचा, सदस्य सौ.कविता कर्डक, राजवर्धन कदमबांडे, रऊफ पटेल, अ‍ॅड.नितीन ठाकरे व विक्रम मोरे यांनी केले आहे.

Thursday, 5 October 2017

दिग्दर्शक अशोक राणे यांची नगररत्न कार्यशाळा संपन्न


अहमदनगर : यशवंतराव चव्हाण प्रतिष्ठान, मुंबई विभागीय केंद्र, अहमदनगर यांच्यातर्फे संपुर्ण वर्षभर विविध उपक्रम राबवले जातात. तसेच नवमहाराष्ट्र युवा अभियान अंतर्गत ग्रामीण भागातील युवकांच्या कलागुणांना चालना व प्रेरणा मिळावी व त्यांच्या गुणवत्तेला वाव मिळावी या हेतूने यशवंतराव चव्हाण प्रतिष्ठान मुंबई व प्रयोग मालाड आणि यशवंतराव चव्हाण प्रतिष्ठान मुंबई विभागीय केंद्र अहमदनगर यांच्या संयुक्त विद्यमाने आंतरराष्ट्रीय समिक्षक व दिगदर्शक आशोक राणे यांची एकदिवसीय लघुपट (शॉर्टफिल्म) निर्मिती कार्यशाळा आयोजीत करण्यात आली होती. या कार्यशाळेमध्ये अशोक राणे आणि महेंद्र तेरेदेसाई यांनी उपस्थितांना मार्गदर्शन केले. यशवंतराव गडाख, प्रशांतभाऊ गडाख, प्रदीप देवरूखकर, भुषण मंत्री, अजित कोरेगावकर, महेंद्र कुलकर्णी आणि संजिव तनपुरे यांची प्रमुख उपस्थिती होती. या कार्यशाळेमध्ये अधिक महिला आणि विद्यार्थ्यांनी सहभाग घेतला. 

Tuesday, 3 October 2017

समीक्षक व दिग्दर्शक अशोक राणे यांची नगररत्न कार्यशाळा

                     
अहमदनगर : यशवंतराव चव्हाण प्रतिष्ठान मुंबई विभागीय केंद्र अहमदनगर यांच्यातर्फे संपुर्ण वर्षभर विविध उपक्रम राबवले जातात. नवमहाराष्ट्र युवा अभियान अंतर्गत ग्रामीण भागातील युवकांच्या कलागुणांना चालना व प्रेरणा मिळावी व त्यांच्या गुणवत्तेला वाव मिळावी या हेतूने यशवंतराव चव्हाण प्रतिष्ठान मुंबई व प्रयोग मालाड आणि यशवंतराव चव्हाण प्रतिष्ठान मुंबई विभागीय केंद्र अहमदनगर यांच्या संयुक्त विघमाने आंतरराष्ट्रीय समिक्षक व दिगदर्शक आशोक राणे यांची एकदिवसीय लघुपट (शॉर्टफिल्म) निर्मिती कार्यशाळा आयोजीत करण्यात आली आहे. गुरूवारी दिनांक ५ आॉक्टोबर २०१७ रोजी सकाळी १० ते दुपारी २ या वेळेत ही कार्यशाळा हॉटेल सिंगरेसिडन्सी तारकपुर बसस्टॅंड शेजारी  येथे होणार असून याप्रसंगी लघुपट निर्मितीबाबतच्या सर्व बाबींवर प्रात्यक्षिकासह अशोक राणे मार्गदर्शन करणार आहेत. यानिमित्ताने अशोक राणे पहिल्यांदाच नगररत्न कार्यशाळा घेत आहेत. त्यामुळे चित्रपटनिर्मिती क्षेत्रात करिअर करू इच्छिणा-या व्यक्तीना लघुपट म्हणजे काय, पटकथालेखन, दृश्ये, अभिनय व इतर तांत्रिक बाजू समजण्यास मदत होणार आहे . जागतिक दर्जाचे लघुपट अहमदनगर जिल्हयातून निर्माण व्हावेत व लघुपटाविषयी माहिती युवकापर्यंत पोहचावी हा या कार्यशाळेचा प्रमुख हेतू आहे. त्यामुळे अधिक लोकांनी या कार्यशाळेस उपस्थित रहावे असे आवाहन यशवंतराव चव्हाण प्रतिष्ठान मुंबई, विभागीय केंद्र अहमहनगरचे सचिव प्रशांत गडाख यांनी केले आहे. या कार्यशाळेत सहभागी होऊ इच्छिणा-या व्यक्तिंनी नाव नोंदणीसाठी  ८८८८०८०८८१४ व ७७२००१३३२४ या क्रमांकावर संपर्क साधावा असे अवाहन करण्यात आले आहे. तसेच सदर कार्यशाळेसाठी प्रवेश पुर्णपणे विनामुल्य आहे.

दिवंगत अरूण साधू यांना प्रतिष्ठानतर्फे आदरांजली


‘ग्रंथाली’ व यशवंत प्रतिष्ठान यांच्या संयुक्त विद्यमाने यशवंत चव्हाण प्रतिष्ठानच्या ‘रंगस्वर’ सभागृहात दिवंगत अरुण साधू यांना आदरांजली वाहण्यासाठी ‘जना-मनातले साधू’ या कार्यक्रमाचे आयोजन करण्यात आले होते. आपल्या लेखणीने समाजातील उपेक्षित घटकांची वास्तवस्थिती साहित्यातून मांडणारे चतुरस्त्र प्रतिभेचे लेखक-पत्रकार अरुण साधू यांनी मराठी माणसांच्या मनात विशिष्ट स्थान निर्माण केले, अशी भावना प्रतिष्ठानचे अध्यक्ष शरद पवार यांनी व्यक्त केली.
डॉ. रवींद्र थत्ते, ज्येष्ठ पत्रकार कुमार केतकर, ‘ग्रंथाली’चे दिनकर गांगल, लेखिका मीना गोखले, माजी मंत्री अरुण गुजराथी, ज्येष्ठ दिग्दर्शक डॉ. जब्बार पटेल प्रतिष्ठानचे सरचिटणीस अध्यक्ष शरद काळे, ‘लोकसत्ता’चे संपादक गिरीश कुबेर आदी मान्यवर या वेळी उपस्थित होते.
राजकीय, सामाजिक प्रश्नांची आखणी करताना त्यामागील इतिहास व साहित्यप्रवाहाचा व्यासंगपूर्ण अभ्यास असणाऱ्यांमध्ये साधू यांचे नाव अग्रभागी होते. मराठी साहित्यात वैविध्यपूर्ण लेखन करणाऱ्या मोजक्या साहित्यिकांत साधू यांचा समावेश होतो, असे सांगून डॉ. जब्बार पटेल यांनी ‘सिंहासन’ चित्रपटाच्या वेळेस अरुण साधू यांच्यासोबतच्या काही आठवणींना उजाळा दिला. तर प्रा. मीना गोखले म्हणाल्या, अरुण साधू यांच्या निवडक कथांचे संपादन करताना लेखक आणि माणूस म्हणून जाणून घेण्याची संधी मिळाली. त्यांचे लिखाण ‘लोकल ते ग्लोबल’ अशा स्वरुपाचे होते. त्यांना कवितेचीही विशेष आवड होती.
‘‘पत्रकारितेत सत्य किती सांगायचे यात मोठी आडकाठी असते. अशावेळी सत्याला कल्पनेच्या कोषात गुंडाळून मांडण्याचा कलात्मक मार्ग अरुण साधू यांनी पुढच्या पिढीला दाखविला’’, असे ‘लोकसत्ता’चे संपादक गिरीश कुबेर म्हणाले.
लढणाऱ्या व्यक्तींबद्दल साधू यांना अतिशय आदर व आस्था होती. डॉ. बाबासाहेब आंबेडकर यांना आपल्या लेखनातून न्याय दिला नाही अशी खंत त्यांना कायम वाटत होती. ती कमतरता त्यांनी डॉ. जब्बार पटेलांच्या ‘डॉ. बाबासाहेब आंबेडकर’ या चित्रपटाच्या निमित्ताने पूर्ण केली. कलेचे स्वातंत्र्य व सार्वभौमत्व जपणारा, कथा, कांदबरी, नाटक, एकांकिका या सहित्यप्रकारात चाकोरीबाहेरच्या वाटा चोखाळणारा अरुण साधू पुन्हा होणे नाही, अशा शब्दांत ज्येष्ठ पत्रकार कुमार केतकर यांनी साधू यांना श्रद्धांजली वाहिली.
कार्यक्रमाच्या सुरुवातीला ‘असा साधू होणे नाही’ ही साधू यांच्या कार्य कर्तृत्वाचा आढावा घेणारी ध्वनिचित्रफीत दाखविण्यात आली. या कार्यक्रमास साधू यांचे कुटुंबीयही उपस्थित होते.

Sunday, 1 October 2017

'विज्ञानगंगा'चे विसावे पुष्प 'विश्वातील सर्वात मोठी आकाशगंगा'

|
यशवंतराव चव्हाण प्रतिष्ठान, मुंबई व मराठी विज्ञान परिषद यांच्या संयुक्त विद्यमाने 'विज्ञानगंगा' कार्यक्रमांतर्गत विसावे पुष्प, व्याख्याते डॉ. सोमक रॉय चौधरी यांचे 'विश्वातील सर्वात मोठी आकाशगंगा' या विषयावर शुक्रवार, दिनांक २७ ऑक्टोबर २०१७ रोजी सायंकाळी ५ वाजता चव्हाण सेंटर, सांस्कृतिक सभागृह, चौथा मजला, जनरल जगन्नाथराव भोसले मार्ग, मंत्रालयासमोर, नरिमन पॉईंट, मुंबई - ४०००२१ येथे गुंफणार आहे. तरी या कार्यक्रमास सर्वांनी उपस्थित रहावे.

७०० कर्णबधिर मुलांना डिजिटल श्रवणयंत्राचे वाटप...


स्टार्की फाऊंडेशन अमेरिका, यशवंतराव चव्हाण प्रतिष्ठान मुंबई, अपंग हक्क विकास मंच, आरव्हीएस एज्युकेशनल अॅण्ड चॅरिटेबल फाउंडेशन, नरोत्तम सक्सेरीया फाउंडेशन मुंबई, ठाकरसी ग्रुप मुंबई, विद्या प्रतिष्ठान बारामती, पवार पब्लिक चॅरिटेबल ट्रस्ट मुंबई आणि महात्मा गांधी सेवा संघ संचलित जिल्हा अपंग पुनर्वसन केंद्र पुणे, यांच्या संयुक्त विद्यमाने पुणे जिल्ह्यातील ग्रामीण व शहरी भागातील ७०० कर्णबधिर मुलांना व ज्येष्ठ नागरिकांना मोफत वैद्यकीय तपासणी करून आधुनिक डिजिटल श्रवणयंत्राचे नूकतेच वाटप करण्यात आले. हा कार्यक्रम ग. दि. माडगुळकर सभागृह, विद्या प्रतिष्ठान, एम. आय. डी. सी. बारामती, पुणे येथे लोकांच्या उपस्थित पार पडला. विशेष म्हणजे स्टार्की हिअरींग फाउंडेशन अमेरीका यांच्यावतीने आधुनिक डिजीटल श्रवणयंत्र उपलब्ध करून दिले.

या कार्यक्रमाचे सुत्रसंचालन मा. विजय कान्हेकर, (संयोजक, यशवंतराव चव्हाण प्रतिष्ठान, मुंबई अपंग हक्क विकास मंच) यांनी केले. या कार्यक्रमासाठी मा. सुमित्राताई पवार, नगराध्यक्षा मा. पोर्णिमा तावडे, डॉ. कल्याणी मांडके, मा. वैशाली नागवडे, श्री. बी. एम. तायडे, श्री. मोटा, श्री. शिवाजीराव पोमन, सौ. वनिता बनकर आदी मान्यवर उपस्थित होते.

Thursday, 28 September 2017

'शिक्षण कट्टा'-'प्रगत शैक्षणिक महाराष्ट्र अंतर्गत पायाभूत चाचण्या'


शिक्षणप्रेंमींनी शिक्षणाविषयी काही औपचारिक आणि काही अनौपचारिक पध्दतीने चर्चा करण्याचे ठिकाण म्हणजेच शिक्षण विकास मंच चा 'शिक्षण कट्टा'. शिक्षकतज्ज्ञ, मुख्याध्यापक, शिक्षक, पत्रकार, पालक आणि विद्यार्थी यांना घेऊन हा कट्टा मागील पाच वर्षांपासून कार्यरत आहे. शिक्षण विकास मंच, यशवंतराव चव्हाण प्रतिष्ठान ,मुंबई यांच्या संयुक्त विद्यमाने 'शिक्षणकट्टा' या उपक्रमांर्तगत नियमितपणे आयोजन केले जाते. 
शनिवारी ७ ऑक्टोबर २०१७ रोजी दुपारी २ वाजता 'प्रगत शैक्षणिक महाराष्ट्र अंतर्गत पायाभूत चाचण्या' या विषयावर बोर्ड रूम, पाचवा मजला, यशवंतराव चव्हाण प्रतिष्ठान, मुंबई येथे शिक्षण कट्टयाचे आयोजन करण्यात आले आहे. राज्यातील विद्यार्थ्यांचा शैक्षणिक स्तर आजमावण्यासाठी शैक्षणिक वर्षे २०१५ पासून पायाभूत चाचण्या २ री ते ८ वी तील सर्व विद्यार्थ्यांना लागू करण्यात आला आहेत. 
या अनुषंगाने पुढील मुद्दयांवर चर्चा होणार आहे. चाचण्यांचा मुख्य उद्देश/ प्रयोजन, या चाचण्यामुळे अंमलबजावणी शालेयस्तरावर कशा प्रकारे सुरू आहे ?,  या चाचण्यामुळे शाळांमध्ये कोणते बदल दिसून येत आहेत ?, या कार्यक्रमाची अंमलबजावणी करताना आलेले अनुभव आणि हा कार्यक्रम अधिक प्रभावी कशाप्रकारे करता येईल. वरील सर्व मुद्द्यांवर शिक्षण कट्ट्यात चर्चा होईल. 'शिक्षण विकास मंच' चे मुख्य संयोजक डॉ. वसंत काळपांडे यांची विशेष उपस्थिती यावेळी राहणार आहे. तरी आपण कट्ट्यात सहभागी होऊन आपले विचार मांडावेत ही विनंती.  

Wednesday, 27 September 2017

लघुपट निर्मितीसाठी दृश्यमाध्यमाच्या जाणिवा विकसित होणे गरजेचे



नाशिक : लघुपट निर्मिती करतांना व त्यामध्ये गतीमानता येण्यासाठी रोजच्या जगण्यातील गोष्टीला प्राधान्य देण्याबरोबरच वर्तमानातील सहज साध्या भाषेचा वापर करावा. घडणार्‍या घटनेकडे कृती म्हणून बघावे. तसेच कथेचे बीज हे दर्जेदार आणि अविष्कारासाठी पुरेपूर शक्यता असणारे हवे. दृश्यमाध्यम असले तरी शब्दांचा नेमका वापर करण्याचे कौशल्य दिग्दर्शकाकडे असावे. त्यातून कलात्मक आणि उत्तम  लघुपट समोर येतो. असे प्रतिपादन ख्यातनाम चित्रपट समीक्षक, लेखक, अशोक राणे यांनी केले.
यशवंतराव चव्हाण प्रतिष्ठान मुंबई, विभागीय केंद्र, नाशिक, नवमहाराष्ट्र युवा अभियान, प्रयोग मालाड, विश्वास को-ऑप. बँक लि., नाशिक, विश्वास ज्ञानप्रबोधिनी अ‍ॅण्ड रिसर्च इन्स्टिट्यूट, नाशिक, सारस्वत बँक व रेडिओ विश्वास ९०.८ कम्युनिटी रेडिओ, विश्वास लॉन्स यांच्या संयक्त विद्यमाने ‘लघुपट निर्मिती कार्यशाळे’चे आयोजन विश्वास क्लब हाऊस येथे करण्यात आले होते. त्याप्रसंगी श्री. राणे बोलत होते.
ते पुढे म्हणाले की, ‘लघुपट निर्मिती करतांना दिग्दर्शकाने आपल्यातील दृश्यमाध्यमाच्या शक्यता तपासाव्यात आणि त्यातून मला काहीतरी आणि नेमके सांगायचे आहे. याची जाणीव अधोरेखित करावी. सिनेमाची एक भाषा असते आणि त्याचा वापर करण्याची शैली विकसित करावी. दृश्यातील व्यक्तीमत्त्वाच्या कंगोर्‍यातून खूप काही व्यक्त होत असते त्याचा पुरेपूर वापर करावा.’
यावेळी श्री. राणे यांनी भारतीय व जागतिक सिनेमाचे वेगळेपण, पटकथा, कॅमेरा आणि कथा मांडण्याची तांत्रिक शैली यांवर अभ्यासपूर्ण भाष्य केले.
भारतात जागतिक दर्जाचे लघुपट निर्माण व्हावेत आणि ते फिल्मिन्गो इंटरनॅशनल लघुपट महोत्सवात जगप्रसिद्ध कान्स इंटरनॅशनल फिल्म फेस्टीवलच्या व्यासपीठावरून जगभर जावेत, हा या कार्यशाळेच्या आयोजनामागील प्रमुख हेतू होता.
कार्यशाळेत मार्गदर्शन करतांना दिग्दर्शक शिव कदम म्हणाले की, दिग्दर्शकाने पात्राच्या भूमिकेनुसार कथेची मांडणी करावी. पात्राचा प्रवास का कसा होतो? पात्राच्या भूमिकेनुसार लघुपटातील कथेत जिवंतपणा निर्माण करणे, सरळ-साधी गोष्टी सांगण्याची पद्धत यात वेगळेपण असायला हवे. उत्तम चित्रपट निर्मितीसाठी सर्व कलांचा व्यासंग आणि जाण असणे महत्त्वाचे आहे. संगीत चित्रकला यांची जाण दृश्य माध्यमाला पूरकच आहे असेही श्री. कदम म्हणाले.
प्रास्ताविक व स्वागत करतांना प्रतिष्ठानचे कार्याध्यक्ष विश्वास ठाकूर म्हणाले की, नाशिकमधील अनेक कलावंत लघुपट, चित्रपट क्षेत्रात जगभर नाव कमवत आहेत. त्यांना अशा कार्यशाळांमधून मार्गदर्शन, व्यासपीठ मिळण्यास निश्‍चितच मदत होईल. सिनेमा, लघुपटातून अनेक विषय प्रभावीपणे तरूण दिग्दर्शक मांडत आहेत. हे चित्रपटसृष्टीला बळ देणारे आहे.
कार्यशाळेत लघुपट म्हणजे काय? पटकथा लेखन, छायाचित्रण आणि संकलन, लघुपट निर्मितीची इतर अंगे, लघुपट त्यांचे आणि आपले आदि विषयांवर मार्गदर्शन करण्यात आले. कार्यशाळेत शंभरहून अधिक शिबिरार्थींनी सहभाग नोंदविला. कार्यक्रमाचे सूत्रसंचालन भूषण काळे यांनी केले. 

Sunday, 24 September 2017

लघुपट निर्मिती कार्यशाळेला मुंबईतून सुरूवात

यशवंतराव चव्हाण प्रतिष्ठान, मुंबई, नवमहाराष्ट्र युवा अभियान व प्रयोग मालाड या संस्थांच्या संयुक्त विद्यमाने 'फिल्मिगो' आंतराराष्ट्रीय लघुपट महोत्सवाच्या निमित्ताने राज्यात मुंबई, बदलापूर, नाशिक, अहमदनगर औरंगाबाद, अंबाजोगाई, पुणे, बारामती आणि सोलापूर या ठिकाणी लघुपट निर्मिती कार्यशाळेचे आयोजन करण्यात आले आहे. रविवारी पहिली कार्यशाळा यशवंतराव चव्हाण प्रतिष्ठान, मुंबई येथे संपन्न झाली.

माणूस विशीमध्ये आला की, त्याला आपल्या भावना, विचार व्यक्त करावेसे वाटतात. हल्लीच्या युगामध्ये प्रत्येकाकडे मोबाईल आहे, त्यामुळे अगदी कुणीही मोबाईलच्या सहाय्याने शॉर्ट फिल्म बनवू शकतो.  जगामध्ये अनेक देशांमध्ये 'मोबाईल फिल्म फेस्टिवल सुरू होत आहेत.  शॉर्ट फिल्म बनवण्यासाठी आपला विचार हा मनामध्ये ठाम असायला हवा, आपल्याला आपले काम दाखवायचे आहे असे मार्गदर्शक अशोक राणे यांनी उपस्थितांना सांगितले.

आपले बजेट किती आहे त्यानुसार आपल्याला शूटींगची ठिकाणे निवडता येतात. त्यामुळे आपल्याला मनातील विचार आपल्याला चित्रपटाच्या माध्यमातून दाखवता येतात. अगदी दहा पंधरा मिनिटांच्या कालावधीमध्ये लोकांवर प्रभाव पाडणारे हे फार उत्तम माध्यम असल्याचे या कार्यक्रमाच्या माध्यमातून व्यक्त करण्यात येते असे महेंद्र तेरेदेसाई म्हणाले.

कार्यक्रमामध्ये विविध शॉर्ट फिल्म दाखवून मार्गदर्शन करण्यात आले. अशोक राणे आणि महेंद्र तेरेदेसाई यांनी त्यांच्या आयुष्यातील काही मोजके अनुभव सुध्दा सांगितले. 

Saturday, 23 September 2017

७०० कर्णबधिर मुलांना डिजिटल श्रवणयंत्राचे वाटप


स्टार्की फाऊंडेशन अमेरिका, यशवंतराव चव्हाण प्रतिष्ठान मुंबई, अपंग हक्क विकास मंच, आरव्हीएस एज्युकेशनल अॅण्ड चॅरिटेबल फाउंडेशन, नरोत्तम सक्सेरीया फाउंडेशन मुंबई, ठाकरसी ग्रुप मुंबई, विद्या प्रतिष्ठान बारामती, पवार पब्लिक चॅरिटेबल ट्रस्ट मुंबई आणि महात्मा गांधी सेवा संघ संचलित जिल्हा अपंग पुनर्वसन केंद्र पुणे, यांच्या संयुक्त विद्यमाने पुणे जिल्ह्यातील ग्रामीण व शहरी भागातील ७०० कर्णबधिर मुलांना व ज्येष्ठ नागरिकांना मोफत वैद्यकीय तपासणी करून आधुनिक डिजिटल श्रवणयंत्राचे वाटप करण्यात येणार आहे. हा कार्यक्रम २९ सप्टेंबर २०१७ रोजी शुक्रवारी सकाळी ९ ते सायंकाळी ४ च्या दरम्यान ग. दि. माडगुळकर सभागृह, विद्या प्रतिष्ठान, एम. आय. डी. सी. बारामती, पुणे येथे आयोजित करण्यात आला आहे. विशेष म्हणजे स्टार्की हिअरींग फाउंडेशन अमेरीका हे आधुनिक डिजीटल श्रवणयंत्र उपलब्ध करून देणार आहेत.

Thursday, 21 September 2017

‘चित्रपट चावडी’ तर्फे 'फिल्म उत्सव'..
















नाशिक : यशवंतराव चव्हाण प्रतिष्ठान मुंबई, विभागीय केंद्र नाशिक व विश्वास को-ऑप.बँक लि., नाशिक, विश्वास ज्ञानप्रबोधिनी अ‍ॅण्ड रिसर्च इन्स्टिट्यूट, नाशिक, सारस्वत बँक व रेडिओ विश्वास ९०.८ कम्युनिटी रेडिओ यांच्या संयुक्त विद्यमाने ‘चित्रपट चावडी’ उपक्रमांतर्गत रविवारी २४ सप्टेंबर २०१७ रोजी फुड या विषयावर चार आंतरराष्ट्रीय चिटपटांच्या 'फिल्म उत्सवा'चे आयोजन करण्यात आले आहे. दुपारी १२ वाजून ४५ मिनिटांनी बाबेटे फिस्ट, २ वाजून ३० मिनिटांनी स्वीट बीन, सायंकाळी ४ वाजून ४५ मिनिटांनी ज्युली अँण्ड ज्युली, सायंकाळी ६ वाजून ५० मिनिटांनी लंच बॉक्स असे क्रमाणे चित्रपट असतील.  सदर चित्रपट डिझास्टर मॅनेजमेंट अ‍ॅण्ड ट्रेनिंग हब (विश्वास लॉन्स), ठाकूर रेसिडेन्सी, विश्वास को-ऑप.बँकेसमोर, सावरकरनगर, गंगापूर रोड, नाशिक-४२२०१३ येथे दाखविण्यात येणार आहे.

Friday, 15 September 2017

'व्हर्टिकल फार्मिंग'चे धडे


यशवंतराव चव्हाण प्रतिष्ठान, मुंबई व मराठी विज्ञान परिषद यांच्या संयुक्त विद्यमाने 'विज्ञानगंगा' कार्यक्रमांतर्गत एकोणिसावे पुष्प, डॉ. शरद पां. काळे यांनी 'व्हर्टिकल फार्मिंग' या विषयावर उपस्थितांना योग्य मार्गदर्शन केले. विशेष म्हणजे 'व्हर्टिकल फार्मिंग' म्हणजे नेमकं कायं ऐकण्यासाठी ब-याचसा नोकरवर्ग कार्यक्रमाला हजरं होता. 
आपल्या दर श्वासाची किंमत एक रुपया आहे! निसर्गाला प्राणवायूचे देयक देण्यासाठी भरपूर झाडे लावायला हवीत. ही झाडे प्रकाश संश्लेषणाच्या प्रक्रियेतून निसर्गात भरपूर प्राणवायू सोडतात. आपल्याला मिळणाऱ्या प्राणवायूचे व हवेचे स्मरण ठेवून आपण कोणतेही एक झाड लावून त्याची जोपासना केली तर प्राणवायूचे देयक अदा होईल असं काळे यांनी सांगितलं.
'व्हर्टिकल फार्मिंग' म्हणजे काय ? त्याचे पर्यावरणातील फायदे - तोटे, अर्थिक, कमी जागेत अधिक उत्पन्न या सर्व प्रश्नांची अचूक उत्तरे काळे सरांनी उपस्थितांना देऊन खूश केले. एका व्यवसायिक तरूणाने स्वत:ची कंपनी बंद करून 'व्हर्टिकल फार्मिंग' चालू केल्याचं उत्तम उदाहरण दिलं. 'व्हर्टिकल फार्मिंग' भारत आणि इतर देशांमधील फरक सुध्दा आराखड्यामधून दाखिवला. 

Friday, 8 September 2017

महिला व्यासपीठातर्फे वस्तू व सेवा कर या विषयावर व्याख्यान


यशवंतराव प्रतिष्ठानच्या महाराष्ट्र महिला व्यासपीठातर्फे प्रभाकर चुरी यांचे सहकारी गृहनिर्माण संस्थांतील निवडणूक प्रक्रिया व रमेश प्रभू यांचे वस्तू व सेवा कर या विषयावर व्याख्यानाचे आयोजन करण्यात आले आहे. यशवंतराव चव्हाण प्रतिष्ठानच्या सभागृहात ११ सप्टेंबरला दुपारी २ वाजता या व्याख्यानाला सुरूवात होईल. संपर्क - २२०४५४६०, ८२९१४१६२१६.

Tuesday, 5 September 2017

शिक्षिकांचा गौरव


यशवंतराव चव्हाण प्रतिष्ठान, मुंबई विभागीय ठाणे केंद्रातर्फे नूकताच शिक्षकदिन साजरा करण्यात आला.
यावेळी समाजातील विविध क्षेत्रांत कार्यरत असणा-या पाच शिक्षिकांचा सत्कार करण्यात आला. यात छाया घाटगे, वर्षा वैद्य, प्रज्ञा जोशी, गीता बलोदी आणि रूचिका इरकशेट्टी या शिक्षकांचा समावेश होता. या सर्व शिक्षिका दिव्यांग मुलांना धडे देतात.
 हा सत्कार समारंभ नीला सत्यनारायण यांच्या हस्ते पार पडला. यावेळी नीला सत्यनारायण म्हणाल्या, समाजात दिव्यांग मुलांना शिकवणा-या ज्या संस्था आहेत, त्या सर्व महिला चालवत आहेत. या संस्था चालवणे किती कठीण काम आहे, हे मी स्व:त घेतलेल्या अनुभवावरून सांगू शकते. कार्यक्रमाचे सुत्रसंचालन आणि शिक्षिकांच्या मुलाखती मोनिका नाले यांनी घेतल्या.

Monday, 4 September 2017

राज्यभरात लघुपट निर्मिती कार्यशाळेचे आयोजन


यशवंतराव चव्हाण प्रतिष्ठान, मुंबई, नवमहाराष्ट्र युवा अभियान व प्रयोग मालाड या संस्थांच्या संयुक्त विद्यमाने 'फिल्मिगो' आंतराराष्ट्रीय लघुपट महोत्सवाच्या निमित्ताने राज्यात मुंबई, बदलापूर, नाशिक, अहमदनगर औरंगाबाद, अंबाजोगाई, पुणे, बारामती आणि सोलापूर या ठिकाणी लघुपट निर्मिती कार्यशाळेचे आयोजन करण्यात आले आहे. विशेष म्हणजे पहिली कार्यशाळा २५ सप्टेंबर यशवंतराव चव्हाण प्रतिष्ठान, मुंबई येथे होईल. 
भारतात जागतिक दर्जाचे लघुपट निर्माण व्हावेत आणि ते फिल्मिग्नो इंटरनॅशनल शॉर्टफिल्म फेस्टिव्हल द्वारे जगप्रसिध्द 'कान्स इंटरनॅशनल फिल्म फेस्टिव्हल'च्या व्यासपीठावरून जगभर जावेत, हा या कार्यशाळेचा आयोजना मागील प्रमुख हेतू आहे. २०१६ साली या कार्यशाळेच्या आयोजनामधून महाराष्ट्रातील पाच पुरस्कार प्राप्त लघुपट कान्स इंटरनॅशनल फिल्म फेस्टिव्हल मध्ये नेण्यात आले.  
लघुपट म्हणजे पूर्ण लांबीच्या चित्रपटाचे लघुरूप नव्हे तर ते ही एक स्वतंत्र दालन आहे, हे स्पष्ट करणारी कार्यशाळा आहे. लघुकथा आणि कांदबरी तसेच एकांकिका आणि नाटक यात जसा भेद आहे. आणि म्हणून प्रत्येकाचे स्वतंत्र अस्तित्व आहे ते प्रत्यक्ष देशविदेशातील लघुपट दाखवून व व्याख्यानाद्वारे या कार्यशाळेत समजावून सांगितले जाते. प्रसिध्द समीक्षक, लेखक दिग्दर्शक अशोक राणे या कार्यशाळेत प्रमुख मार्गदर्शन करतील. तसेच चित्रपटसृष्टीतील मान्यवर, दिग्दर्शक, तंत्रज्ञ या कार्यशाळेत सहभागींसोबत संवाद साधतील. 
 २५ सप्टेंबर यशवंतराव चव्हाण प्रतिष्ठान, मुंबई, २६ सप्टेंबर बदलापूर, २७ सप्टेंबर नाशिक, २८ सप्टेंबर अहमदनगर, २९ सप्टेंबर औरंगाबाद, ३० अंबाजोगाई, ४ ऑक्टोबर, ५ ऑक्टोबर बारामती आणि ६ ऑक्टोबर सोलापूर या सर्व नियोजीत ठिकाणी सकाळी १० कार्यशाळा सुरू होईल.  

Sunday, 3 September 2017

खेळ माध्यमातून मूल्य शिक्षण...


यशवंतराव चव्हान प्रतिष्ठान, मुंबई आणि सृजन विभाग यांच्या संयुक्त विद्यमाने खेळ माध्यमातून मूल्य शिक्षणाचा अभ्यास कसा करता येतो, याचे मार्गदर्शन विद्यार्थ्यांना मान्यवरांनी केले. या कार्यशाळेला तब्बल ७० मुलं हजरं होती.

Friday, 1 September 2017

चित्रपट चावडीतर्फे चित्रपटप्रेमींसाठी 'द सन्स रूम'



नाशिक : यशवंतराव चव्हाण प्रतिष्ठान मुंबई, विभागीय केंद्र नाशिक व विश्वास को-ऑप.बँक लि., नाशिक, विश्वास ज्ञानप्रबोधिनी अॅण्ड रिसर्च इन्स्टिट्यूट, नाशिक, सारस्वत बँक व रेडिओ विश्वास ९०.८ कम्युनिटी रेडिओ यांच्या संयुक्त विद्यमाने चित्रपट चावडी’ उपक्रमांतर्गत शनिवार २ सप्टेंबर २०१७ रोजी सायंकाळी ६.३० वाजता सुप्रसिद्ध इटालीयन दिग्दर्शक नानी मोरेट्टी यांचा ‘द सन्स रूम’हा चित्रपट दाखविण्यात येणार आहे. सदर चित्रपट डिझास्टर मॅनेजमेंट अॅण्ड ट्रेनिंग हब (विश्वास लॉन्स), ठाकूर रेसिडेन्सी, विश्वास को-ऑप.बँकेसमोर, सावरकरनगर, गंगापूर रोड, नाशिक-४२२०१३ येथे दाखविण्यात येणार आहे.
सुप्रसिद्ध इटालीयन दिग्दर्शक नानी मोरेट्टी यांच्या अत्यंत गाजलेला व सोळा आंतरराष्ट्रीय पारीतोषीकांनी गौरवलेला यशस्वी चित्रपट आहे. एक इटलीतील मध्यमवर्गीय चौकोनी कुटुंब अचानक घडलेल्या अपघाताने कोलमडून पडते. मानसशास्त्रीय सल्लागार असलेल्या कुटुंब प्रमुखावर सावरण्याची जबाबदारी येते. दु:खद आठवणींच्या गर्तेतून बाहेर पडण्याची धडपड करणार्या कुटुंबाची ही प्रेरणादायी कहाणी आहे. २००१ मध्ये इटली येथे प्रदर्शित झालेल्या या सिनेमाचा कालावधी १०० मिनीटांचा आहे.
‘द सन्स रूम’हा चित्रपट बघण्यास जास्तीत जास्त संख्येने सहभागी होण्याचे आवाहन कार्याध्यक्ष विश्वास ठाकूर, सचिव डॉ.कैलास कमोद, कोषाध्यक्ष डॉ.सुधीर संकलेचा, सदस्य सौ.कविता कर्डक, राजवर्धन कदमबांडे, रऊफ पटेल, अॅड.नितीन ठाकरे व विक्रम मोरे यांनी केले आहे.