Thursday, 21 September 2017

‘चित्रपट चावडी’ तर्फे 'फिल्म उत्सव'..
















नाशिक : यशवंतराव चव्हाण प्रतिष्ठान मुंबई, विभागीय केंद्र नाशिक व विश्वास को-ऑप.बँक लि., नाशिक, विश्वास ज्ञानप्रबोधिनी अ‍ॅण्ड रिसर्च इन्स्टिट्यूट, नाशिक, सारस्वत बँक व रेडिओ विश्वास ९०.८ कम्युनिटी रेडिओ यांच्या संयुक्त विद्यमाने ‘चित्रपट चावडी’ उपक्रमांतर्गत रविवारी २४ सप्टेंबर २०१७ रोजी फुड या विषयावर चार आंतरराष्ट्रीय चिटपटांच्या 'फिल्म उत्सवा'चे आयोजन करण्यात आले आहे. दुपारी १२ वाजून ४५ मिनिटांनी बाबेटे फिस्ट, २ वाजून ३० मिनिटांनी स्वीट बीन, सायंकाळी ४ वाजून ४५ मिनिटांनी ज्युली अँण्ड ज्युली, सायंकाळी ६ वाजून ५० मिनिटांनी लंच बॉक्स असे क्रमाणे चित्रपट असतील.  सदर चित्रपट डिझास्टर मॅनेजमेंट अ‍ॅण्ड ट्रेनिंग हब (विश्वास लॉन्स), ठाकूर रेसिडेन्सी, विश्वास को-ऑप.बँकेसमोर, सावरकरनगर, गंगापूर रोड, नाशिक-४२२०१३ येथे दाखविण्यात येणार आहे.

Friday, 15 September 2017

'व्हर्टिकल फार्मिंग'चे धडे


यशवंतराव चव्हाण प्रतिष्ठान, मुंबई व मराठी विज्ञान परिषद यांच्या संयुक्त विद्यमाने 'विज्ञानगंगा' कार्यक्रमांतर्गत एकोणिसावे पुष्प, डॉ. शरद पां. काळे यांनी 'व्हर्टिकल फार्मिंग' या विषयावर उपस्थितांना योग्य मार्गदर्शन केले. विशेष म्हणजे 'व्हर्टिकल फार्मिंग' म्हणजे नेमकं कायं ऐकण्यासाठी ब-याचसा नोकरवर्ग कार्यक्रमाला हजरं होता. 
आपल्या दर श्वासाची किंमत एक रुपया आहे! निसर्गाला प्राणवायूचे देयक देण्यासाठी भरपूर झाडे लावायला हवीत. ही झाडे प्रकाश संश्लेषणाच्या प्रक्रियेतून निसर्गात भरपूर प्राणवायू सोडतात. आपल्याला मिळणाऱ्या प्राणवायूचे व हवेचे स्मरण ठेवून आपण कोणतेही एक झाड लावून त्याची जोपासना केली तर प्राणवायूचे देयक अदा होईल असं काळे यांनी सांगितलं.
'व्हर्टिकल फार्मिंग' म्हणजे काय ? त्याचे पर्यावरणातील फायदे - तोटे, अर्थिक, कमी जागेत अधिक उत्पन्न या सर्व प्रश्नांची अचूक उत्तरे काळे सरांनी उपस्थितांना देऊन खूश केले. एका व्यवसायिक तरूणाने स्वत:ची कंपनी बंद करून 'व्हर्टिकल फार्मिंग' चालू केल्याचं उत्तम उदाहरण दिलं. 'व्हर्टिकल फार्मिंग' भारत आणि इतर देशांमधील फरक सुध्दा आराखड्यामधून दाखिवला. 

Friday, 8 September 2017

महिला व्यासपीठातर्फे वस्तू व सेवा कर या विषयावर व्याख्यान


यशवंतराव प्रतिष्ठानच्या महाराष्ट्र महिला व्यासपीठातर्फे प्रभाकर चुरी यांचे सहकारी गृहनिर्माण संस्थांतील निवडणूक प्रक्रिया व रमेश प्रभू यांचे वस्तू व सेवा कर या विषयावर व्याख्यानाचे आयोजन करण्यात आले आहे. यशवंतराव चव्हाण प्रतिष्ठानच्या सभागृहात ११ सप्टेंबरला दुपारी २ वाजता या व्याख्यानाला सुरूवात होईल. संपर्क - २२०४५४६०, ८२९१४१६२१६.

Tuesday, 5 September 2017

शिक्षिकांचा गौरव


यशवंतराव चव्हाण प्रतिष्ठान, मुंबई विभागीय ठाणे केंद्रातर्फे नूकताच शिक्षकदिन साजरा करण्यात आला.
यावेळी समाजातील विविध क्षेत्रांत कार्यरत असणा-या पाच शिक्षिकांचा सत्कार करण्यात आला. यात छाया घाटगे, वर्षा वैद्य, प्रज्ञा जोशी, गीता बलोदी आणि रूचिका इरकशेट्टी या शिक्षकांचा समावेश होता. या सर्व शिक्षिका दिव्यांग मुलांना धडे देतात.
 हा सत्कार समारंभ नीला सत्यनारायण यांच्या हस्ते पार पडला. यावेळी नीला सत्यनारायण म्हणाल्या, समाजात दिव्यांग मुलांना शिकवणा-या ज्या संस्था आहेत, त्या सर्व महिला चालवत आहेत. या संस्था चालवणे किती कठीण काम आहे, हे मी स्व:त घेतलेल्या अनुभवावरून सांगू शकते. कार्यक्रमाचे सुत्रसंचालन आणि शिक्षिकांच्या मुलाखती मोनिका नाले यांनी घेतल्या.

Monday, 4 September 2017

राज्यभरात लघुपट निर्मिती कार्यशाळेचे आयोजन


यशवंतराव चव्हाण प्रतिष्ठान, मुंबई, नवमहाराष्ट्र युवा अभियान व प्रयोग मालाड या संस्थांच्या संयुक्त विद्यमाने 'फिल्मिगो' आंतराराष्ट्रीय लघुपट महोत्सवाच्या निमित्ताने राज्यात मुंबई, बदलापूर, नाशिक, अहमदनगर औरंगाबाद, अंबाजोगाई, पुणे, बारामती आणि सोलापूर या ठिकाणी लघुपट निर्मिती कार्यशाळेचे आयोजन करण्यात आले आहे. विशेष म्हणजे पहिली कार्यशाळा २५ सप्टेंबर यशवंतराव चव्हाण प्रतिष्ठान, मुंबई येथे होईल. 
भारतात जागतिक दर्जाचे लघुपट निर्माण व्हावेत आणि ते फिल्मिग्नो इंटरनॅशनल शॉर्टफिल्म फेस्टिव्हल द्वारे जगप्रसिध्द 'कान्स इंटरनॅशनल फिल्म फेस्टिव्हल'च्या व्यासपीठावरून जगभर जावेत, हा या कार्यशाळेचा आयोजना मागील प्रमुख हेतू आहे. २०१६ साली या कार्यशाळेच्या आयोजनामधून महाराष्ट्रातील पाच पुरस्कार प्राप्त लघुपट कान्स इंटरनॅशनल फिल्म फेस्टिव्हल मध्ये नेण्यात आले.  
लघुपट म्हणजे पूर्ण लांबीच्या चित्रपटाचे लघुरूप नव्हे तर ते ही एक स्वतंत्र दालन आहे, हे स्पष्ट करणारी कार्यशाळा आहे. लघुकथा आणि कांदबरी तसेच एकांकिका आणि नाटक यात जसा भेद आहे. आणि म्हणून प्रत्येकाचे स्वतंत्र अस्तित्व आहे ते प्रत्यक्ष देशविदेशातील लघुपट दाखवून व व्याख्यानाद्वारे या कार्यशाळेत समजावून सांगितले जाते. प्रसिध्द समीक्षक, लेखक दिग्दर्शक अशोक राणे या कार्यशाळेत प्रमुख मार्गदर्शन करतील. तसेच चित्रपटसृष्टीतील मान्यवर, दिग्दर्शक, तंत्रज्ञ या कार्यशाळेत सहभागींसोबत संवाद साधतील. 
 २५ सप्टेंबर यशवंतराव चव्हाण प्रतिष्ठान, मुंबई, २६ सप्टेंबर बदलापूर, २७ सप्टेंबर नाशिक, २८ सप्टेंबर अहमदनगर, २९ सप्टेंबर औरंगाबाद, ३० अंबाजोगाई, ४ ऑक्टोबर, ५ ऑक्टोबर बारामती आणि ६ ऑक्टोबर सोलापूर या सर्व नियोजीत ठिकाणी सकाळी १० कार्यशाळा सुरू होईल.  

Sunday, 3 September 2017

खेळ माध्यमातून मूल्य शिक्षण...


यशवंतराव चव्हान प्रतिष्ठान, मुंबई आणि सृजन विभाग यांच्या संयुक्त विद्यमाने खेळ माध्यमातून मूल्य शिक्षणाचा अभ्यास कसा करता येतो, याचे मार्गदर्शन विद्यार्थ्यांना मान्यवरांनी केले. या कार्यशाळेला तब्बल ७० मुलं हजरं होती.

Friday, 1 September 2017

चित्रपट चावडीतर्फे चित्रपटप्रेमींसाठी 'द सन्स रूम'



नाशिक : यशवंतराव चव्हाण प्रतिष्ठान मुंबई, विभागीय केंद्र नाशिक व विश्वास को-ऑप.बँक लि., नाशिक, विश्वास ज्ञानप्रबोधिनी अॅण्ड रिसर्च इन्स्टिट्यूट, नाशिक, सारस्वत बँक व रेडिओ विश्वास ९०.८ कम्युनिटी रेडिओ यांच्या संयुक्त विद्यमाने चित्रपट चावडी’ उपक्रमांतर्गत शनिवार २ सप्टेंबर २०१७ रोजी सायंकाळी ६.३० वाजता सुप्रसिद्ध इटालीयन दिग्दर्शक नानी मोरेट्टी यांचा ‘द सन्स रूम’हा चित्रपट दाखविण्यात येणार आहे. सदर चित्रपट डिझास्टर मॅनेजमेंट अॅण्ड ट्रेनिंग हब (विश्वास लॉन्स), ठाकूर रेसिडेन्सी, विश्वास को-ऑप.बँकेसमोर, सावरकरनगर, गंगापूर रोड, नाशिक-४२२०१३ येथे दाखविण्यात येणार आहे.
सुप्रसिद्ध इटालीयन दिग्दर्शक नानी मोरेट्टी यांच्या अत्यंत गाजलेला व सोळा आंतरराष्ट्रीय पारीतोषीकांनी गौरवलेला यशस्वी चित्रपट आहे. एक इटलीतील मध्यमवर्गीय चौकोनी कुटुंब अचानक घडलेल्या अपघाताने कोलमडून पडते. मानसशास्त्रीय सल्लागार असलेल्या कुटुंब प्रमुखावर सावरण्याची जबाबदारी येते. दु:खद आठवणींच्या गर्तेतून बाहेर पडण्याची धडपड करणार्या कुटुंबाची ही प्रेरणादायी कहाणी आहे. २००१ मध्ये इटली येथे प्रदर्शित झालेल्या या सिनेमाचा कालावधी १०० मिनीटांचा आहे.
‘द सन्स रूम’हा चित्रपट बघण्यास जास्तीत जास्त संख्येने सहभागी होण्याचे आवाहन कार्याध्यक्ष विश्वास ठाकूर, सचिव डॉ.कैलास कमोद, कोषाध्यक्ष डॉ.सुधीर संकलेचा, सदस्य सौ.कविता कर्डक, राजवर्धन कदमबांडे, रऊफ पटेल, अॅड.नितीन ठाकरे व विक्रम मोरे यांनी केले आहे.

Monday, 28 August 2017

'विज्ञानगंगा'चे एकोणिसावे पुष्प 'व्हर्टिकल फार्मिंग'


यशवंतराव चव्हाण प्रतिष्ठान, मुंबई व मराठी विज्ञान परिषद यांच्या संयुक्त विद्यमाने 'विज्ञानगंगा' कार्यक्रमांतर्गत एकोणिसावे पुष्प, डॉ. शरद पां. काळे यांचे 'व्हर्टिकल फार्मिंग' या विषयावर शुक्रवार, दिनांक १५ सप्टेंबर २०१७ रोजी सायंकाळी ५ वाजता चव्हाण सेंटर, सांस्कृतिक सभागृह, चौथा मजला, जनरल जगन्नाथराव भोसले मार्ग, मंत्रालयासमोर, नरिमन पॉईंट, मुंबई - ४०००२१ येथे गुंफणार आहे. तरी या कार्यक्रमास सर्वांनी उपस्थित रहावे.

Thursday, 24 August 2017

'एकल महिलांसाठी स्वतंत्र धोरण' परिसंवाद


औरंगाबाद : यशवंतराव चव्हाण प्रतिष्ठान, मुंबई विभागीय केंद्र औरंगाबाद, विकास अध्ययन केंद्र मुंबई यांच्या संयुक्त विद्यमाने एकल महिलांसाठी स्वतंत्र धोरणाची आवश्यकता या विषयावर परिसंवादाचे आयोजन करण्यात आले आहे. या परिसंवादात अध्यक्ष राज्य महिला आयोग श्रीमती विजया रहाटकर, राज्यप्रमुख अॅक्शन एड श्रीमती नीरजा भटनागर स्त्री अभ्यासक श्रीमती डॉ. वृषाली किन्हाळकर या मान्यवर मंडळी मार्गदर्शन करतील. 
दुष्काळ म्हटले की, सर्वांसमोर शेतकरी व त्याची स्थिती येते. याच बरोबर दुर्लक्षित राहतो तो समाजातील दुर्बल घटक. या घटकात सर्वाधिक शोषणाच्या बळी ठरतात त्या एकल महिला. संपूर्ण मराठवाड्यातील आठही जिल्ह्यांत फिरताना सगळीकडे परितक्त्या विधवा व घटस्फोटीत महिलांचे मोठे प्रमाण आढळले. या महिलांना कोणत्याही प्रकारचा आधार कुटूंब आणि समाजव्यवस्थेकडून मिळत नाही, असे दिसून आले, यात पुन्हा भर पडली ती दुष्काळाची. या विषयाला घेऊन 'एकल महिला व पाणीप्रश्न' या विषयावर अभ्यास करण्यात आला. या अभ्यासाच्या अनुषंगाने एकल महिलांसाठी स्वतंत्र धोरणाची आवश्यकता परिसंवादाचे आयोजन करण्यात आले आहे.
हा कार्यक्रम शनिवारी ९ सप्टेंबर २०१७ रोजी, दुपारी ४ वाजता, महसूल प्रबोधिनी सभागृह, दुध डेअरी सिग्नल जवळ अमरप्रीत चौक, औरंगाबाद येथे सुरू होईल. नंदकिशोर कागलीवाल (अध्यक्ष), सचिन मुळे (कोषाध्यक्ष), सुरेश शेळके (वि.अ.के) निलेश राऊत, विजय कान्हेकर, रेणुका कड, डॉ. रेखा शेळके, सुहास तेंडूलकर आणि सुबोध जाधव यांनी परिसंवादाचे आयोजन केले आहे.

Wednesday, 23 August 2017

विंदा करंदीकरांची जन्मशताब्दी उत्साहात साजरी


ज्ञानपीठ पुरस्कार विजेते कविवर्य विंदा करंदीकर यांच्या जन्मशताब्दी दिनानिमित्त त्यांच्या साहित्याचे दर्शन घडविणारा कार्यक्रम पॉप्युलर प्रकाशन, दैनिक लोकसत्ता आणि यशवंतराव चव्हाण प्रतिष्ठान, मुंबई यांच्या संयुक्त विद्यमाने चव्हाण सेंटर येथे आयोजित करण्यात आला होता. या कार्यक्रमाला विंदा करंदीकर यांचे कुटुंबीय आनंद करंदीकर, उदय करंदीकर, जया काळे, पत्रकार अंबरिश मिश्र, कवी सौमित्र (किशोर कदम), प्रतिष्ठानचे कोषाध्यक्ष हेमंत टकले, दैनिक लोकसत्ताचे संपादक गिरीश कुबेर यांनी विंदाच्या गद्य-पद्य साहित्याचे खास शैलीत सादरीकरण केले. खोडकर मस्तीखोर छोटे होत छोट्यांच्या विश्वासात धम्माल मज्जा करणारे विविध किस्से मान्यवरांनी सांगितले.

पॉप्युलर प्रकाशनचे ज्येष्ठ प्रकाशक रामदास भटकळ यांनी विंदांची फकिरी किस्से वृत्ती सांगणारे किस्से नमूद केले. विदांनी त्यांना बक्षीस स्वरूपात मिळालेली सर्व रक्कम समाजाला वाहिली, याची आठवण भटकळ यांनी करून दिली. साहित्यकृतीचा जागर व्हावा, यासाठी या कार्यक्रमाचे माध्यम प्रायोजकत्व मोठ्या आनंदाने आम्ही स्विकारले, असे लोकसत्ताचे संपादक गिरीश कुबेर यांनी सांगितले.

करंदीकरांच्या कन्या जया काळे यांनी 'लागेल जन्मावे पुन्हा नेण्या तूला घरी...या कवितेच्या निर्मितेचा गमतीदार किस्सा त्यांनी ऐकविला. कवी सौमित्र यांनी विंदांच्या लघुनिबंधाचे वाचन केले. यापैकी 'पुरूष आणि पिशव्य़ा' या लघुनिबंधात लग्नानंतर पुरूष कशा पध्दतीने मान खाली घालून पिशव्या घेऊन बाजारहाटला जातात याचे काही वर्णन सांगितले. विंदांचे कनिष्ठ पुत्र उदय करंदीकर यांनी बालकाव्यसंग्रहातील काही कविता सादर केल्या. तसेच आनंद करंदीकरांनी सुध्दा त्यांच्या निवडक कवितांचे वाचन केले. 

Monday, 21 August 2017

कविवर्य विंदा करंदीकर जन्मशताब्दी वर्षास प्रारंभ....


ज्ञानपीठ पुरस्कार विजेते कविवर्य विंदा करंदीकर यांच्या जन्मशताब्दिदिनानिमित्त त्यांच्या साहित्याचे दर्शन घडविणारा कार्यक्रम.....
ज्ञानपीठ पुरस्कार प्राप्त कविवर्य विंदा करंदीकर यांचा २३ ऑगस्ट १९१८ हा जन्मदिन. यावर्षी २३ ऑगस्ट २०१७ रोजी त्यांच्या जन्मशताब्दी वर्षास सुरुवात होत आहे. साहजिकच २०१७-२०१८ या वर्षात करंदीकरांचे चाहते, विविध साहित्यिक संस्था, प्रसार माध्यमे आणि महाराष्ट्र राज्य सरकार यांच्या वतीने विविध कार्यक्रमांचे आयोजन करण्यात येईल.  ह्या जन्मशताब्दी वर्षाची सुरुवात पॉप्युलर प्रकाशन, दैनिक लोकसत्ता आणि यशवंतराव चव्हाण प्रतिष्ठान, मुंबई यांच्या संयुक्त विद्यमाने आयोजित कार्यक्रम दि. २३ ऑगस्ट २०१७ रोजी होत आहे. या कार्यक्रमात विंदा करंदीकर यांचे कुटुंबीय आनंद करंदीकर, उदय करंदीकर, जया काळे, पत्रकार अंबरिश मिश्र आणि कवी सौमित्र (किशोर कदम) हे विंदाच्या गद्य-पद्य साहित्याचे सादरीकरण करणार आहेत.
हा कार्यक्रम बुधवार दिनांक: २३ ऑगस्ट २०१७ रोजी सायंकाळी ५:३० वा. रंगस्वर सभागृह, ४था मजला, यशवंतराव चव्हाण प्रतिष्ठान, मुंबई जनरल जगन्नाथ भोसले मार्ग, मुंबई -४०००२१ येथे होणार आहे.

Saturday, 19 August 2017

"उदाहरणार्थ नेमाडे "ला चांगला प्रतिसाद


सोलापूर : यशवंतराव चव्हाण प्रतिष्ठान मुंबई विभागीय केंद्र सोलापूर यांच्या संयुक्त विद्यमाने चित्रपट चावडी उपक्रमांतर्गत "उदाहरणार्थ नेमाडे " हा अक्षय इंडीकर दिग्दर्शित चित्रपट बार्शी, मंगळवेढा व सोलापूर शहरात ५, ६ आणि ७ ऑगस्टला आयोजन करण्यात आले होते.
  ५ ऑगष्ट रोजी यशवंतराव चव्हाण सांकृतिक भवन बार्शी येथे आनंद यात्री प्रतिष्ठान यांच्या सहकार्याने आयोजित करण्यात आला या प्रसंगी आनंद यात्री प्रतिष्ठानचे संथापक नागेश अक्कलकोटे यांच्या पुढाकाराने बार्शी येथे संपन्न झालेल्या कार्यक्रमात तरुणाचा सहभाग मोठ्या प्रमाणात होता चित्रपट निर्मितीची आवड असलेले अनेक तरुणांनी चित्रपट निर्मिती विषयी दिग्दर्शक अक्षय इंडीकर यांच्याशी संवाद साधला बार्शी येथील रोटरी क्लब, मायबोली प्रतिष्ठान, मातृभूमि प्रतिष्ठान, लायनेस क्लब हे सुध्दा सहभागी झाले.
   ६  ऑगष्ट रोजी मंगळवेढा येथे रत्न प्रभा सोशल फाऊंडेशन यांच्या सहकार्याने  भारत टॉकीज दामाजी रोड येथे चित्रपटाचे आयोजन करण्यात आले होते. या प्रसंगी साहित्य, सांस्कृतिक क्षेत्रातील मान्यवर व चित्रपटातील जाणकारांची उपस्थिती होती. महिलांचा सहभाग अधिक होता, तसेच महिलांनी चित्रपटाविषयी दिग्दर्शक अक्षय इंडीकर यांच्याशी दिलखुलास संवाद साधला. महाराष्ट्र साहित्य परिषद, अ.भा.नाट्य परिषद या दोन्ही मंगळवेढा शाखांनी सहभाग घेतला, विभागीय केंद्राचे सदस्य श्री राहुल शहा यांनी प्रतिष्ठानच्या कार्याची व उपक्रमाची माहिती दिली या प्रसंगी पोलीस उपअधिक्षक उपस्थित होते.
     ७ ऑगष्ट रोजी कॉलेज ऑफ फार्मसी ( शिवदारे कॉलेज ) येथे या चित्रपटाचे आयोजन करण्यात आले होते. प्रारंभी दिग्दर्शक अक्षय इंडीकर यांनी चित्रपट निर्मिती मागचा उद्देश विषद केला. शहरातील साहित्य व सांस्कृतिक क्षेत्रातील मान्यवर तसेच विभागीय केंद्राचे अध्यक्ष डॉक्टर गो.मा.पवार सदस्य व माजी खासदार धर्मण्णा सादूल सदस्य दत्ता गायकवाड, सोलापूर आकाशवाणी केंद्राचे संचालक सुनील शिनखेडे ,उद्योगपती दत्ता अण्णा सुरवसे, जे.जे.कुलकर्णी यांची उपस्थिती होती. या प्रसंगी सोलापूर फिल्म सोसायटीचे डॉ. नवनीत तोष्णीवाल व आशय फिल्म सोसायटीचे अमोल चाफळकर यांचा सत्कार करण्यात आला. उद्योगपती दत्ता अण्णा सुरवसे यांनी ऑस्करची प्रतिकृती दिग्दर्शक अक्षय इंडीकर यांना देऊन सोलापुरकरांच्या वतीने सन्मानीत केले. 

विधी साक्षरता कार्यशाळा


यशवंतराव चव्हाण प्रतिष्ठान, मुंबई कायदेविषयक सहाय्य व सल्ला फोरम व मैत्री संस्था यांच्या संयुक्त विद्यमाने एक दिवशीय विधी साक्षरता कार्यशाळेचे आयोजन न्यू इंग्लिश स्कूल, वसई सहकारी बँकेसमोर व चिमाजी अप्पा मैदानाजवळ, वसई येथे केले आहे. ही कार्यशाळा सामाजिक कार्यकर्ते महिला व पुरुष यांच्या करिता आहे.
पहिल्या सत्रामध्ये - स्वागत, परिचय, पुष्पगुच्छ, प्रदान, प्रास्ताविक, संविधानाच्या सरनाम्याचे सामूहिक वाचन, हुंडाबंदी शपथा नंतर विषयानुसार  १)भारतीय संविधान - अॅड. प्रमोद ढोकळे, २)कौटूंबिक अत्याचारापासून महिलांचे संरक्षण कायदा २००५ - अॅड. हेमंत केंजाळकर, ३)कामाच्या ठिकाणी महिलांचे लैगिक छळापासून संरक्षण कायदा २०१३- अॅड अजय केतकर यांची व्याख्याने होतील. लगेच प्रश्नोत्तरे आणि भोजन.
दुस-या सत्रामध्ये १) पोलिस स्टेशनचे कामकाज व फौजदारी प्रक्रिया संहिता १९७३ - अॅड. प्रमोद ढोकळे, २) माहितीचा अधिकार कायदा २००५ व आई-वडील, नागरिक यांच्या चरितार्थ व कल्याणकारी अधिनियम २००७ - अॅड भूपेश सामंत, ३) हिंदू विवाह कायदा - १९५५- अॅड जे.बी. पाटील यांची व्याख्याने होतील.

Friday, 18 August 2017

'विज्ञानगंगा' चे अठरावे पुष्प संपन्न


यशवंतराव चव्हाण प्रतिष्ठान, मुंबई व मराठी विज्ञान परिषद यांच्या संयुक्त विद्यमाने 'विज्ञानगंगा' कार्यक्रमांतर्गत अठरावे पुष्प, आघारकार रिसर्च इन्स्टिट्यूट, पुणे येथील प्राध्यापक श्री. सुरेंद्र घासकडबी यांचे 'जेनेटिक्स' या विषयावर उपस्थितांना मार्गदर्शन केले.
अलीकडील काळात आपण नेहमी हा रोग अनुवांशिक आहे किंवा जेनेटिक इंजिनिअरिंग, डीएनए टेस्ट असे उल्लेख ऐकतो. पण हे जेनेटिक्स म्हणजे नक्की काय, हे सुरेंद्र घासकडबी यांनी विविध उदाहरणातून समजावून सांगितले.
एखादी वैज्ञानिक संकल्पना सामान्यांपर्यंत पोहचवायची असेल, तर क्लिष्ट भाषा टाळावी लागते.घासकडबी यांनी उपस्थितांना समजेल, अशा सुलभ भाषेत उदाहरणे देऊन जेनेटिक्स या विषयावर चित्रे दाखवून चर्चा केली. विचारलेल्या मूलभूत शंकाचे निरसन ही त्यांनी केले. 

विश्वास ग्रुपतर्फे मदन मोहन यांना स्वरवंदना


‘है तेरे साथ मेरी वफा’ मैफलीचे आयोजन
नाशिक (प्रतिनिधी) : भारतीय चित्रपट संगीतात आपल्या वैशिष्ट्यपूर्ण संगीताने रसिकांना अवीट व मधुर गाणी देणारे संगीतकार मदन मोहन यांचे स्मरण म्हणून रसिकांसाठी ‘है तेरे साथ मेरी वफा’ या विशेष संगीत मैफलीचे आयोजन करण्यात आले आहे.
सदर मैफील शनिवार दि.१९ ऑगस्ट २०१७ रोजी सायंकाळी ६ वाजता विश्वास लॉन्स येथे संपन्न होणार आहे. सुप्रसिद्ध गायिका रागिणी कामतीकर, मिलींद धटींगण व विवेक केळकर ही गाणी सादर करणार आहेत. कार्यक्रमाचे खुमासदार निवेदन सुप्रसिद्ध लेखक व संगीत अभ्यासक अंबरीश मिश्र करणार आहेत. मदन मोहन यांनी संगीत दिलेल्या गाण्यांच्या आठवणी वाद्यरचनेचा अभिनव वापर याविषयी अंबरीश मिश्र अभ्यासपूर्ण आणि सहज निवेदनात उलगडून सांगणार आहेत. अंबरीशजींच्या संगीत व्यासंगाची अनोखी भेट रसिकांना आनंद अनुभती देणारी ठरणार आहे.
मैफीलीला साथसंगत अॅबड. प्रमोद पवार (हार्मोनियम), प्रशांत महाले (कीबोर्ड), रागेश्री धुमाळ (कीबोर्ड), निलेश सोनवणे (गिटार), आदित्य कुलकर्णी (तबला), स्वरांजय धुमाळ (ढोलक), अभिजीत शर्मा (ऑक्टोपॅड) हे करणार आहेत. ध्वनीव्यवस्था तुषार बागुल यांची आहे. मैफीलीची संकल्पना विश्वास जयदेव ठाकूर यांची आहे.
यशवंतराव चव्हाण प्रतिष्ठान मुंबई, विभागीय केंद्र नाशिक व विश्वास को-ऑप. बँक लि., नाशिक, विश्वास ज्ञानप्रबोधिनी अॅण्ड रिसर्च इन्स्टिट्यूट, नाशिक, सारस्वत बँक, संकलेचा कन्स्ट्रक्शन, नाशिक, जुम्मा मशिद चॅरीटेबल ट्रस्ट, विश्वास लॉन्स व रेडिओ विश्वास ९०.८ कम्युनिटी रेडिओ यांच्या संयुक्त विद्यमाने मैफील संपन्न होणार आहे. मैफल सर्व रसिकांसाठी विनामूल्य आहे.
फिल्मी दुनियेत मदन मोहन यांची सुरूवात गायक म्हणून झाली. १९४८ साली ‘शाहीन’ चित्रपटात लता मंगेशकर यांच्या बरोबर त्यांनी दोन युगल गीते गायली. त्यानंतर संगीतकार एस.डी. बर्मन, श्यामसुंदर यांचे सहाय्यक झाले.
१९५० मध्ये ‘ऑखे’ हा त्यांचा पहिला चित्रपट होता. २००४ मधील वीरझारा हा त्यांचा शेवटचा चित्रपट अशी चोपन्न वर्ष आपल्या मधुर संगीताने रसिकांच्या मनात स्थान निर्माण केले. अजूनही त्यांच्या संगीताची मोहिनी टिकून आहे. मदन मोहन यांनी एकूण ९३ चित्रपटांना संगीत दिले असून संगीतबद्ध केलेल्या गीतांची संख्या ६६३ आहे. लता मंगेशकर, मिना कपूर, आशा भोसले, शमशाद बेगम, मोहम्मद रफी, किशोर कुमार, तलत मेहमूद, मुकेश, गीतादत्त, सुरैय्या, भूपिंदर सिंग, उदित नारायण, अमित कुमार, महेंद्र कपूर, मन्ना डे, मुबारक बेगम, उषा खन्ना, सुमन कल्याणपूर, कमल बारोट, मेहंदी हसन अशा नामांकित गायक, गायिकांनी त्यांच्याकडे गायन केले.
कौन आया मेरे मन के द्वारे, यु हसरतों के दाग, जिया ले गयो जो मोरा, तेरी आँखो के सिवा, भूली दास्ता, नैनो में बदरा छाये अशी मदन मोहन यांची अवीट गाणी रसिकांच्या ओठावर अजूनही रेंगाळत आहेत.
तरी या मैफीलीस जास्तीत जास्त संख्येने उपस्थित रहाण्याचे आवाहन यशवंतराव चव्हाण प्रतिष्ठानचे कार्याध्यक्ष विश्वास ठाकूर, सचिव डॉ. कैलास कमोद, कोषाध्यक्ष डॉ. सुधीर संकलेचा,  सदस्य कविता कर्डक, रऊफ पटेल, अॅ्ड नितीन ठाकरे, विश्वास को-ऑप बँकेचे उपाध्यक्ष विलास हावरे, मानद कार्यकारी संचालक मंगेश पंचाक्षरी, विश्वास ज्ञानप्रबोधिनी अॅकण्ड रिसर्च इन्स्टिट्यूटचे अध्यक्ष डॉ. मनोज शिंपी, सचिव विनायक रानडे, रेडिओ विश्वासचे समन्वयक डॉ. कैलास कमोद यांनी केले आहे.

Thursday, 17 August 2017

‘चित्रपट चावडी’तर्फे चित्रपटप्रेमींसाठी ‘डियर डायरी’


 नाशिक : यशवंतराव चव्हाण प्रतिष्ठान मुंबई, विभागीय केंद्र नाशिक व विश्वास को-ऑप.बँक लि., नाशिक, विश्वास ज्ञानप्रबोधिनी अ‍ॅण्ड रिसर्च इन्स्टिट्यूट, नाशिक, सारस्वत बँक व रेडिओ विश्वास ९०.८ कम्युनिटी रेडिओ यांच्या संयुक्त विद्यमाने ‘चित्रपट चावडी’ उपक्रमांतर्गत शुक्रवार १८ ऑगस्ट २०१७ रोजी सायंकाळी ६.३० वाजता सुप्रसिद्ध इटालीयन दिग्दर्शक नानी मोरेट्टी यांचा ‘डियर डायरी’ हा चित्रपट दाखविण्यात येणार आहे. सदर चित्रपट डिझास्टर मॅनेजमेंट अ‍ॅण्ड ट्रेनिंग हब (विश्वास लॉन्स), ठाकूर रेसिडेन्सी, विश्वास को-ऑप.बँकेसमोर, सावरकरनगर, गंगापूर रोड, नाशिक-४२२०१३ येथे दाखविण्यात येणार आहे.
     सुप्रसिद्ध इटालीयन दिग्दर्शक नानी मोरेट्टी यांच्या तीन चित्रपटांच्या मालिकेतला हा पहिला चित्रपट आहे. साधारण ४० वर्षाच्या कारकीर्दीत त्यांनी अनेक वैविध्यपूर्ण चित्रपट केले आहेत आणि भूमिकाही केल्या आहेत. मानवी नात्यामधील गुंतागुंत व आत्मशोधाच्या वाटेवर येणार्‍या अनेक अनुभवांचा वेध मोरेट्टी यांनी आपल्या चित्रपटातून मांडला आहे. चित्रपटांच्या विषयांच्या शोधात असलेला एक दिग्दर्शक म्हणजेच त्यांचा स्वत:चा प्रवास यातून मांडला आहे.
     १९९३ मध्ये प्रदर्शित झालेल्या या सिनेमाचा कालावधी १०० मिनीटांचा आहे. ‘डियर डायरी’ हा चित्रपट बघण्यास जास्तीत जास्त संख्येने सहभागी होण्याचे आवाहन कार्याध्यक्ष विश्वास ठाकूर, सचिव डॉ.कैलास कमोद, कोषाध्यक्ष डॉ.सुधीर संकलेचा, सदस्य सौ.कविता कर्डक, राजवर्धन कदमबांडे, रऊफ पटेल, अ‍ॅड.नितीन ठाकरे व विक्रम मोरे यांनी केले आहे.

Wednesday, 16 August 2017

सहकारी गृहनिर्माण सोसायटी बाबत कार्यशाळा

यशवंतराव चव्हाण प्रतिष्ठान, मुंबई आणि महाराष्ट्र महिला व्यासपीठ यांच्या संयुक्त विद्यमाने सहकारी गृहनिर्माण सोसायटी व्यवस्थापण, पदाधिकारी, सल्लागार, सदस्य आणि व्यवस्थापक याबाबत मार्गदर्शनपर कार्यशाळेचे आयोजन करण्यात आले आहे.  ही कार्यशाळा ११ सप्टेंबर ते १३ आक्टोबर दरम्यान होणार असून विद्यार्थ्यांना मराठी आणि इंग्रजी भाषेमध्ये मार्गदर्शन करण्यात येणार आहे. सहभागी होणा-या प्रत्येक विद्यार्थ्यांला ५ हजार रूपये शुक्ल आकारण्यात येईल. तसेच प्रशिक्षण पुर्ण झाल्यानंतर त्या विद्यार्थ्यांला प्रमाणपत्र देण्यात येईल. कार्यशाळा यशवंतराव चव्हाण प्रतिष्ठान, मुंबई महाराष्ट्र महिला व्यासपीठ, जनरल जगन्नाथ भोसले मार्ग येथे होईल. संपर्क संजना पवार-८२९१४१६२१६, २२०२८५९८.

Sunday, 13 August 2017

युवा स्वातंत्र्य ज्योत रॅलीचे आयोजन...


नाशिक विभाग : मंगळवार, १५ ऑगस्ट २०१७ हा आपल्या देशाचा ७१वा स्वातंत्र्य दिन. अनेक हुतात्म्यांच्या योगदानामुळेच आपल्याला हे स्वातंत्र्य अनुभवायला मिळालं. त्यामुळे भारतीय स्वातंत्र्य दिन हा प्रत्येक भारतीयाच्या मनातील हुतात्म्यांच्या कार्याप्रती स्मरण करण्याचा हा अभिमान दिन आहे. हा दिन प्रत्येक भारतीयाने आपापल्यापरीने साजरा केला पाहिजे हे देखील प्रत्येक भारतीयाचे कर्तव्य आहे, असे आम्हास वाटते. लोकशाही मूल्य घेऊन कार्यरत असलेल्या या देशाचे आपण नागरिक म्हणून हा स्वातंत्र्य दिन साजरा करण्यासाठी यशवंतराव चव्हाण प्रतिष्ठान मुंबईच्या नवमहाराष्ट्र युवा अभियानातर्फे स्वातंत्र्य दिनाच्या पूर्वसंध्येला 'युवा स्वतंत्रता ज्योत रॅली' चे आयोजन करण्यात आले आहे.
'युवा स्वातंत्रता ज्योत रॅली' सोमवार, १४ ऑगस्ट २०१७ रोजी सायंकाळी ७.०० वाजता हुतात्मा चौक, गंगापूर रोड (प्रारंभ ) - के. टी.एच. एम. महाविद्यालय -अशोकस्तंभ -मेहेर सिग्नल -हुतात्मा स्मारक (सीबीएस) (समारोप, रात्रौ ८.३० वाजता ) रॅलीचा समारोप होणार आहे.
सदर युवा स्वतंत्रता ज्योत रॅली ज्या सामाजिक, संघटना, संस्थांना स्वत:चे बॅनरसह सहभागी व्हायचे असल्यास त्यांनी भूषण काळे ९६५७४३९८३३, कैलास सुर्यवंश ७७२००५२५९२ यांचेशी संपर्क साधावा. तरी या रॅलीस जास्ती जास्त संख्येने उपस्थित राहण्याचे आवाहन प्रतिष्ठानचे कार्याध्यक्ष विश्वास ठाकूर, सचिव डॉ. कैलास कमोद, कोषाध्यक्ष डॉ सुधीर संकलेचा, सदस्य सौ. कविता कर्डक, रऊफ पटेल, अॅड नितीन ठाकरे, राजवर्धन कदमबांडे, विक्रम मोरे यांनी केली आहे. 

Saturday, 12 August 2017

युवा स्वतंत्रता ज्योत रॅली २०१७...


यशवंतराव चव्हाण प्रतिष्ठान, मुंबई, विभागीय केंद्र औरंगाबाद व नवमहाराष्ट्र युवा अभियान तर्फे गेली ९ वर्ष 'युवा स्वतंत्रता ज्योत रॅली'चे आयोजन केले जात असते यदाचे हे दहावे वर्ष असून 'युवा स्वतंत्रता ज्योत रॅली २०१७' चे आयोजन सोमवार १४ ऑगस्ट २०१७ रोजी सायंकाळी ६ वाजता क्रांती चौक ते पैठण गेट, औरंगाबाद येथे आयोजित करण्यात आली आहे सर्वांनी या रॅलीमध्ये भाग घ्यावा असे आवाहन करण्यात आले आहे.

महाराष्ट्र राज्याच्या युवा धोरणाची प्रत्यक्ष अंमलबजावणी करणे गरजेचे...खा. सुप्रिया सुळे



यशवंतराव चव्हाण प्रतिष्ठान, मुंबईच्या नवमहाराष्ट्र युवा अभियान विभागातर्फे आंतरराष्ट्रीय युवा दिनानिमित्त आयोजित करण्यात आलेल्या ‘महाराष्ट्र राज्य युवा धोरण’ या चर्चासत्रामध्ये खा. सुप्रिया सुळे बोलत होत्या. महाराष्ट्र राज्याचे युवा धोरण सन २०१२ साली बनविण्यात आले होते. त्याला ५ वर्ष होत आली, परंतु आजही त्याची अंमलबजावणी योग्य पद्धतीने होत नाही. दर दोन वर्षांनी युवा धोरणाचे पुनरावलोकन केले पाहिजे. यासंबंधी यशवंतराव चव्हाण प्रतिष्ठान मुंबई, नवमहाराष्ट्र युवा अभियानच्या माध्यमातून सदर युवा धोरणाच्या अंमलबजावणीतील त्रुटी शासनाच्या निदर्शनास आणून दिल्या जातील असेही त्या म्हणाल्या.
आज पार पडलेल्या या चर्चासत्रामध्ये महाराष्ट्र राज्य युवा धोरणाची वैशिष्ट्ये, शासनातर्फे आजपर्यंत राबविण्यात आलेले उपक्रम, अंमलबजावणीबद्दलचे पुनरावलोकन या विषयांवर सविस्तर मांडणी करण्यात आली. सविस्तरपणे बनविलेल्या युवा धोरणाच्या अंमलबजावणीमध्ये मोठी कमतरता राहिली आहे. युवा विकासासाठी नाममात्र निधीची तरतूद गेल्या दोन वर्षांमध्ये झाली आहे ही निराशाजनक बाब आहे. महाराष्ट्राची लोकसंख्या लक्षात घेता प्रत्येक युवा मागे केवळ २० ते ३० रुपयांचा खर्च करण्यात आलेला आहे. तसेच धोरणामध्ये नमूद केलेले अनेक उपक्रम अजूनही कागदोपत्रीच अस्तित्वात आहेत. सदर युवा धोरण बनविताना पाच वर्षांनी धोरणाचे पुनरावलोकन करण्याचे ठरलेले असतांना त्यासंबंधी कोणतीही कार्यवाही होतांना दिसत नाही.
याबाबी लक्षात घेऊन आणि युवा दिनाचे औचित्य साधून यशवंतराव चव्हाण प्रतिष्ठान, मुंबई या संस्थेने पुढाकार घेण्याचे ठरविले आणि महाराष्ट्रातील विविध युवा संस्थांना सहभागी होण्याचे आवाहन केले होते. त्या आवाहनाला प्रतिसाद देत निर्मला निकेतन, सी.वाय.डी.ए. पुणे, अनुभव मुंबई, युवा, कोरो मुंबई, सृष्टीज्ञान, उमंग, संगिनी, एम.आय. टी.एस.एम, आवाज,  यासांरख्या युवांबरोबर काम करणा-या संस्था तसेच  विद्यार्थ्यांनी या चर्चासत्रामध्ये सहभाग घेतला. सदर चर्चासत्रामध्ये युवा धोरणाच्या विविध विषयांवर सविस्तर चर्चा करण्यात आली. या चर्चासत्रासाठी खा. सुप्रिया सुळे, मुंबई विद्यापीठातील राजीव गांधी केंद्राचे डॉ. चंद्रकांत पुरी, युवा विकास अभ्यासक मॅथ्यू  मट्टम, प्रतिष्ठानचे कार्यक्रम व्यवस्थापक दत्ता बाळसराफ, दिनेश शिंदे, डॉ. नरेंद्र काळे, निलेश राऊत, निलेश पुराडकर, महेंद्र रोकडे, नितीन काळेल आदि उपस्थित होते. निलेश राऊत यांनी कार्यक्रमाची प्रस्तावना केली तर भूषण राऊत यांनी आभार मानले.

"राष्ट्रीय न्याय कायदा १९९९" अंतर्गत कायदेशीर पालकत्वासाठी कार्यशाळा संपन्न..





यशवंतराव चव्हाण प्रतिष्ठान, मुंबई अपंग हक्क विकास मंच, नॅशनल ट्रस्ट, अपंग कल्याण आयुक्तालय, पुणे आणि जय वकील फाऊंडेशन अॅण्ड रिसर्च सेंटर यांच्या संयुक्त विद्यमाने "राष्ट्रीय न्याय कायदा १९९९" अंतर्गत कायदेशीर पालकत्वासाठी महाराष्ट्रातील जिल्ह्यांमध्ये स्थानिक स्तरीय समिती गठीत करण्यासाठी शनिवार १२ ऑगस्ट रोजी सांस्कृतिक सभागृह, यशवंतराव चव्हाण प्रतिष्ठान, येथे कार्यशाळेचे आयोजन करण्यात आले होते. यावेळी प्रतिष्ठानच्या कार्याध्यक्षा खा. सुप्रिया सुळे यांनी उपस्थिताचे आभार मानले व ऑनलाईन पद्धतीत काम करताना काही अडचणी आल्यास प्रतिष्ठानच्या माध्यमातून सोडविले जातील असे यावेळी बोलताना त्यांनी सांगितले.
जय वकील फाउंडेशन अर्चना चंद्रा यांनी काम करता करता आलेले अनुभव उपस्थितांना शेअर केले. आलेल्या अडचणीवर कशी मात करून काम करायला हवे असेही त्यांनी सांगितले. त्यानंतर समीर घोष यांनी मार्गदर्शन केले.
ऑनलाईन पध्दतीने कशाप्रकारे काम करता येते हे कायदेशीर सल्लागार मा. उ. के. शुक्ला, प्रत्यक्ष दाखवून मार्गदर्शन केले. कल्याण आयुक्त मा. नितीन पाटील, महाराष्ट्रातील जिल्ह्यांचे बहुतांशी जिल्हाधिकारी, जिल्हा समाजकल्याण अधिकारी व त्यांचे कर्मचारी व राष्ट्रीय न्यास पंजीकृत संस्थांचे प्रतिनिधी कार्यक्रमाला उपस्थित होते.

Thursday, 10 August 2017

"राष्ट्रीय न्याय कायदा १९९९" कार्यशाळा


यशवंतराव चव्हाण प्रतिष्ठान, मुंबई अपंग हक्क विकास मंच, नॅशनल ट्रस्ट, अपंग कल्याण आयुक्तालय, पुणे आणि जय वकील फाऊंडेशन अॅण्ड रिसर्च सेंटर यांच्या संयुक्त विद्यमाने "राष्ट्रीय न्याय कायदा १९९९" अंतर्गत कायदेशीर पालकत्वासाठी महाराष्ट्रातील जिल्ह्यांमध्ये स्थानिक स्तरीय समिती गठीत करणेसाठी शनिवार दिनांक १२ ऑगस्ट, २०१७ रोजी सांस्कृतिक सभागृह, यशवंतराव चव्हाण प्रतिष्ठान, येथे सकाळी ९.३० ते ४ वाजेपर्यंत कार्यशाळेचे आयोजन करण्यात आले आहे. 
ऑनलाईन पध्दतीने कशाप्रकारे काम करता येईल या संदर्भात कायदेशीर सल्लागार मा. उ. के. शुक्ला, हे मार्गदर्शन करणार आहेत. कल्याण आयुक्त मा. नितीन पाटील, महाराष्ट्रातील जिल्ह्यांचे सर्व जिल्हाधिकारी, जिल्हा समाजकल्याण अधिकारी व त्यांचे कर्मचारी व राष्ट्रीय न्यास पंजीकृत संस्थांचे प्रतिनिधी उपस्थित राहणार आहेत. 

जीएसटी मुळे प्रादेशिक असमतोल वाढण्याची भीती? - अभय टिळक



पुणे : 'एक देश एक कर' ही देशाच्या अर्थव्यवस्थेची घडी नीट बसविण्यासाठी अत्यावश्यक बाब असली तरी, प्रचंड प्रमाणात असलेल्या विकासाच्या असमतोल असलेल्या भारतामध्ये ही दरी आणखीनच वाढेल अशी भीती ज्येष्ठ अर्थतज्ञ अभय टिळक यांनी व्यक्त केली. यशवंतराव चव्हाण प्रतिष्ठानच्या पुणे केंद्राच्या वतीने पत्रकार भवन आयोजित 'जीएसटी: काही अनुत्तरित प्रश्न' या विषयावर आयोजित चर्चासत्रात ते बोलत होते.
जीएसटी लागू झाल्यापासून त्याचे फायदे आणि तोटे याबाबत खूप मोठा बागुलबुवा निर्माण केला असून, महागाई आटोक्यात येईल किंवा भारताचा जीडीपी वाढेल असे भाकीत करणे आत्ता तरी शक्य वाटताना दिसत नाही. तरीही जीएसटी लागू करणे हे देशाच्या अर्थव्यवस्थेच्या दृष्टीने अत्यावश्यक होते. भारतासारख्या मोठ्या देशात जी.एस.टी सारख्या प्रमाणिकृत कायद्यांची अंमलबजावणी किचकट प्रक्रिया असते. त्यासाठी घाई मध्ये टोकाचा जल्लोष किंवा टोकाचा प्रतिरोध करायची गरज नाही. या कायद्याने काही चमत्कार होईल अशी धारणा ठेवणे चुकीचे आहे. हा इतर कोणत्याही कायद्याप्रमाणे अनेक वर्ष अमलात आल्यावर त्याचे मुल्यांकन करता येईल."
असे प्रतिपादन त्यांनी केले.
आज पुणे श्रमिक पत्रकार संघाच्या सभागृहात यशवंतराव चव्हाण प्रतिष्ठान तर्फे लोकसंवाद कार्यक्रमांतर्गत 'जी.एस.टी : काही अनुत्तरीत प्रश्न' या विषयावर चर्चासत्र आयोजित करण्यात आले. कार्यक्रमच्या अध्यक्षस्थानी नामवंत अर्थतज्ञ डॉ. अभय टिळक होते. या चर्चासत्रात सी.ए व कर सल्लागार प्रसाद झावरे पाटील, सी.ए वृषाली लोढा व जीएसटी उपायुक्त राजलक्ष्मी कदम यांनी सहभाग घेतला. जी.एस.टी कायदा लागू झाल्यापासून जनमानसात या कायद्याबाबत टोकाची भीती व टोकाचा पाठींबा अशा तीव्र प्रतिक्रिया उमटत असल्याने, त्याची सारासार चर्चा व्हावी यासाठी हा कार्यक्रम घेण्यात आला.
सी.ए वृषाली लोढा यांनी जी.एस.टी कायद्याची संकल्पना, त्यातील बारकावे व प्रक्रीयेची ओळख करून दिली. त्यांच्यानंतर  सी.ए प्रसाद झावरे पाटील यांनी तांत्रिक व कायदेशीर बाबींमध्ये कायदा कितीही स्पष्ट व अभेद्य वाटत असला तरी त्याच्या अंमलबजावणीत कुठल्या प्रकारच्या अडचणी निर्माण होतात व त्यामुळे कायद्यात आणखी सुधारणा व स्पष्टता येत राहायला हवी, असे स्पष्ट केले.
सरकारच्या वतीने भूमिका मांडत राजलक्ष्मी कदम यांनी कायद्यातील बारकावे, सरकारची भूमिका, कायदेशीर तरतुदी, कमतरता व त्यांची अपरिहार्यता याबाबत मार्गदर्शन केले. व्यापारी वर्गाने घाबरून न जाता या नव्या कर व्यवस्थेचा अंगीकार करावा, शासन त्यांना पूर्ण सहकार्य करणार असल्याचे जाहीर केले.
कार्यक्रमाचे सूत्रसंचालन, यशवंतराव प्रतिष्ठानचे पुणे समन्वयक श्रीराम टेकाळे यांनी केले. यावेळी व्यासपीठावर श्री. दत्ता बाळसराफ व श्री. अंकुश काकडे उपस्थित होते.  

Saturday, 5 August 2017

जीएसटी काही अनुत्तरीत प्रश्न ? चर्चासत्र


पुणे : यशवंतराव चव्हाण प्रतिष्ठान, मुंबई. विभागीय केंद्र-पुणे आणि नवमहाराष्ट्र युवा अभियान यांच्या संयुक्त विद्यमाने विशेष चर्चासत्र कार्यक्रमांतर्गत जीएसटी काही अनुत्तरीत प्रश्न ? या विषयावर गुरुवार दिनांक १० ऑगस्ट दुपारी २ वाजता, पत्रकार भवन, नवी पेठ, पुणे येथे कार्यक्रमाचे आयोजन करण्यात आले आहे. या कार्यक्रमाचे अभय टिळक अर्थतज्ज्ञ  हे अध्यक्ष असतील, तसेच सुरेंद्र मानकोसकर, अतिरिक्त आयुक्त, जीएसटी, पुणे विभाग, प्रसाद झावरे पाटील, सी. ए. (कर सल्लागार), आणि वृषाली लोढा, सी. ए. (कर सल्लागार) हे सर्व प्रमुख वक्ते असून लोकांना मार्गदर्शन करणार आहेत.

Friday, 4 August 2017

"पौष्टिक सॅलडस्"बाबत महिलांना मार्गदर्शन


सध्याच्या धकाधकीच्या जीवनात लोकांच्या खाण्याच्या म्हणजेच आहाराच्या सवयी बदलल्या आहेत. जंक फूड व फास्टफूड मुळे स्वत:च्या आरोग्याकडे व आहाराकडे दुर्लक्ष झाले आहे. त्याचे दुष्परिणाम फार त्रासदायक होतात. तेव्हा आपल्या आहाराविषयी सतर्क रहाणे फार गरजेचे आहे. चौकस आहारात सॅलडचे फार महत्त्व आहे. हे लक्षात घेऊन यशवंतराव चव्हाण प्रतिष्ठान, मुंबई महाराष्ट्र महिला व्यासपीठतर्फे सुप्रसिध्द शेफ तुषार प्रीती देशमुख यांचा "आई आणि स्वयपांक घर" हा मनोगत, गप्पा व प्रश्न उत्तरे व पदार्थ्यांची पाककृती असा चौरस कार्यक्रम आयोजित करण्यात आला होता.
सुरूवातीला महाराष्ट्र महिला व्यासपीठ विभागाच्या संयोजिका रेखा नार्वेकर यांनी कार्यक्रमाचे प्रस्ताविक केले, आणि कार्यक्रमाला सुरूवात झाली. सुप्रसिध्द शेफ तुषार प्रीती देशमुख यांनी आपली ओळख सांगून आज कोणती पौष्टिक सॅलडस् तयार करणार आहोत याची माहिती दिली. त्यानंतर त्यांनी उपस्थितांसमोर सोबत आणलेल्या सॅलड वस्तू दाखवल्या, तसेच त्यांनी पडवळ कोशिंबीर, व्हेजिटेबल सलाड, चंक सलाड आणि स्प्राऊट स्पाईस हे सॅलड उपस्थित महिला समोर तयार केले. महिलांनी विचारलेल्या प्रश्नांचे नेमके उत्तर देशमुख दिले.

"स्मरण" या कार्यक्रमांतर्गत चर्चासत्र


यशवंतराव चव्हाण प्रतिष्ठान, मुंबई अपंग हक्क विकास मंच, मानव फाउंडेशन आणि टाटा इन्स्टिटयुट ऑफ सोशल सायन्य यांच्या संयुक्त विद्यमाने अपंग प्रवर्गातील "मानसिक आजारी" प्रौढांसाठी व त्यांच्या पालकांसाठी दिनांक ६ ऑगस्ट २०१७ रोजी बेसमेंट हॉल, यशवंतराव चव्हाण प्रतिष्ठान, मुंबई-४०००२१ येथे सकाळी ९ ते दुपारी २ पर्यंत "स्मरण" या कार्यक्रमांतर्गत चर्चासत्राचे आयोजन करण्यात आले आहे. या कार्यक्रमासाठी "मानसिक आजार" या विषयाचे जाणकार डॉक्टर, तज्ज्ञ व्यक्ती, पालक संघटनांचे प्रतिनिधी, पालकवर्ग आदी व्यक्ती उपस्थित राहणार आहेत.    

Thursday, 3 August 2017

चित्रपट चावडीतर्फे 'उदारणार्थ नेमाडे'


सोलापूर : यशवंतराव चव्हाण प्रतिष्ठान, मुंबई विभागीय केंद्र सोलापूर, यांच्या संयुक्त विद्यमाने चित्रपट चावडी कार्यक्रमांतर्गत अक्षय इंडिकर दिग्दर्शित उदारणार्थ नेमाडे हा चित्रपट दाखवण्यात येणार आहे. या कार्यक्रमाचा उद्घाटन समारंभ मा. दिलीप सोपल साहेब सदस्य-यशवंतराव चव्हाण प्रतिष्ठान यांच्या शुभहस्ते होणार आहे. तसेच मा. अक्षय इंडिकर दिग्दर्शक प्रमुख पाहूणे, डॉ. सदानंद भिळेगांवकर अध्यतक्ष रोटरी क्लब, डॉ. शरद पाटील अध्यक्ष-लायन्स क्लब, मा. संतोष ठोंबरे अध्यक्ष-मातृभूमी प्रतिष्ठान, मा. गणेश भंडारी अध्यक्ष-मायबोली प्रतिष्ठान, सौ. वैभवी बुडूख अध्यक्ष-लायनेस क्लब आणि मा. नागेश अक्कलकोटे अध्यक्ष-आनंदी यात्री प्रतिष्ठान यांची प्रार्थनिय उपस्थिती असेल.
शनिवारी दिनांक  ५ ऑगस्ट २०१७ रोजी सायंकाळी ६ वाजता यशवंतराव चव्हाण सांस्कृतिक भवन बार्शी उद्घाटन समारंभ होईल. त्यानंतर तिथे उदारणार्थ नेमाडे हा चित्रपट दाखवला जाणार आहे. रविवारी दिनांक ६ ऑगस्ट २०१७ रोजी सायंकाळी ६ वाजता भारत टॉकीज, दामाजी रोड, मंगळवेडा येथे उदारणार्थ नेमाडेचा दुसरा शो दाखवण्यात येणार आहे. सोमवारी दिनांक ७ ऑगस्ट २०१७ रोजी सायंकाळी ६ वाजता कॉलेज ऑफ फार्मशी (शिवदारे कॉलेज). जुळे सोलापूर येथे उदारणार्थ नेमाडेचा तिसरा शो दाखवण्यात येणार आहे.

विद्यार्थी आरोग्य शिबीर



यशवंतराव चव्हाण प्रतिष्ठान, मुंबई न्यू होरायाझान्सा  हेल्थ एन्ड रिसर्च फाउंडेशन,इंडियन अॅकॅडमी पेडीयेट्रिक्स, आणि आयोजित विद्यार्थी आरोग्य शिबीर रयत शिक्षण संस्थंचे वाघे माध्यमिक शाळा येथे संपन्न...
उषादेवी पांडुरंग वाघे माध्यमिक शाळा, कुलाबा येथे रविवारी दि. ३० जुलै २०१७ विद्यार्थी आरोग्य शिबीर घेण्यात आले. या शिबिरात एकूण २५२ विद्यार्थ्यांची तपासणी करण्यात आली. यामध्ये रक्तदाब तपासणी, नेत्र तपासणी, दंत तपासणी, मुलांची वय व त्यानुसार त्यांची उंची आणि वजन, श्वासंक्रीयेचा वेग, त्वचेचे आजार, पचन संस्थेशी सबंधित तक्रारी, विटामिन, कॅल्शियम, बि-१२ अश्या प्रकारच्या तपासणी करण्यात आल्या. या तपासणी मध्ये अंदाजे २९ विद्यार्थ्यांना चष्मा , ११ विद्यार्थ्यांना दातासंबधी तक्रार, १३ विद्यार्थ्यांना अॅनिमिया ह्या तक्रारी असल्याचे आढळले. यावर त्यांना आवश्यक ती औषधे देण्यात आली. तसेच तपासणी दरम्यान मुलांशी संवाद साधतांना डॉक्टरांनी त्यांच्या अभ्यासात येणा-या  अडचणी शोधून काढल्या व किती विद्यार्थ्यांना हा त्रास आहे हे संबंधीत शिक्षकांना  समजावून सांगितले.
या शिबिरात ५ वी ते १० वी पर्यंतचे विद्यार्थी घेण्यात आले होते. या शिबिराच्या उद्घाटनावेळी डॉ. समीर दलवाई (बालरोग तज्ञ) आणि त्यांची टीम यांची प्रमुख उपस्थिती होती. सुरुवातीला विद्यार्थी आणि पालक यांना एकत्र बसवून डॉ. दलवाई यांनी विद्यार्थ्यांशी संवाद साधून त्यांच्या दिनचर्येबद्दल चर्चा केली. मुले सकाळी न्याहारी करत नाही व त्यामुळे त्यांच्या आरोग्यावर होणारा परिणाम कसा व काय होतो, तसेच बाहेरचं अन्न खाल्यामुळे होणारे दुष्परिणाम, तर योग्य वेळी पौष्टिक खाणे व शरीरास आराम, म्हणजे हवी तशी झोप ह्याचे नियोजन कसे करावे हे अगदी हसत्या खेळत्या वातावरणातून डॉ. समीर दलवाई यांनी मुलांना समजावून सांगितले. तसेच ह्या छोट्याश्या चर्चेतून पालकांना सुद्धा कानमंत्र मिळाला. तसेच मुलांनी सकाळी शाळेत जाण्याअगोदर कमीतकमी १ तास आधी उठणे गरजेचे आहे. म्हणजे मुले सकाळी  न्याहारी स्वतः हून मागतात. परंतु जे खातील ते पौष्टिक असावे याची काळजी घ्यावी. अभ्यासाची वेळ सुद्धा मुलांना ठरवून दिली कि, त्यांना त्यांच्या खेळण्यासाठी पुरेसा वेळ मिळतो.
       डॉ. समीर दलवाई व डॉ. दीप्ती मोडक इतर डॉक्टरांचा समूह यांनी हे आरोग्य शिबीर यशस्वीपणे पूर्ण केले. या शिबिराला शाळेचे प्राध्यापक श्री. सुरेश धनावडे आणि वाघे हायस्कूल चे सर्व शिक्षक या शिबिरात प्रतिष्ठानचे कार्यक्रम व्यवस्थापक दत्ता बाळसराफ आणि मुख्य वित्त व लेखा व्यवस्थापक महेश चव्हाण यांची उपस्थिती होती. 

चित्रपटप्रेमींसाठी शुक्रवारी ‘मार्कोसे ऑफ ओ’


नाशिक  : यशवंतराव चव्हाण प्रतिष्ठान मुंबई, विभागीय केंद्र नाशिक व विश्वास को-ऑप.बँक लि., नाशिक, विश्वास ज्ञानप्रबोधिनी अ‍ॅण्ड रिसर्च इन्स्टिट्यूट, नाशिक, सारस्वत बँक व रेडिओ विश्वास ९०.८ कम्युनिटी रेडिओ यांच्या संयुक्त विद्यमाने ‘चित्रपट चावडी’ उपक्रमांतर्गत शुक्रवार ४ ऑगस्ट २०१७ रोजी सायंकाळी ६.३० वाजता सुप्रसिद्ध फ्रेंच दिग्दर्शक एरिक रोहमर यांचा ‘मार्कोसे ऑफ ओ’ हा चित्रपट दाखविण्यात येणार आहे. सदर चित्रपट डिझास्टर मॅनेजमेंट अ‍ॅण्ड ट्रेनिंग हब (विश्वास लॉन्स),
ठाकूर रेसिडेन्सी, विश्वास को-ऑप.बँकेसमोर, सावरकरनगर, गंगापूर रोड, नाशिक-४२२०१३ येथे दाखविण्यात येणार आहे.
अठराव्या शतकात उत्तर इटलीमध्ये घडणारे हे कथानक ‘मार्कोसे ऑफ ओ’ एका तरूण, सुशील व सुंदर विधवा तरूणीची गोष्ट सांगते. त्या छोट्या लष्करी छावणीवजा शहरामध्ये रशियन सेनेचा हल्ला होतो. ‘मार्कोसे ऑफ ओ’ वर बलात्काराचा प्रसंग ओढवतो व त्यातुन ‘ओे’ला एक उमदा तरूण रशियन सैन्याधिकारी वाचवतो. काही काळानंतर ‘ओ’ला ती गरोदर असल्याची जाणीव होते आणि तिच्या पोटात वाढणार्‍या गर्भातील पित्याचा शोध सुरू होतो. १९७६ मध्ये प्रदर्शित झालेल्या या सिनेमाचा कालावधी १०२ मिनीटांचा आहे.
न्यू सिनेमाच्या लाटेमधील एरिक रोहमर अपरिचित पण महत्त्वपूर्ण दिग्दर्शक आहे. चाळीसहून अधिक दर्जेदार सिनेमांचे दिग्दर्शन त्यांनी केले आहे. खास फ्रेंच ठसा असलेला एरिकचा सिनेमा म्हणजे थेट सरळ, सर्वसामान्यांच्या आयुष्यातील सहज घटना टिपणारा त्यातून आपल्याला सौंदर्यदृष्टी, नातेसंबंधाची जाणीव सहजपणे जाणवते.
‘मार्कोसे ऑफ ओ’ हा चित्रपट बघण्यास जास्तीत जास्त संख्येने सहभागी होण्याचे आवाहन कार्याध्यक्ष विश्वास ठाकूर, सचिव डॉ.कैलास कमोद, कोषाध्यक्ष डॉ.सुधीर संकलेचा, सदस्य सौ.कविता कर्डक, राजवर्धन कदमबांडे, रऊफ पटेल, अ‍ॅड.नितीन ठाकरे व विक्रम मोरे यांनी केले आहे.

Friday, 28 July 2017

'विज्ञानगंगा'चे अठरावे पुष्प..'जेनेटिक्स'


यशवंतराव चव्हाण प्रतिष्ठान, मुंबई व मराठी विज्ञान परिषद यांच्या संयुक्त विद्यमाने 'विज्ञानगंगा' कार्यक्रमांतर्गत अठरावे पुष्प, आघारकार रिसर्च इन्स्टिट्यूट, पुणे येथील प्राध्यापक श्री. सुरेंद्र घासकडबी यांचे 'जेनेटिक्स' या विषयावर शुक्रवार, दिनांक १८ ऑगस्ट २०१७ रोजी सायंकाळी ५. वाजता चव्हाण सेंटर, सांस्कृतिक सभागृह, चौथा मजला, जनरल जगन्नाथराव भोसले मार्ग, मंत्रालयासमोर, नरिमन पॉईंट, मुंबई - ४०००२१ येथे गुंफणार आहे. तरी या कार्यक्रमास सर्वांनी उपस्थित रहावे. 

करिअरचा कानमंत्र


यशवंतराव चव्हाण माहिती व तंत्रज्ञान प्रबोधिनी आणि महाराष्ट्र महारोजगार यांच्या संयुक्त विद्यमाने विद्यार्थ्यांसाठी करिअर गाईडन्स आणि नोकरी विषयक नूकतेच चव्हाण सेंटर मध्ये आयोजन करण्यात आले होते. करिअर गाईडन्स आणि नोकरी या विषयावर प्रफुल्ल बाईंग यांनी मुलांना मार्गदर्शन केले. 
इंटरनेट, फेसबुक आणि व्हॉट्स अप्प या गोष्टी गरजेपुरत्या वापरुन आपला बहुमोल वेळ निवडलेल्या क्षेत्राला द्यावा, तसेच आपण निवडलेल्या क्षेत्राची आपल्याला पुर्ण माहिती असावी. या गोष्टी आतापासून केल्यास आपल्याला भविष्यात खूप फायदा होऊ शकतो असे प्रफुल्ल बाईंग यांनी मुलांना मार्गदर्शन केले. 

Monday, 24 July 2017

महिला व्यासपीठतर्फे "पौष्टिक सॅलडस्"ची प्रात्यक्षिक














सध्याच्या धकाधकीच्या जीवनात लोकांच्या खाण्याच्या म्हणजेच आहाराच्या सवयी बदलल्या आहेत. जंक फूड व फास्टफूड मुळे स्वत:च्या आरोग्याकडे व आहाराकडे दुर्लक्ष झाले आहे. त्याचे दुष्परिणाम फार त्रासदायक होतात. तेव्हा आपल्या आहाराविषयी सतर्क रहाणे फार गरजेचे आहे. चौकस आहारात सॅलडचे फार महत्त्व आहे. हे लक्षात घेऊन यशवंतराव चव्हाण प्रतिष्ठान, मुंबई महाराष्ट्र महिला व्यासपीठतर्फे ४ ऑगस्ट २०१७ रोजी दुपारी ३ ते ५ या वेळेत सुप्रसिध्द शेफ तुषार प्रीती देशमुख यांचा "आई आणि स्वयपांक घर" हा मनोगत, गप्पा व प्रश्न उत्तरे व पदार्थ्यांची पाककृती असा चौरस कार्यक्रम बेसमेंट सभागृह, जनरल जगन्नाथ भोसले मार्ग, सचिवालय जिमखान्याजवळ नरीमन पॉंईट मुंबई येथे आयोजित करण्यात आला आहे. या कार्यक्रमांतर्गत "पौष्टिक सॅलडस्" ची प्रात्यक्षिक दाखविण्यात येणार आहेत. हा कार्यक्रम विनामुल्य असून प्रात्यक्षिकास सर्वांनी जरूर उपस्थित रहावे. 

Friday, 21 July 2017

'विज्ञानगंगा'चे सतरावे पुष्प संपन्न

'विज्ञानगंगा'चे सतरावे पुष्प संपन्न 


'
यशवंतराव चव्हाण प्रतिष्ठान, मुंबई व मराठी विज्ञान परिषद यांच्या संयुक्त विद्यमाने 'विज्ञानगंगा' कार्यक्रमांतर्गत सतरावे पुष्प 'चिरतारुण्य' या विषयावर टीआयएफआरमधील शास्त्रज्ञ डॉ. उल्लास कोलथुर यांनी चव्हाण सेंटरमध्ये उपस्थितांना चिरतारुण्य जपण्याबाबत मार्गदर्शन केले.
आपलं आयुष्य जेवढं आहे तेवढं चांगलं जगू असं बोलून कोलथुर यांनी कार्यक्रमाला सुरूवात केली. नंतर ते माणसाच्याच नव्हे, तर समस्त प्राणीसृष्टीच्या शरीरातील चिरतारुण्याला चैतन्य देण्याची क्षमता नेमकी कुठे दडली आहे, त्याचे रहस्य काय आहे याबाबत मार्गदर्शन केले.
सर्व सजीवांमध्ये आढळणाऱ्या चिरतारुण्याच्या जनुकास सक्रिय करण्याची क्षमता निश्चितपणे कोणत्या क्षेत्रात आहे, हेही उपस्थितांना पटवून दिले. तूमचं शरीर म्हणजे एक मशीन आहे, त्या मशीनमध्ये अनेक मशींन्स आहेत. लागेलं तितकाच पौष्टिक आहार घ्या. जितकं शरीर चांगलं ठेवालं तितकं चांगलं आयुष्य जगालं असे ते म्हणाले. 

Thursday, 20 July 2017

रंगस्वरतर्फे ‘नदी वाहते’ चित्रपट



















‘श्वास’ चे दिग्दर्शक मा. संदीप सावंत यांचा नवीन आगामी चित्रपट ‘नदी वाहते’ प्रदर्शित होणार आहे. येत्या शनिवारी, दिनांक २२ जुलै २०१७ रोजी, संध्याकाळी ६:३० वाजता रंगस्वर या उपक्रमांतर्गत हा चित्रपट यशवंतराव चव्हाण सेंटर येथे दाखवण्यात येणार आहे. तरी या चित्रपटास आपण उपस्थित राहावे हि विनंती.

अंडा विरहीत केकची कार्यशाळा संपन्न

अंडा विरहीत केकची कार्यशाळा संपन्न 


यशवंतराव चव्हाण प्रतिष्ठान, महाराष्ट्र महिला व्यासपीठ यांच्या संयुक्त विद्यमाने फ्रेश 'वेज' केक (अंडा विरहीत) या विषयावरती एकदिवसीय कार्यशाळेचे चव्हाण सेंटर मध्ये आयोजन करण्यात आले होते. कार्यशाळेमध्ये अधिक महिलांनी सहभाग घेतला, ब्लॅक फॉरेस्ट केक, व्हाइट फॉरेस्ट केक, आंबा केक,अननस केक, स्टॉबेरी केक आणि चॉकलेट ट्रफेल केकची प्रात्यक्षिक प्रशिक्षणार्थी कडून करून घेतली. तसेच केकच्या संदर्भातल्या नोटस् देऊन शंकांचे निरसन केले.

मोफत करिअर गाईडन्स मार्गदर्शन...


यशवंतराव चव्हाण माहिती व तंत्रज्ञान प्रबोधिनी आणि महाराष्ट्र महारोजगार यांच्या संयुक्त विद्यमाने विद्यार्थ्यांसाठी २८ जुलै २०१७ रोजी दुपारी ३ वाजता चव्हाण सेंटर मध्ये आयोजन करण्यात आले आहे. या कार्यक्रमामध्ये विद्यार्थ्यांना करिअर गाईडन्स आणि नोकरी विषयक मोफत मार्गदर्शन करण्यात येणार आहे. संपर्क २२८१७९७५, २२०४३६१७, ९७६९२५६३४३.

Wednesday, 19 July 2017

‘चित्रपट चावडी’ यशवंतराव चव्हाण प्रतिष्ठानतर्फे चित्रपटप्रेमींसाठी शुक्रवारी ‘अ समर्स टेल’

‘चित्रपट चावडी’
यशवंतराव चव्हाण प्रतिष्ठानतर्फे
चित्रपटप्रेमींसाठी शुक्रवारी ‘अ समर्स टेल’


यशवंतराव चव्हाण प्रतिष्ठान मुंबई, विभागीय केंद्र नाशिक व विश्वास को-ऑप.बँक लि., नाशिक, विश्वास ज्ञानप्रबोधिनी अ‍ॅण्ड रिसर्च इन्स्टिट्यूट, नाशिक, सारस्वत बँक व रेडिओ विश्वास ९०.८ कम्युनिटी रेडिओ यांच्या संयुक्त विद्यमाने
‘चित्रपट चावडी’ उपक्रमांतर्गत शुक्रवार २१जुलै २०१७ रोजी सायंकाळी ६.३० वाजता सुप्रसिद्ध फ्रेंच दिग्दर्शक एरिक रोहमर यांचा ‘अ समर्स टेल’ हा चित्रपट दाखविण्यात येणार आहे. सदर चित्रपट डिझास्टर मॅनेजमेंट अ‍ॅण्ड ट्रेनिंग हब (विश्वास लॉन्स), ठाकूर रेसिडेन्सी, विश्वास को-ऑप.बँकेसमोर, सावरकरनगर, गंगापूर रोड, नाशिक-४२२०१३. येथे दाखविण्यात येणार आहे.
विविध ऋतुंवर आधारित कथानकांच्या मालिकेतील एरिक रोहमर यांची ‘अ समर्स टेल’ ही नर्मविनोदी प्रेमकथा आहे. तरूण गणिताचा विद्यार्थी पण गिटार वादनाचा शौक असलेल्या गॅस्पार्ड व त्याची मैत्रिण लेना यांच्या सुट्टीमध्येˆस्पेनमधील भेटीची पण भेटीच्या दरम्यान त्याची आणखी दोन स्त्रियांशी गाठ पडते. गॅस्पार्ड आता तीन वेगवेगळ्या स्त्रियांच्या भेटीमुळे गोंधळात पडला आहे. त्यातुन तो कसा मार्ग काढतो ते पहाण्यासाठी जरूर या. १९९६ मध्ये प्रदर्शित झालेल्या या सिनेमाचा कालावधी ११३ मिनीटांचा आहे.
न्यू सिनेमाच्या लाटेमधील एरिक रोहमर अपरिचित पण महत्त्वपूर्ण दिग्दर्शक आहे. चाळीसहून अधिक दर्जेदार सिनेमांचे दिग्दर्शन त्यांनी केले आहे. खास फ्रेंच ठसा असलेला एरिकचा सिनेमा म्हणजे थेट सरळ, सर्वसामान्यांच्या आयुष्यातील सहज घटना टिपणारा त्यातून आपल्याला सौंदर्यदृष्टी, नातेसंबंधाची जाणीव सहजपणे जाणवते.
‘अ समर्स टेल’ हा चित्रपट बघण्यास जास्तीत जास्त संख्येने सहभागी होण्याचे आवाहन कार्याध्यक्ष विश्वास ठाकूर, सचिव डॉ.कैलास कमोद, कोषाध्यक्ष डॉ.सुधीर संकलेचा, सदस्य सौ.कविता कर्डक, राजवर्धन कदमबांडे, रऊफ पटेल, अ‍ॅड.नितीन ठाकरे व विक्रम मोरे यांनी केले आहे.

Sunday, 16 July 2017

शिक्षण हक्क क़ायदा आणि गुणवत्ता विषयी मार्गदर्शन

शिक्षण हक्क क़ायदा आणि गुणवत्ता विषयी मार्गदर्शन 

मुंबई : शिक्षण विकास मंच, यशवंतराव चव्हाण प्रतिष्ठान ,मुंबई यांच्या संयुक्त विद्यमाने 'शिक्षणकट्टा' या उपक्रमांर्तगत नियमितपणे विविध विषयांचे आयोजन केले जाते. यावेळी "शिक्षण हक्क कायदा आणि गुणवत्ता" या महत्वाच्या विषयासंदर्भात शिक्षणकट्टयावर शिक्षक, पालक, यांची चव्हाण सेंटर मध्ये सकारात्मक चर्चा झाली.   सुरुवातीला श्रीमती बसंती रॉय यांनी उपस्थित पालक शिक्षक आणि पत्रकारांना कार्यक्रमाचे स्वरुप समजावून सांगितले आणि आजचा विषय शिक्षण हक्क कायदा आणि गुणवत्ता याबाबत मार्गदर्शन केले. सध्या पहिली ते आठवी पर्यंत मुलांना अधिनियम निष्पती केंद्रिय शाळांना लागू करण्यात आली आहे. म्हणजेच काही ठराविक गोष्टी मुलांना आल्याच् पाहिजेत असे शासनाकडून बंधनकारक करण्यात आले आहे. हा नियम सध्या तेलांगना राज्यात लागू करण्यात आला आहे. यावर उपस्थितांची मते संयोजक डॉ.वसंत काळपांडे जाणून घेतली.  उपस्थित शिक्षकांची समस्या जाणून घेऊन काळपांडे यांनी मार्गदर्शन केले. 

Friday, 14 July 2017

अपंग तपासणी शिबीर यशस्वीरीत्या संपन्न....
सुप्रिया सुळे यांची प्रमुख उपस्थिती

भारतीय कृत्रिम अंग निर्माण निगम, कानपूर पुणे जिल्हा परिषद, पुणे यशवंतराव चव्हाण प्रतिष्ठान, मुंबई, अपंग हक्क विकास मंच महात्मा गांधी सेवा संघ संचलित जिल्हा अपंग पुनर्वसन केंद्र जिल्हा रुग्णालय, औंध, पुणे आयोजित अपंग (दिव्यांग) व्यक्तींना मोफत कृत्रिम अवयव व साधने वाटपासाठी नाव नोंदणी व मोजमाप शिबीर आज जिल्हा रुग्णालय पौंढ येथे सहभागींच्या उपस्थितीमध्ये पार पडला. या कार्यक्रमात तब्बल हजार दिव्यांग व्यक्तींची नाव नोंदणी झाली आहे. या कार्यक्रमासाठी स्थानिक लोकप्रतिनिधी, पदाधिकारी, तसेच यशवंतराव चव्हाण प्रतिष्ठानच्या कार्याध्यक्ष मा. सुप्रिया सुळे यांची सर्व कार्यक्रमांना विशेष उपस्थिती होती.
महाराष्ट्रातील अपंग व्यक्तींच्या विविध समस्या, संवाद व समन्वयाच्या भूमिकेतून सोडविण्यासाठी अपंग हक्क विकास मंचाकडून कार्य केले जाते. या मंचामार्फत महाराष्ट्रातील विविध जिल्ह्यांत शिबिरांचे आयोजन करून सर्व प्रवर्गातील अपंगांना त्यांच्या आवश्यकतेनुसार कृत्रिम अवयव व साहित्य साधनांसाठीचे मोजमाप घेऊन, अपंगांना कृत्रिम अवयव व साधने वाटप मोफत उपलब्ध करून दिली जातात. या मंचामार्फत प्रत्येक अपंगांना त्यांच्या समस्येनुसार योग्य ती माहिती व सल्ला दिला जातो. अपंगांना आपल्या स्तरावरून सतत योग्य ते सहकार्य व मदत करण्याचा मंचाचा प्रयत्न असतो.
मागील तीन दिवसापासून पुणे जिल्ह्यामध्ये दौंड, इंदापूर, बारामती, सासवड, भोर-वेल्हे, खडकवासला, पौंड येथे सुरू असलेल्या कार्यक्रमाला तहसिलदार, ग्रामसेवक यांची उपस्थिती होती. शिबीराच्या यशस्वितेसाठी महात्मा गांधी सेवा संघाचे कर्मचारी, अपंग हक्क विकास मंच, संयोजक विजय कान्हेकर, अभिजीत राऊत, विजय कस्बे, यांनी अधिक परिश्रम घेतले.

Wednesday, 12 July 2017

शेतकऱ्यांसाठी कर्जमाफी हा तात्पुरता उपाय असून दीर्घकालीन उपाययोजनांची गरज

शेतकऱ्यांसाठी कर्जमाफी हा तात्पुरता उपाय असून दीर्घकालीन उपाययोजनांची गरज 

औरंगाबाद : शेतक-यांच्या मोठ्या मागणी नंतर शासनाकडून कर्जमाफीचा निर्णय घेण्यात आला. परंतु आज अतिदक्षता विभागा (आयसीयू) मध्ये असणा-या शेतक-यांसाठी ही कर्जमाफी म्हणजे फक्त एक सलाईन असून त्यांना खऱ्या अर्थाने जीवनदान देण्याकरिता दीर्घकालीन उपाय योजनांची गरज असल्याचे मत ज्येष्ठ पत्रकार सुनील तांबे यांनी व्यक्त केले. 
     यशवंतराव चव्हाण प्रतिष्ठान, मुंबई विभागीय केंद्र औरंगाबाद आणि एमजीएम जनसंवाद व वृत्तपत्रविद्या महाविद्यालय यांच्या संयुक्त विद्यमाने लोकसंवाद उपक्रमात आयोजित “शेतक-यांची आंदोलने आत्ताच का?” या विषयावर आयोजित व्याख्यानाप्रसंगी ते बोलत होते. हमीभाव ही संकल्पनाच चुकीची असून शेतमालाला यापेक्षाही अधिक भाव मिळायला हवा, आणि उत्पादनाची थेट खरेदी शासनाने बाजारभावाने करावी असे त्यांनी यावेळी म्हंटले.
    १९८८ पासून २०१७ पर्यंत भारतात दहशतवादी हल्ल्यामध्ये मृत्यू पावलेल्यांपेक्षाही देशात आत्महत्या केलेल्या शेतक-यांची आकडेवारी अधिक असून राज्यकर्त्याकरिता ही खेदाची बाब आहे. तसेच विविध प्रकारच्या शेतमालाचे विक्रमी उत्पादन होणार असल्याचा सरकारला अंदाज असतानाही याबाबत योग्य ते नियोजन केले नसल्याने याचा प्रचंड फटका शेतक-यांना बसला आहे.  त्याप्रमाणेच २०१४ ते १०१७ या कालावधी दरम्यान शेतमालाच्या किमतीमध्ये मोठी घट झाली असून मोठ्या प्रमाणात तफावत आढळून येत आहे. नोटबंदीच्या निर्णयाचा सर्वात जास्त फटका शेतक-यांना बसला असल्याचे मतही यावेळी तांबे यांनी व्यक्त केले.
     या कार्यक्रमासाठी एमजीएमचे सचिव अंकुशराव कदम,  प्रा. जयदेव डोळे, डॉ.मानवेंद्र काचोळे, सुभाष लोमटे, अण्णा खंदारे, डॉ. रेखा शेळके यांसह विविध क्षेत्रातील मान्यवरांची व पत्रकारितेच्या विद्यार्थ्यांची मोठ्या प्रमाणात उपस्थिती होती. प्रास्ताविक संयोजक नीलेश राऊत यांनी तर सूत्रसंचालन अपूर्वा कुलकर्णी व ऋचा वझे यांनी केले.  

Tuesday, 11 July 2017

"शिक्षण हक्क कायदा आणि गुणवत्ता"


"शिक्षण हक्क कायदा आणि गुणवत्ता" 

शिक्षण विकास मंच, चव्हाण प्रतिष्ठान ,मुंबई यांच्या संयुक्त विद्यमाने  'शिक्षणकट्टा' या उपक्रमांर्तगत नियमितपणे आयोजन केले जाते. यावेळी  "शिक्षण हक्क कायदा आणि गुणवत्ता" या महत्वाच्या विषयासंदर्भात शिक्षणकट्टयावर चर्चा होणार आहे. या चर्चेस जेष्ठ शिक्षणतज्ज्ञ आणि शिक्षण विकास मंचचे संयोजक डॉ. वसंतराव काळपांडे याची मुख्य उपस्थिती राहणार आहे. तरी या चर्चेसाठी मुख्याध्यापक, शिक्षक,शिक्षणतज्ज्ञ,पञकार ,पालक,विद्यार्थी यांची अधिक असावी. या चर्चेत सहभागी होण्याचे  आवाहन शिक्षणकट्टयाच्या निमंत्रिका श्रीमती बसंती रॉय यांनी केले आहे. या कार्यक्रम बोर्ड रूम ,पाचवा मजला ,यशवंतराव चव्हाण प्रतिष्ठान,मंञालयसमोर १५ जुलै रोजी शनिवारी दुपारी २ ते ५ या वेळेत होईल. माधव सूर्यवंशी (समन्वयक) ९९६७५४६४९८ 

Monday, 10 July 2017

शेतक-यांची आंदोलने आत्ताच का ?

शेतक-यांची आंदोलने आत्ताच का ?

यशवंतराव चव्हाण प्रतिष्ठान मुंबई, विभागीय केंद्र औरंगाबाद, एमजीएम जनसंवाद व वृत्तपत्र संवाद महाविद्यालय यांच्या संयुक्त विद्यमाने देशभरात सुरू असलेल्या शेतक-यांच्या विविध आंदोलनाच्या अनुषंगाने शेतक-यांची आंदोलने आत्ताच का ? या विषयावर व्याख्यानाचे आयोजन करण्यात आले आहे. बुधवारी १२ जुलै रोजी सकाळी १०.३० वा आईस्टाईन सभागृह, जेएनईसी महाविद्यालय एमजीएम परिसर औरंगाबाद व्याख्यानाला सुरूवात होईल. 
व्याख्यानाकरिता ज्येष्ठ पत्रकार व शेती प्रश्नाचे अभ्यासक मा. सुनील तांबे (मुंबई) यांना आमंत्रित करण्यात आलेले असून ते  देशभरातील शेतकरी आंदोलनाच्या पार्श्वभूमीवर केंद्र व राज्य शासनाची भूमिका, दुष्काळामुळे प्रभावित कृषी जीवन, केंद्र सरकारचे आयात निर्यात धोरण  शेतकरी आंदोलनांमधील राजकीय सामाजिक सहभाग, कर्जमाफी आदी मुद्यांवर भाष्य करतील. 
सुनील तांबे हे मागील पंचवीस वर्षांपासून पत्रकारिता क्षेत्रात कार्यरत असून कृषी पत्रकारितेच्या अनुषंगाने त्यांनी विपुल लेखन केलेले आहे. 'रॉयटर्स' या आंतरराष्ट्रीय वृत्तसंस्थेत अनेक वर्ष त्यांनी कार्य केलेले असून 'शेती व मान्सून' तसेच हवामान बदल व त्याचा शेतीवर होणारा परिणाम' हे त्यांचे लिखानाचे विषय प्रामुख्याने राहिलेले आहे.
आताच्या परिस्थितीवर नेमकेपणाने सर्वांगीण मांडणी करणा-या या विशेष व्याख्यानाचा नागरिकांनी लाभ घ्यावा, असे आवाहन विभागीय केंद्राचे अध्यक्ष नंदकिशोर कागलीवाल, कोषाध्यक्ष सचिन मुळे, सचिव मुकूंद भोगले, नीलेश राऊत, डॉ. अपर्णा कक्कड, डॉ. रेखा शेळके, सुहास तेंडूलकर, सुबोध जाधव, रेणुका कड आदींनी केलेले आहे.  

अपंग तपासणी शिबीर दौंड येथे यशस्वीरीत्या संपन्न....

अपंग तपासणी शिबीर दौंड येथे यशस्वीरीत्या संपन्न....
सुप्रिया सुळे यांची प्रमुख उपस्थिती

भारतीय कृत्रिम अंग निर्माण निगम, कानपूर पुणे जिल्हा परिषद, पुणे यशवंतराव चव्हाण प्रतिष्ठान, मुंबई, अपंग हक्क विकास मंच महात्मा गांधी सेवा संघ संचलित जिल्हा अपंग पुनर्वसन केंद्र जिल्हा रुग्णालय, औंध, पुणे आयोजित अपंग (दिव्यांग) व्यक्तींना मोफत कृत्रिम अवयव व साधने वाटपासाठी नाव नोंदणी व मोजमाप शिबीर आज उपजिल्हा रुग्णालय दौंड येथे सहभागींच्या उपस्थितीमध्ये पार पडला. या कार्यक्रमात एकूणच १००० दिव्यांग व्यक्तींची नाव नोंदणी झाली आहे. या कार्यक्रमासाठी स्थानिक लोकप्रतिनिधी, पदाधिकारी, तसेच यशवंतराव चव्हाण प्रतिष्ठानच्या कार्याध्यक्ष मा. सुप्रिया सुळे यांची विशेष उपस्थिती होती.
महाराष्ट्रातील अपंग व्यक्तींच्या विविध समस्या, संवाद व समन्वयाच्या भूमिकेतून सोडविण्यासाठी अपंग हक्क विकास मंचाकडून कार्य केले जाते. या मंचामार्फत महाराष्ट्रातील विविध जिल्ह्यांत शिबिरांचे आयोजन करून सर्व प्रवर्गातील अपंगांना त्यांच्या आवश्यकतेनुसार कृत्रिम अवयव व साहित्य साधनांसाठीचे मोजमाप घेऊन, अपंगांना कृत्रिम अवयव व साधने वाटप मोफत उपलब्ध करून दिली जातात. या मंचामार्फत प्रत्येक अपंगांना त्यांच्या समस्येनुसार योग्य ती माहिती व सल्ला दिला जातो. अपंगांना आपल्या स्तरावरून सतत योग्य ते सहकार्य व मदत करण्याचा मंचाचा प्रयत्न असतो.

Friday, 7 July 2017

निसर्गाविषयी कृतज्ञता व्यक्त करण्यासाठी रविवारी अनोखी गुरूपौर्णिमा

निसर्गाविषयी कृतज्ञता व्यक्त करण्यासाठी
रविवारी अनोखी गुरूपौर्णिमा

नाशिक : जीवनाच्या जडणघडणीत गुरूंचं जसं स्थान मोलाचे आहे तितकंच आपलं सृष्टीशी व निसर्गाशी आहे. कलावंतांच्या कलेचे अविष्कार तर निसर्गाची विविध रूपे घेऊन अवतरत असतात. याच सृष्टीविषयी कृतज्ञता व्यक्त करण्यासाठी, त्याचे ऋण व्यक्त करण्यासाठी गुरूपौर्णिमेला एका अभिनव उपक्रमाचे आयोजन करण्यात येत आहे.‘वृक्षवल्ली आम्हा सोयरे वनचरी’ या संत तुकाराम महाराजांच्या विचारांशी बांधिलकी जोडण्याचा हा अनोखा उपक्रम आहे. आर्किटेक्ट, चित्रकार शितल सोनवणे यांची या उपक्रमाची संकल्पना आहे. ‘आर्ट ऑफ शितल’ तर्फे आयोजित हा कार्यक्रम रविवार ९ जुलै २०१७ रोजी सायंकाळी ५.३० वाजता गंगापूर रोड जवळील  सुयोजित गार्डन, दत्त चौक, सहदेव नगर येथे आयोजित करण्यात आला आहे. येथे आठ फुटाच्या भिंतीवर चिमण्या पोपट, बुलबुल इत्यादी पक्ष्यांसाठी घरटी तयार करण्यात आली आहेत.
कार्यक्रमाच्या दिवशी उपस्थित शपथ घेणार आहेत. मी पर्यावरणाचे रक्षण करेन, प्लास्टीकचा वापर करणार नाही, हॉर्न वाजवून ध्वनीप्रदुषण करणार नाही.
जनजागृती व प्रबोधनपर हा उपक्रम आहे. निसर्ग या गुरूला वंदन करण्यासाठी मोठ्या संख्येने उपस्थित राहण्याचे आवाहन ‘आर्ट ऑफ शितल’ परिवारातर्फे करण्यात आले आहे.

Thursday, 6 July 2017

चित्रपटप्रेमींसाठी माय नाईट अ‍ॅट मॉड चित्रपट

चित्रपटप्रेमींसाठी माय नाईट अ‍ॅट मॉड चित्रपट

नाशिक : यशवंतराव चव्हाण प्रतिष्ठान मुंबई, विभागीय केंद्र नाशिक व विश्वास को-ऑप.बँक लि., नाशिक, विश्वास ज्ञानप्रबोधिनी अ‍ॅण्ड रिसर्च इन्स्टिट्यूट, नाशिक, सारस्वत बँक व रेडिओ विश्वास ९०.८ कम्युनिटी रेडिओ यांच्या संयुक्त विद्यमाने ‘चित्रपट चावडी’ उपक्रमांतर्गत शुक्रवार ७ जुलै २०१७ रोजी सायंकाळी ६.३० वाजता सुप्रसिद्ध फ्रेंच दिग्दर्शक एरिक रोहमर यांचा ‘माय नाईट अ‍ॅट मॉड’ हा चित्रपट दाखविण्यात येणार आहे. सदर चित्रपट डिझास्टर मॅनेजमेंट अ‍ॅण्ड ट्रेनिंग हब (विश्वास लॉन्स), ठाकूर रेसिडेन्सी, विश्वास को-ऑप.बँकेसमोर, सावरकरनगर, गंगापूर रोड, नाशिक-४२२०१३ येथे दाखविण्यात येणार आहे.
न्यू सिनेमाच्या लाटेमधील एरिक रोहमर अपरिचित पण महत्त्वपूर्ण दिग्दर्शक आहे. चाळीसहून अधिक दर्जेदार सिनेमांचे दिग्दर्शन त्यांनी केले आहे. खास फ्रेंच ठसा असलेला एरिकचा सिनेमा म्हणजे थेट सरळ, सर्वसामान्यांच्या आयुष्यातील सहज घटना टिपणारा त्यातून आपल्याला सौंदर्यदृष्टी, नातेसंबंधाची जाणीव सहजपणे जाणवते.
एरीकने दिग्दर्शित केलेल्या सहा नितीकथांच्या मालिकेतील ही तिसरी कथा यात घटस्फोटीत एका डॉक्टरची व एका मध्यमवयीन तरूणीची भेटीची गोष्ट आहे. त्यात तत्वज्ञान, धर्म आहे.  राजकारण व नीतीमत्तेच्या संकल्पनांची चर्चा आहे. जीवनातील मूल्यांचा शोध आहे. १९६९ मध्ये प्रदर्शित झालेल्या या सिनेमाचा कालावधी १०५ मिनीटांचा आहे.
‘माय नाईट अ‍ॅट मॉड’ हा चित्रपट बघण्यास जास्तीत जास्त संख्येने सहभागी होण्याचे आवाहन कार्याध्यक्ष विश्वास ठाकूर, सचिव डॉ.कैलास कमोद, कोषाध्यक्ष डॉ.सुधीर संकलेचा, सदस्य सौ.कविता कर्डक, राजवर्धन कदमबांडे, रऊफ पटेल, अ‍ॅड.नितीन ठाकरे व विक्रम मोरे यांनी केले आहे.

Wednesday, 5 July 2017

अंडा विरहीत केकची कार्यशाळा (वेजकेक)

अंडा विरहीत केकची कार्यशाळा (वेजकेक)

यशवंतराव चव्हाण प्रतिष्ठान, महाराष्ट्र महिला व्यासपीठ यांच्या संयुक्त विद्यमाने फ्रेश 'वेज' केक (अंडा विरहीत) या विषयावरती २० जुलै २०१७ रोजी एकदिवसीय कार्यशाळेचे चव्हाण सेंटर मध्ये आयोजन करण्यात आले आहे. कार्यशाळेमध्ये ब्लॅक फॉरेस्ट केक, व्हाइट फॉरेस्ट केक, आंबा केक,अननस केक, स्टॉबेरी केक आणि चॉकलेट ट्रफेल केक बनविण्याचे प्रशिक्षण देण्यात येणार आहे. तसेच कार्यशाळेची वेळ दुपारी २ ते ५ असून सहभागी होणा-या प्रशिक्षणार्थीं १००० रूपये शुल्क आकारण्यात येणार आहे. संपर्क संजना पवार ८२९१४१६२१६, २२०४५४६०

Tuesday, 4 July 2017

छत्र्यांवर ओघळला पावसाच्या शब्द-चित्रांचा अविष्कार

छत्र्यांवर ओघळला पावसाच्या शब्द-चित्रांचा अविष्कार
सुलेखनकार अच्युत पालव यांच्या कार्यशाळेला जोरदार प्रतिसाद


नाशिक : पांढर्‍या शुभ्र छत्र्या आणि त्यावर ओघळणारे सप्तरंगी रंग आणि पावसावरच्या कवितांच्या, गाण्यांच्या ओळी कार्यशाळेतील प्रत्येकाला नवनिर्मितीचा आनंद देत होत्या. पावसाचे अनेक विभ्रम आपआपल्या छत्रीवर रेखाटत होता. पाऊस आणि मानव यांचं नातं किती विलक्षण आणि आनंददायी असते, याचाच हा अनुभव होता.

यशवंतराव चव्हाण प्रतिष्ठान मुंबई, विभागीय केंद्र नाशिक व विश्वास को-ऑप.बँक लि., नाशिक, अबीर क्रिएशन्स, अच्युत पालव स्कूल ऑफ कॅलिग्राफी, विश्वास ज्ञानप्रबोधिनी अ‍ॅण्ड रिसर्च इन्स्टिट्यूट, नाशिक, सारस्वत बँक, रेडिओ विश्वास ९०.८ कम्युनिटी रेडिओ व विश्वास लॉन्स यांच्या संयुक्त विद्यमाने सुप्रसिद्ध सुलेखनकार अच्युत पालव यांच्या अंब्रेला पेंन्टींग कार्यशाळेचे विश्वास क्लब हाऊस येथे आयोजन करण्यात आले होते. यावेळी अच्युत पालव यांनी सप्रयोग मार्गदर्शन केले. या कार्यशाळेस ५० हून अधिक रसिकांनी सहभाग नोंदविला.

अच्युत पालव यांनी सांगितले की, प्रत्येकाच्या मनात पावसाचं रूप असतं आणि त्याचा अविष्कार प्रत्येक कलावंत, रसिक कलाकृतीतून देत असतो. आरती प्रभूंच्या ‘येरे घना येरे घना, असो किंवा चिंब पावसानं रान झालं आबादानी’ महानोरांचे शब्द असो त्याला एक सर्जनाचं दृश्य रूप असतं. पावसाळ्यातील पाण्याचा खळखळाट सरींवर सरी असोत. तीच अनुभूती प्रत्येक जण घेत होता. छत्र्यांतून अक्षरातून निथळणारा पाऊस आठवणींचा, विरहाचा, शुभ्रसंकेताचा उद्गार देत होता. पाऊस आपल्यातील सृजनशीलतेलाच आव्हान देत असतो. कार्यशाळेसाठी निलेश गायधनी, केतकी गायधनी व चिंतामण पगारे यांनी सहकार्य केले.

Friday, 30 June 2017

नाशकात अम्ब्रेला पेंटींग कार्यशाळा

 नाशकात अम्ब्रेला पेंटींग कार्यशाळा

नाशिक : यशवंतराव चव्हाण प्रतिष्ठान मुंबई, विभागीय केंद्र नाशिक व विश्वास को-ऑप.बँक लि., नाशिक, अबीर क्रिएशन्स, विश्वास ज्ञानप्रबोधिनी अ‍ॅण्ड रिसर्च इन्स्टिट्यूट, नाशिक, सारस्वत बँक, रेडिओ विश्वास 90.8 कम्युनिटी रेडिओ व विश्वास लॉन्स यांच्या संयुक्त विद्यमाने ख्यातनाम सुलेखनकार अच्युत पालव यांच्या अम्ब्रेला पेंटींग कार्यशाळेचे नाशकात आयोजन करण्यात आले आहे.
     रविवार दि. २ जुलै २०१७ रोजी सकाळी ९ ते दुपारी १२ या वेळात क्लब हाऊस (विश्वास लॉन्स), ठाकूर रेसिडेन्सी, विश्वास को-ऑप. बँकेसमोर, सावरकरनगर, गंगापूररोड, नाशिक येथे सदर कार्यशाळा  होणार आहे.
     पावसाच्या अनेक रूपांचा शब्दांतून, अक्षरलेखनातून होणारा अविष्कार या कार्यशाळेत अनुभवास मिळणार आहे. ‘अम्ब्रेला पेंटींग’ हा नवा अक्षर सौंदर्याचा प्रकार अच्युत पालव यांनी विकसित केला आहे. कार्यशाळेत सहभागी होणार्‍या शिबिरार्थींकडून ‘अम्ब्रेला पेंटींग’ करून घेतले जाणार आहे. रंगरेषांचे सहज आणि सोप्या पद्धतीतून मार्गदर्शन सदर कार्यशाळेत अच्युत पालव करणार आहेत. गेली अनेक वर्षे महाराष्ट्रातील नव्हे तर भारतातील दुर्गम भागात जाऊन कॅलिग्राफीचा प्रसार  पालव करीत आहेत. कार्यशाळेसाठी लागणारे साहित्यही देण्यात येणार आहे. अधिक माहिती व नोंदणीसाठी चिंतामण पगार, मो. ९३७१६६१५०९, निलेश गायधनी, मो.९८८१४७२७७३, केतकी गायधनी, मो.७७६९९२२७७३ यांच्याशी संपर्क साधावा.
     तरी या कार्यशाळेस जास्तीत जास्त संख्येने सहभागी होण्याचे आवाहन कार्याध्यक्ष विश्वास ठाकूर, सचिव डॉ.कैलास कमोद, कोषाध्यक्ष डॉ.सुधीर संकलेचा, सदस्य सौ.कविता कर्डक, राजवर्धन कदमबांडे, रऊफ पटेल, अ‍ॅड.नितीन ठाकरे व विक्रम मोरे यांनी केले आहे.

कृषी दिनानिमित्त शेतकरी मेळावा व चर्चासत्राचे आयोजन

कृषी दिनानिमित्त शेतकरी मेळावा व चर्चासत्राचे आयोजन 

अहमदनगर : यशवंतराव चव्हाण प्रतिष्ठान मुंबई, विभागीय केंद्र अहमदनगर, यशवंत सामाजिक प्रतिष्ठान सोनई, मुळा एज्युकेशन सोसायटीचे कृषी महाविद्यालय सोनई, यांच्या संयुक्त विद्यमाने श्री. यशवंतराव गडाख पाटील यांच्या मार्गदर्शनाखाली व मा. प्रशांतभाऊ गडाख पाटील यांच्या कल्पक नियोजनाखाली शनिवार दि. १ जुलै २०१७ रोजी सकाळी ९ वाजता कृषी दिनानिमित्त शेतकरी मेळावा व चर्चासत्राचे आयोजन करण्यात आलेले आहे. कार्यक्रमाला प्रमुख पाहुणे म्हणून डॉ. मुकूंदराव गायकवाड कुलपती, अरविंद कृषी विद्यापीठ, नागपूर आणि कार्यक्रमाचे अध्यक्ष मा. श्री. ज्ञानेश्वर पवार कृषीभूषण, पुनतगाव. ता. नेवासा हे असतील. डॉ. विनायक देशमुख सहसचिव, मुळा एज्युकेशन सोसायटी, उत्तमराव लोंढे सचिव, मुळा एज्युकेशन सोसायटी श्री. शंकरराव पटारे जनरल मॅनेजर, मुं. स.सा. कारखाना सोनई यांची प्रमुख उपस्थिती असेल. हा कार्यक्रम कृषी महाविद्यालय सोनई येथे होईल. 

Thursday, 29 June 2017

विज्ञानगंगाचे सतरावे पुष्प...

विज्ञानगंगाचे सतरावे पुष्प...
चिरतारुण्याची किल्ली सापडली!

माणसाच्या चिरतारुण्याचे रहस्य काय? आजच्या धकाधकीच्या जीवनशैलीत या विषयावर सल्ले देणारे अनेक गुरू भेटतील. परंतु केवळ माणसाच्याच नव्हे, तर समस्त प्राणीसृष्टीच्या शरीरातील चिरतारुण्याला चैतन्य देण्याची क्षमता नेमकी कुठे दडली आहे, त्याचे रहस्य भेदण्याचे काम टाटा मूलभूत संशोधन केंद्रातील संशोधकांनी केले आहे. सर्व सजीवांमध्ये आढळणाऱ्या चिरतारुण्याच्या जनुकास सक्रिय करण्याची क्षमता निश्चितपणे कोणत्या क्षेत्रात आहे, त्याचे केंद्र शोधून काढण्याचे काम टीआयएफआरमधील शास्त्रज्ञ डॉ. उल्लास कोलथुर यांनी केले आहे. याविषयी अधिक माहिती व आपल्याशी संवाद साधण्यासाठी यशवंतराव चव्हाण प्रतिष्ठान, मुंबई व मराठी विज्ञान परिषद यांच्या संयुक्त विद्यमाने 'विज्ञानगंगा' कार्यक्रमांतर्गत सतरावे पुष्प 'चिरतारुण्य' या विषयावरील व्याख्यान २१ जुलै २०१७ रोजी सायंकाळी ५ वाजता  चव्हाण सेंटर, सांस्कृतिक सभागृह, चौथा मजला, जनरल भोसले मार्ग, मुंबई येथे गुंफणार आहेत. तरी वरील कार्यक्रमास आपण उपस्थित रहावे ही विनंती. 

Wednesday, 28 June 2017

चित्रपट चावडीतर्फे 'लेथ जोशी' मराठी चित्रपट

चित्रपट चावडीतर्फे 'लेथ जोशी' मराठी चित्रपट 


औरंगाबाद : यशवंतराव चव्हाण प्रतिष्ठान मुंबई, विभागीय केंद्र औरंगाबाद, एमजीएम पत्रकारिता महाविद्यालय व आयटक कामगार युनियन यांच्या संयुक्त विद्यमाने चित्रपट चावडीतर्फे 'लेथ जोशी' मराठी चित्रपट शनिवार दि. ८ जुलै २०१७ रोजी सायंकाळी ५:३० वा रुक्मिणी सभागृह,एमजीएम परिसर,औरंगाबाद येथे दाखवण्यात येणार आहे. याप्रसंगी चित्रपटाचे दिग्दर्शक मंगेश जोशी उपस्थित राहून रसिकांसोबत संवाद साधणार आहेत.

चित्रपटाबाबत अधिक माहिती...

पुणे आंतरराष्ट्रीय चित्रपट महोत्सवातील संत तुकाराम सर्वोत्कृष्ट आंतरराष्ट्रीय मराठी चित्रपट. बंगळुरू आंतरराष्ट्रीय चित्रपट महोत्सवातील स्पेशल ज्युरी अ‍ॅवॉर्डचा मानकरी. जागतिक पातळीवरील दहा आंतरराष्ट्रीय चित्रपट महोत्सवात निवड झालेला - *‘लेथ जोशी’*

ही यांत्रिकीकरणामध्ये अस्ताला जाणाऱ्या तंत्राची, हरणाऱ्या श्रमिकाची आणि त्याच्या कौशल्याची गोष्ट आहे. पूर्वी कारखान्यामध्ये काम करताना कामगाराच्या कौशल्याची जागा आधुनिक लेथ यंत्राने घेतली. या आधुनिकीकरणामुळे त्या कामगाराची कौशल्य साधने आणि त्यापाशी जपलेल्या भावनाच काळाच्या पडद्याआड जातात हा विषय मंगेश जोशी या युवा लेखक-दिग्दर्शकाने ‘लेथ जोशी’मधून मांडला आहे. चित्तरंजन गिरी, अश्विनी गिरी, सेवा चौहान आणि ओम भूतकर यांच्या प्रमुख भूमिका आहेत. मंगेश जोशी यांच्या पत्नी सोनाली जोशी निर्मात्या असून, संगीतकार नरेंद्र भिडे आणि नितीन वैद्य हे सहायक निर्माते आहेत. सारंग कुलकर्णी यांनी संगीत दिले आहे.

आपला समाज कशा पद्धतीने बदलत गेला त्यावर हा चित्रपट भाष्य करतो.जागतिक,आर्थिक, कौटुंबिक मूल्य आणि मानवी संबंध यांच्यातील संघर्षांबरोबरच मानसिक स्थिती याविषयीचे चित्रण असलेला हा चित्रपट म्हणजे साध्या पद्धतीने सांगितलेली गुंतागुंतीची गोष्ट आहे.

आपणा सर्वांना सादर निमंत्रण...

वसंत पळशीकरांच्या विचारांची (Documentary )

वसंत पळशीकरांच्या विचारांची (Documentary )

दिग्दर्शक समीर शिपूरकर यांनी वसंत पळशीकरांचे सामाजिक, राजकीय, विज्ञान, अशा विविध विषयांवर कशा प्रकारे मोठे लेख लिहिले, तसेच पळशीकरांची विश्लेषण करण्याची पध्दत, त्यांनी समस्येवर दिलेलं उत्तर अशा विविध घटकांची माहिती देणारी (Documentary) दिग्दर्शक समीर शिपूरकर यांनी उत्तमरीत्या तयार केली आहे. (Documentary) ही १ तास ३० मिनिटांची असून यातून बरचं काही शिकता येईल असं शिरपूरकर यांनी सांगितलं.

Monday, 26 June 2017

यशवंतराव चव्हाण प्रतिष्ठान,मुंबईच्या ठाणे विभागातर्फे..
'मुशायरा' मराठी व हिंदी तसेच उर्दू गझल गायन कार्यक्रम संपन्न...




यशवंतराव चव्हाण प्रतिष्ठान, मुंबईच्या ठाणे केंद्राचा 'मुशायरा' या मराठी, हिंदी तसेच उर्दू गझल गायन कार्यक्रम मराठी ग्रंथ संग्रहालय, तिसरा मजला, गोखले रोड, ठाणे येथे रविवार दि. ११ जून २०१७ रोजी संपन्न झाला.
कार्यक्रमाचे सुरुवातीला संस्थेचे अध्यक्ष श्री. मुरलीधर नाले, उपाध्यक्ष डॉ. महेश केळुस्कर तसेच खजिनदार श्री. जवकर यांनी आणि निमंत्रितांच्या साक्षीने स्व. यशवंतराव चव्हाण साहेब यांच्या प्रतिमेस पुष्पहार अर्पण केला. त्यानंतर संस्थेचे सचिव श्री. अमोल नाले यांनी संस्थेची ध्येयधोरणे सांगून 'मुशायरा' या कार्यक्रमासाठी निमंत्रित करण्यात आलेल्या मान्यवरांविषयीची थोडक्यात माहिती उपस्थितांना दिली. या सर्व मान्यवरांचा संस्थेच्या कार्यकारीणीकडून अध्यक्षांच्या हस्ते शाल तसेच पुस्तक भेट देऊन सत्कार करण्यात आला.
सदर कार्यक्रमाचे सुत्रसंचालन नितीन आरेकर यांनी केले. ख्यातनाम उर्दू गझलकार श्री इरफान जाफरी यांच्या उर्दू गझलांनी कार्यक्रमाची सुरुवात करण्यात आली. या प्रसंगी हिंदी गझलकार श्रीमती सुलभा कोरे तसेच श्री लक्ष्मण शर्मा यांनी आपल्या गझलांनी उपस्थितांची मने जिंकून घेतली. सदर कार्यक्रमास मराठी गझल सादर करण्यासाठी श्री. डॉ. महेश केळुस्कर, श्री. प्रशांत मोरे, श्री. शशीकांत तिरोडकर तसेच प्रा. श्रीमती प्रतिभा सराफ अश्या मान्यवरांना निमंत्रित करण्यात आले होते. कार्यक्रमाच्या शेवटी संस्थेचे सचिव श्री. अमोल नाले यानी संस्थेच्या वतीने मान्यवरांचे तसेच उपस्थितांचे आभार मानले.