यशवंतराव चव्हाण प्रतिष्ठान मुंबई यांच्या ठाणे विभागीय केंद्र आणि रोटरी कल्ब ऑफ ठाणे नॉर्थ यांच्या संयुक्त विद्यमाने ‘विचारकुंकू’ अभिनव उपक्रम नूकताच यशवंतराव चव्हाण प्रतिष्ठान ठाणे, सहयोग मंदीर, ठाणे पश्चिम येथे संपन्न झाला. या कार्यक्रमामध्ये माजी निवडणूक आयुक्त नीला सत्यनारायण यांची मुलाखत प्रा. अनुया धारप आणि पूजा प्रधान यांनी घेतली.
महिला सक्षमीकरणाच्या हेतूने नामवंत प्रतिष्ठीत महिलांचे मार्गदर्शन सर्वसामान्य महिलांना मिळावे या कारणास्तव कार्यक्रमाचे आयोजन करण्यात आले होते. सुरूवातीला त्यांनी इतर राज्यांच्या तूलनेत महाराष्ट्रातून केंद्रीय लोकसेवा आयोग परिक्षा उत्तीर्ण होण्याचे प्रमाण खूपच कमी असल्याचे त्यांनी सांगितले. स्पर्धा परिक्षेची तयारी महाविद्यालयात असल्यापासून करावी लागते. आज दक्षिणेतील भरपूर मुले परिक्षा पास झाल्याचे आपल्या नजरेस पडते.
त्यानंतर त्यांनी त्यांच्या ४२ वर्षाच्या कालावधीत घडलेल्या काही गोष्टीचा त्यांनी उलघडा केला, पुरूषांच्या तूलनेत स्त्रियांना दुय्यम स्थान दिले जाते. शासनाच्या महत्त्वाच्या विभागात काम करण्याची संधी दिली जात नाही. राजकीय पुढा-यांचा देखील स्त्री अधिका-याकडून काम करून घेता येईल का अशी शंका असते. अशा ब-याच गोष्टी सांगितल्या. या कार्यक्रमाला ठाणे प्रतिष्ठान विभागाचे अध्यक्ष मुरलीधर नाले, उपाध्यक्ष महेश केळुस्कर आणि रोटरी क्लब ऑफ ठाणे नार्थचे अध्यक्ष रणवीरसिंह राठोड, सचिव अमोल नाले, यांची प्रमुख उपस्थिती होती.
No comments:
Post a Comment