Tuesday, 24 April 2018

यशवंतराव चव्हाण प्रतिष्ठानतर्फे बालनाट्य शिबिराचा शुभारंभ नाट्य शिबिरातून जगाकडे बघण्याची जाणीव निर्माण होते


नाशिक : नाटक ही कला रोजच्या घडणार्‍या प्रसंगातून निर्माण होणारी कला असून आजुबाजूच्या घटनांचे पडसाद त्यात कलावंत अभिनयातून मांडत असतो. नाट्यशिबिरे ही समाजाकडे डोळस दृष्टीने बघण्याची जाणीव करुन देतात. त्यातून मुलांच्या व्यक्तीमत्त्वाचा विकास होतो. नाट्यशिबीरे ही जीवन समजून घेण्याची उपयुक्त कला आहे. त्याचबरोबर आनंद देणारी कला आहे, असे प्रतिपादन सुप्रसिद्ध नाट्यलेखक राजा ठाकूर यांनी केले.
यशवंतराव चव्हाण प्रतिष्ठान, विभागीय केंद्र नाशिक, विश्वास को-ऑप. बँक लि. नाशिक, सारस्वत बँक लि., विश्वास ज्ञान प्रबोधिनी अ‍ॅण्ड रिसर्च इन्स्टिट्यूट, रेडिओ विश्वास 90.8 कम्युनिटी रेडिओ व विश्वास लॉन्स यांच्या संयुक्त विद्यमाने सुप्रसिद्ध नाट्यकलावंत लक्ष्मी पिंपळे यांच्या मार्गदर्शनाखाली ‘बालनाट्य शिबिराचे’ आयोजन करण्यात आलेले असून शिबिराच्या शुभारंभप्रसंगी राजा ठाकूर हे बोलत होते.
ते पुढे म्हणाले की, नाटक ही मेहनत व कष्टातून शिकण्याची कला आहे. साध्या प्रसंगातून मोठा विचार त्यातून व्यक्त होतो. समाज परिवर्तनाचे ते प्रभावी माध्यम आहे. मराठी रंगभूमी ही समृद्ध असून अनेक महान कलावंतांनी योगदान दिलेले आहे. त्यांचा आदर्श सर्वांनी घ्यावा. या शिबिराची संकल्पना प्रतिष्ठानचे कार्याध्यक्ष श्री. विश्वास ठाकूर यांची आहे.
स्वागत व प्रास्ताविक करतांना श्री. विनायक रानडे म्हणाले की, आजच्या व्हॉटसअ‍ॅपच्या व चॅनलच्या जमान्यात मुलांना खरा आनंद अशा शिबिरातून मिळतो म्हणूनच बालनाट्य शिबिराचे आयोजन करण्यात आलेले आहे.
सदर शिबीर 8 वर्षापुढील मुला-मुलींसाठी असून रविवार 22 ते शनिवार 28 एप्रिल 2018 या कालावधीत सायं. 4 ते 7 या वेळेत क्लब हाऊस (विश्वास लॉन्स), ठाकूर रेसिडेन्सी, विश्वास को-ऑप. बँकेसमोर, सावरकरनगर, गंगापूर रोड, नाशिक येथे सुरु आहे.

Sunday, 22 April 2018

कोचिंग क्लासेस मुलांच्या सृजनशीलतेला मारक...


यशवंतराव चव्हाण प्रतिष्ठान, मुंबई आणि शिक्षण विकास मंच यांच्या संयुक्त विद्यमाने या वेळच्या शिक्षणकट्टयात "खाजगी कोचिंग क्लासेस" या विषयावर चर्चा झाली. न्यायालयाकडून खाजगी कोचिंग क्लासेस वरती नियंत्रण ठेवण्याचे निर्देश शासनास दिल्याने शासनातर्फे विधेयकाचा कच्चा मसुदा तयार झाला आहे. त्यावर शिक्षणकट्टयात चर्चा करण्यात आली.

ही चर्चा का ठेवण्यात आली ..? या विषयीची भूमिका श्रीमती बसंती रॉय यांनी उपस्थितांना सांगितली. कोचिंग क्लासेस ही आजच्या समाजाची भावनिक गरज बनली आहे. यास पालक , शिक्षक आणि आजची परीक्षा पद्धती कारणीभूत आहे. यामुळे विद्यार्थ्यांचा मानसिक छळ होतो. म्हणून हे धोरण ठरविताना विद्यार्थी केंद्रस्थानी ठेवावा. त्याचा विकास शाळा आणि क्लास दोघांच्याही समन्वयाने करावा. या विधेयकातून लहान आणि मराठी माध्यमाचे क्लासेस वगळण्यात यावेत. अशीही धारणा काही सदस्यांनी शिक्षणकट्टयात व्यक्त केली.

खाजगी क्लासेस मुलांना परीक्षार्थी बनवतात तोच तो अभ्यासक्रम पुन्हा पुन्हा करून घेतात याने मुलांची सृजनशीलता मरून जाते याकडे शिक्षण विकास मंचचे संयोजक डॉ. वसंतराव काळपांडे यानी लक्ष वेधले. या कार्यक्रमास मोठया प्रमाणात शिक्षक, मुख्याध्यापक, प्राध्यापक,पालक, पत्रकार याची उपस्थिती होती. शेवटी उपस्थितीचे आभार समन्वयक माधव सूर्यवंशी यांनी मानले.

Wednesday, 18 April 2018

१० वी, १२ बारावीच्या विद्यार्थ्यांसाठी मोफत सेमीनार

यशवंतराव चव्हाण प्रतिष्ठान, मुंबई आणि माहिती व तंत्रज्ञान प्रबोधिनी विभागातर्फे १० वी आणि १२ बारावीच्या विद्यार्थ्यांसाठी चव्हाण सेंटरमध्ये मोफत करिअर मार्गदर्शन सेमीनारचे आयोजन करण्यात आले आहे. सेमीनार १२ मे २०१८ रोजी शनिवारी सकाळी ११ वाजता सुरू होईल.

यशवंतराव चव्हाण प्रतिष्ठान, मुंबईतर्फे देवराष्ट्रे येथे विद्यार्थ्यांसाठी कार्यशाळा

यशवंतराव चव्हाण प्रतिष्ठान, मुंबईतर्फे देवराष्ट्रे, जि. सांगली येथे शालेय विद्यार्थ्यांसाठी दोन दिवसीय शिबीराचे आयोजन करण्यात आले आहे. शिबीर २५, २६ एप्रिल २०१८ रोजी सकाळी ९ ते ५ यावेळेत होईल. दोन दिवसीय कार्यशाळेसाठी तब्बल १५० विद्यार्थी सहभागी होणार आहेत. कार्यशाळेत स्व. यशवंतराव चव्हाण यांचा जीवन प्रवास, व्यवसाय मार्गदर्शन, स्टडी गाईडंस (अभ्यास कसा करावा), वयात येतांना, पालकांसाठी जनजागृती सत्र, गीत कलापथक निर्मिती आणि अंधश्रद्धा आणि विज्ञान या विषयावर वक्ते मार्गदर्शन करणार आहे

चव्हाण सेंटर मध्ये सुट्टीच्या काळात कंम्प्यूटर कोर्सेस

यशवंतराव चव्हाण प्रतिष्ठान, मुंबई आणि माहिती व तंत्रज्ञान प्रबोधिनी यांच्या संयुक्त विद्यमाने विद्यार्थ्यांसाठी खास कंम्प्यूटर कोर्सेसचे आयोजन यशवंतराव चव्हाण प्रतिष्ठान मध्ये करण्यात आले आहे. सर्व विद्यार्थ्यांसाठी प्रवेश खुला असून प्रथम येणा-या विद्यार्थ्यांस प्राधान्य दिले जाईल. basic computing Course, Multimedia & Animation Course, kLiC Certificate Course, kids Course इत्यादी कोर्सेस शिकवले जातील. अधिक माहितीसाठी - अकादमी इन्फॉरमेशन टेक्नॉलॉजी, 9769256343, 22817975, 22043617

Wednesday, 11 April 2018

शिक्षण कट्ट्यावर ‘खाजगी कोचिंग क्लासेस’ विषयावर चर्चा

शिक्षणप्रेमींनी शिक्षणासाठी काही औपचारिक आणि काही अनौपचारिक पद्धतीने चर्चा करण्याचे ठिकाण म्हणजेच ‘शिक्षण कट्टा’. शिक्षणतज्ज्ञ, मुख्याध्यापक, शिक्षक, पत्रकार, पालक, विद्यार्थी यांनासोबत घेऊन हा शिक्षणकट्टा गेली सहा वर्ष सुरु आहे. यावेळी हा कट्टा शनिवार दिनांक २१ एप्रिल २०१८ रोजी दुपारी २ वाजता, बोर्ड रूम, पाचवा मजला, यशवंतराव चव्हाण प्रतिष्ठान, मुंबई येथे आयोजीत करण्यात आला आहे. यावेळी शिक्षण कट्ट्यावर ‘खाजगी कोचिंग क्लासेस’ या विषयावर चर्चा होणार आहे. खाजगी कोचिंग क्लासेस, टेस्ट सिरीज, गृह शिकवणी, ऑनलाईन क्लासेस यासारख्या इतर समांतर शिक्षण व्यवस्था आज अस्तित्वात आहेत. यासंदर्भात महाराष्ट्र शासनाकडून खाजगी शिकवणी वर्ग अधिनियम तयार करण्याची कार्यवाही सुरु आहे. या सर्व मुद्यांवर सदर कट्ट्यावर चर्चा होईल.शिक्षण विकास मंचचे संयोजक डॉ. वसंतराव काळपांडे आणि बसंती रॉय यांची विशेष उपस्थिती यावेळी राहणार आहे. तरी आपण कट्ट्यात सहभागी होऊन आपले विचार मांडावेत ही विनंती. संपर्क – माधव सूर्यवंशी ९९६७५४६४९८

'पुनरवलोकन' नृत्य चित्रपट महोत्सव

औरंगाबाद : महागामी तर्फे 'पुनरवलोकन' नृत्य चित्रपट महोत्सवाचे आयोजन रूक्मिणी सभागृह, एमजीएम, औरंगाबाद येथे करण्यात आले आहे. चित्रपट महोत्सव यशवंतराव चव्हाण प्रतिष्ठान विभागीय केंद्र औरंगाबाद यांच्या सह-आयोजनातून होणार असून महोत्सवाचे उद्घाटन चित्रपट दिग्दर्शक, पद्म भूषण अटूर गोपालकृष्णन यांच्या हस्ते होणार आहे. 

२८, २९ एप्रिल २०१८ रोजी सकाळी १० ते सायंकाळी ६ या वेळेत होणा-या महोत्सवात फिल्म स्क्रिनिंग, टॉक्स्, पॅनेल डिस्क, मास्टर क्लास आणि लाईव्ह डान्स परफॉरमॅन्स इत्यादी गोष्टींचा प्रेक्षकांना आनंद घेता येणार आहे. संपर्क - ९३७२०९३१८९, ८८०६३८९२३४, ९८२२२४४२५०.

Tuesday, 10 April 2018

सोलापूर जिल्हातील सहकारी बँकांकरिता एकदिवसीय कार्यशाळा

यशवंतराव चव्हाण प्रतिष्ठान, मुंबई विभागीय केंद्र, सोलापूर आणि जिल्हा नागरी सहकारी बँक्स् असोसिएशन लि. सोलापूर यांच्या संयुक्त विद्यमाने सोलापूर जिल्हातील सहकारी बँकांचे अध्यक्ष, संचालक व व्यवस्थापक यांच्या करिता 'एक दिवसीय कार्यशाळेचे' आयोजन करण्यात आले आहे.
शनिवारी २१ एप्रिल २०१८ रोजी सकाळी ९ ते २ यावेळेत हॉटेल साईप्रसाद कॉन्फरन्स हॉल, रेल्वे लाईन्स, रामलाल चौक, सोलापूर येथे आयोजीत केलेल्या कार्यशाळेत 'सहकारी बँका संबंधीत कामगार कायदे' या विषयावर अॅड. श्री. आर. आर. गाणू हे मार्गदर्शन करणार आहेत. त्यानंतर प्रश्नोत्तरे व चर्चा, आभार प्रदर्शन आणि स्नेह भोजन असा दिवसभराचा कार्यक्रम होईल.
डॉ. गो. मा. पवार (अध्यक्ष), राजशेखर शिवदारे (कोषाध्यक्ष), राहूल शहा यशवंतराव चव्हाण विभागीय केंद्र सोलापूर आणि राजगोपाल झंवर (अध्यक्ष), कल्याणराव काळे (उपाध्यक्ष), आणि प्रकाश सोनटक्के (सी.ई.ओ) सोलापूर जिल्हा नागरी सहकारी बॅक्स् असोसिएशन लि. सोलापूर यांनी आपल्या बँकेचे अध्यक्ष, संचालक व व्यवस्थापक यांनी उपस्थित रहावे असे आवाहन केले आहे. कार्यशाळा शुल्क ५०० रूपये एका व्यक्ती कडून आकारले जाईल. संपर्क ९४२१०६९७०५

Sunday, 8 April 2018

'सामाजिक बहिष्कार विरोधी कायदा स्वागत व अंमलबजावणी राज्य परिषद' संपन्न

महाराष्ट्र अंधश्रध्दा निर्मूलन समिती आणि यशवंतराव चव्हाण प्रतिष्ठान, मुंबई यांच्या संयुक्त विद्यमाने 'सामाजिक बहिष्कार विरोधी कायदा स्वागत व अंमलबजावणी राज्य परिषद' यशवंतराव चव्हाण प्रतिष्ठान नूकतीच संपन्न झाली. या कार्यक्रमाला महाराष्ट्रसह इतर राज्यातून अंनिसचे कार्यकर्ते उपस्थित होते. 

कार्यक्रमाला अध्यक्ष म्हणून मा. नामदार राजराजे नाईक निंबाळकर (म. सभापती, महाराष्ट्र विधान परिषद) प्रमुख वक्त्या मा. आमदार डॉ. निलमताई गो-हे (प्रतोद व प्रमुख, विधान परिषद विशेष हक्क समिती), प्रमुख अतिथी मा. लक्ष्मीकांत देशमुख (अध्यक्ष, अखिल भारतीय मराठी साहित्य संमेलन) प्रमुख उपस्थिती मा. खासदार सुप्रिया सुळे (कार्याध्यक्ष, यशवंतराव चव्हाण प्रतिष्ठान, मुंबई), मा. आमदार जोगेंद्र कवाडे (सदस्य, महाराष्ट्र विधान परिषद) मा. अविनाश पाटील (राज्य कार्याध्यक्ष, महाराष्ट्र अंधश्रध्दा निर्मूलन समिती) इत्यादी मान्यवरांनी सकाळच्या सत्रामध्ये उपस्थितांना मार्गदर्शन केले.

Friday, 6 April 2018

यशवंतराव चव्हाण प्रतिष्ठानतर्फे चित्रपटप्रेमींसाठी शनिवारी ‘इनलँड एम्पायर’

नाशिक : यशवंतराव चव्हाण प्रतिष्ठान मुंबई, विभागीय केंद्र नाशिक व विश्वास को-ऑप.बँक लि., नाशिक, विश्वास ज्ञानप्रबोधिनी अ‍ॅण्ड रिसर्च इन्स्टिट्यूट, नाशिक, सारस्वत बँक व रेडिओ विश्वास 90.8 कम्युनिटी रेडिओ यांच्या संयुक्त विद्यमाने ‘चित्रपट चावडी’ उपक्रमांतर्गत शनिवार ०७ एप्रिल २०१८ रोजी सायंकाळी ६.३० वाजता सुप्रसिद्ध अमेरीकन दिग्दर्शक डेव्हीड लींच यांचा ‘इनलँड एम्पायर’ हा चित्रपट दाखविण्यात येणार आहे. सदर चित्रपट डिझास्टर मॅनेजमेंट अ‍ॅण्ड ट्रेनिंग हब (विश्वासलॉन्स), ठाकूर रेसिडेन्सी, विश्वास को-ऑप.बँकेसमोर, सावरकरनगर, गंगापूर रोड, नाशिक-४२२०१३ येथे दाखविण्यात येणार आहे.

‘ए वूमन इन ट्रबल’ ही ‘इनलँड एम्पायर’ या चित्रपटाची टॅगलाईन आहे. हॉलीवूडच्या एका प्रसिद्ध अभिनेत्रीच्या आयुष्यातील विखुरलेल्या भयानक घटनांची गुंफण यात आहे. तिच्या भावविश्वाचे आणि समग्र स्त्रीच्या जगण्याचा शोध यात आहे. कॅमेरा व संगीत यांचा विलक्षण वापर चित्रपटाचे वेगळेपण आहे. 
युरोपमध्ये सुरू झालेली नवचित्रपटांची चळवळ यथावकाश अमेरीकेत पोहोचली. डेव्हीड लींच हा तिच्या पहिल्या पिढीचा बिनीचा शिलेदार आहे. डेव्हीड लींच खरंतर प्रथम चित्रकार व नंतर चित्रपट दिग्दर्शक त्याच्या चित्रपटातील विलक्षण चित्र व्यवस्था मानवी शरीराचे एक वेगळेच ‘दर्शन’ गूढ, अतिवास्तव वातावरण निर्मिती, अस्वस्थता आणि मानवी व्यवहारांचा अजब खेळ एका वेगळ्याच जगात घेऊन जातो. 
‘इनलँड एम्पायर’ २००६ मध्ये अमेरीका येथे प्रदर्शित झालेल्या या सिनेमाचा कालावधी १८० मिनीटांचा आहे. 
‘इनलँड एम्पायर’ हा चित्रपट बघण्यास जास्तीत जास्त संख्येने सहभागी होण्याचे आवाहन अध्यक्ष विनायक पाटील, कार्याध्यक्ष विश्वास ठाकूर, सचिव डॉ.कैलास कमोद, कोषाध्यक्ष डॉ.सुधीर संकलेचा, सदस्य सौ.कविता कर्डक, राजवर्धन कदमबांडे, रऊफ पटेल, अ‍ॅड.नितीन ठाकरे व विक्रम मोरे यांनी केले आहे.

Wednesday, 4 April 2018

'सामाजिक बहिष्कार विरोधी कायदा स्वागत व अंमलबजावणी राज्य परिषद'

महाराष्ट्र अंधश्रध्दा निर्मूलन समिती आणि यशवंतराव चव्हाण प्रतिष्ठान, मुंबई यांच्या संयुक्त विद्यमाने 'सामाजिक बहिष्कार विरोधी कायदा स्वागत व अंमलबजावणी राज्य परिषद' यशवंतराव चव्हाण प्रतिष्ठान मध्ये ७ एप्रिल २०१८ रोजी आयोजीत करण्यात आली आहे. 

सकाळी १० वाजता कार्यक्रमाला समूह गीतांच्या सादरीकरणाने सुरूवात होईल. कार्यक्रमाला अध्यक्ष म्हणून मा. नामदार राजराजे नाईक निंबाळकर (म. सभापती, महाराष्ट्र विधान परिषद) उद्घघाटक मा. नामदार देवेंद्र फडणवीस (मुख्यमंत्री), प्रमुख वक्त्या मा. आमदार डॉ. निलमताई गो-हे (प्रतोद व प्रमुख, विधान परिषद विशेष हक्क समिती), प्रमुख अतिथी मा. लक्ष्मीकांत देशमुख (अध्यक्ष, अखिल भारतीय मराठी साहित्य संमेलन) प्रमुख उपस्थिती मा. खासदार सुप्रिया सुळे (कार्याध्यक्ष, यशवंतराव चव्हाण प्रतिष्ठान), मा. आमदार जोगेंद्र कवाडे (सदस्य, महाराष्ट्र विधान परिषद) मा. अविनाश पाटील (राज्य कार्याध्यक्ष, महाराष्ट्र अंधश्रध्दा निर्मूलन समिती) इत्यादी मान्यवर सकाळच्या सत्रामध्ये उपस्थित राहणार आहेत.

तसेच सामाजिक बहिष्कार विरोधी कायदा व अंमलबजावणी या विषयावरती अॅड. डी. आर महाजन, अॅड. डॉ. निलेश पावसकर, अॅड. मनिषा महाजन आणि अॅड. रंजना गवांदे इत्यादी वक्ते मार्गदर्शन करतील. 
समारोप समारंभास अध्यक्ष म्हणून मा. प्रा. डॉ. एन. डी. पाटील (ज्येष्ठ नेते व संस्थापक अध्यक्ष, महाराष्ट्र अंनिस), प्रमुख अतिथी मा. पृथ्वीराज (माजी मुख्यमंत्री) प्रमुख उपस्थिती मा. नामदार राजकुमार बडोले (मंत्री, सामाजिक न्याय विभाग, महाराष्ट्र राज्य), मा. आमदार विद्याताई चव्हाण (सदस्य, महाराष्ट्र विधान परिषद), मा. आमदार हर्षवर्धन सपकाळ (सदस्य, महाराष्ट्र विधानसभा) प्रमुख वक्ते मा. रजनीश शेठ (म. विशेष प्रधान सचिव, गृह मंत्रालय, महाराष्ट्र) इत्यादी मान्यवर उपस्थित राहणार आहेत. 

अॅड. व्ही. एन. कांबळे, अॅड. मनिषा महाजन, कृष्णा चांदगुडे, माधव बागवे, मिलिंद देशमुख, सुशीला मुंडे आणि प्रशांत पोतदार यांनी कार्यक्रमाला अधिक संख्येने लोकांनी उपस्थित रहावे अशी विनंती केली आहे.

Monday, 2 April 2018

तृतीयपंथींचा कार्यक्रम उत्साहात साजरा.

अनाम प्रेम, शोधना कन्सटन्सी, वॉटरइड इंडिया, अपंग हक्क विभाग आणि यशवंतराव चव्हाण प्रतिष्ठान यांच्या संयुक्त विद्यमाने तृतीयपंथींसाठी जीवनमान सुधारणा आणि सुलभ स्वच्छता या विषयावरती यशवंतराव चव्हाण प्रतिष्ठानमध्ये कार्यक्रमाचे आयोजन करण्यात आले होते. विशेष म्हणजे या कार्यक्रमाला देशभरातून तृतीयपंथी आले होते.
कार्यक्रमाला आलेल्या पाहुण्यांचे स्वागत कृपाली बिडये यांनी केले. त्यानंतर कार्यक्रमाचे प्रस्ताविक समीर घोष यांनी केले. क्लेमेंट चाऊवेट यांनी जीवनमान सुधारणा याबाबत तृतीयपंथी समुदायाला मार्गदर्शन केले.
अभिना अहेर, विद्या राजपूत, सोबिन कुरिआकोसे इत्यादी मान्यवरांनी स्वतंत्र शौचालय याबाबत तृतीयपंथी समुदायाला मार्गदर्शन केले. तसेच विचारलेल्या प्रश्नांना योग्य उत्तरे दिली.

Sunday, 1 April 2018

अशोक शहाणे यांचे 'विद्रोह आख्यान'

संस्कृतमधून अभिव्यक्तीच्या मर्यादा येत असल्यानेच मराठी भाषा जन्मास आली. ज्ञानेश्वरांचे ‘अमृतातेही पैजा जिंके’ हे म्हणणे संस्कृतला उद्देशूनच होते; मात्र त्याबद्दल कुणी अवाक्षरही काढत नाही. त्या काळात संस्कृतमधून व्यक्त होण्याला मर्यादा येत असल्यानेच मराठी भाषा निपजली आणि याचे दाखले चक्रधरांच्या लीळाचरित्रातही आढळतात, असे रोखठोक प्रतिपादन संस्कृतीविषयक ज्येष्ठ भाष्यकार, लघुअनियतकालिकांचे अध्वर्यू अशोक शहाणे यांनी केले. आपल्याकडे भाषा शिकवण्याकडे अनास्था असल्याचे सांगत शहाणे यांनी भाषाशिक्षण गांभीर्याने होणे गरजेचे असल्याचे मत मांडले. केवळ मराठी  भाषा शिकवणाऱ्या शाळा स्थापन करायला हव्यात, अशी सूचनाही त्यांनी या वेळी मांडली. यशवंतराव चव्हाण प्रतिष्ठान, ठाणे आणि ‘साद’ यांच्या संयुक्त विद्यमाने रविवारी शहाणे यांचे ‘आख्यान’ आयोजित करण्यात आले होते. त्या वेळी ते बोलत होते. ज्येष्ठ पत्रकार अंबरीश मिश्र यांनी साहित्य, लघुअनियतकालिके, भाषा, अनुवादप्रक्रिया आदी विषयांवर शहाणे यांच्याशी मुक्तपणे संवाद साधला.

Friday, 30 March 2018

'विज्ञानगंगा'चे पंचविसावे पुष्प...'पुरातन खगोलशास्त्र'

 यशवंतराव चव्हाण प्रतिष्ठान, मुंबई व मराठी विज्ञान परिषद यांच्या संयुक्त विद्यमाने 'विज्ञानगंगा' कार्यक्रमांतर्गत पंचविसावे पुष्प शास्त्रज्ञ डॉ. मयांक वाहिया यांचे 'पुरातन खगोलशास्त्र' या विषयावर दिनांक २० एप्रिल २०१८ रोजी सायंकाळी ५ वाजता चव्हाण सेंटर, सांस्कृतिक सभागृह, चौथा मजला, जनरल जगन्नाथराव भोसले मार्ग, मंत्रालयासमोर नरिमन पॉईंट, मुंबई येथे गुंफणार आहेत. तरी वरील कार्यक्रमास आपण उपस्थित रहावे ही विनंती.

Thursday, 29 March 2018

अशोक शहाणे यांचे 'विद्रोह आख्यान'

यशवंतराव चव्हाण प्रतिष्ठान मुंबई, विभागीयकेंद्र ठाणे आणि साद यांच्या संयुक्तविद्यमाने मराठी साहित्याला मोलाचे योगदान देणारे ज्येष्ठ विद्रोही लेखक, समीक्षक अशोक शहाणे यांच्या आख्यानाचे आयोजन ठाणे येथील पालिकेच्या बल्लाळ सभागृहात करण्यात आले आहे. हा कार्यक्रम रविवारी १ एप्रिल रोजी सायंकाळी ५ वाजता होणार आहे. या कार्यक्रमात ज्येष्ठ पत्रकार अंबरीश मिश्र शहाणे यांच्याशी संवाद साधणार आहेत.  

लोकजागर कलापथक गाणी श्रमिकांची कार्यक्रमाला प्रेक्षकांची दाद...

यशवंतराव चव्हाण प्रतिष्ठान, मुंबई, कचरा वाहतूक श्रमिक संघ, संविधान संवर्धन समिती, स्त्री मुक्ती संघटना, महिला राज्यसत्ता आंदोलन, कोरो-महिला मंडळ फेडरेशन, महाराष्ट्र महिला परिषद, कुसुमताई चौधरी महिला कल्याणी, शहिद भागवत जाधव स्मृती केंद्र, अनुभव मुंबई आणि डॉ. बाबासाहेब आंबेडकर शेती विकास व संशोधन संस्था यांच्या संयुक्त विद्यमाने कॉ. दत्ता देशमुख जन्मशताब्दी वर्षानिमित्त 'लोकजागर कलापथक गाणी श्रमिकांची' या कार्यक्रमाचे आयोजन डॉ. दत्ता देशमुख प्रतिष्ठान, संगमनेर जयहिंद लोकचळवळ, संगमनेर यांनी आयोजन केले होते. तसेच कार्यक्रमाचे प्रमुख पाहूणे म्हणून खासदार (राज्यसभा), ज्येष्ठ पत्रकार कुमार केतकर होते तर प्रतिष्ठानचे सरचिटणीस शरद काळे, प्रतिष्ठानच्या कार्याध्यक्षा सुप्रिया सुळे, मोहन देशमुख, माधव चव्हाण, सुरेश सावंत इत्यादी मान्यवर कार्यक्रमाला उपस्थित होते. भारतीय संविधानातील मूल्ये पुस्तकाचं प्रकाशन मा. सुप्रिया सुळे यांच्या हस्ते करण्यात आले.

Tuesday, 27 March 2018

औरंगाबाद शहर कचरा समस्येवर 'कचराकोंडी जागर संवाद'


औरंगाबाद - शहराचा कचरा प्रश्न दिवसेंदिवस अधिक पेटत चाललेला आहे. प्रशासकीय पातळीवर तात्पुरत्या स्वरूपातील इलाज करून हा विषय काही काळाकरीता स्थगित ठेऊन यंत्रणेला या विषयावर यश मिळविता येईल, पण त्यामुळे कायमस्वरूपी हा प्रश्न सुटणारा नाही. औरंगाबादच्या कचराकोंडीवर कायमस्वरूपी उपाय काय असू शकतात? या अनुषंगाने दुरगामी मुलभूत चिंतनाची आवश्यकता आहे. या अनुषंगाने यशवंतराव चव्हाण प्रतिष्ठान, मुंबई - विभागीय केंद्र औरंगाबाद व महात्मा गांधी मिशन, औरंगाबाद यांच्या संयुक्त विद्यमाने ‘कचराकोंडी जागर संवाद’ या कार्यक्रमाचे आयोजन सोमवार, दि. २ एप्रिल २०१८, आर्यभट्ट सभागृह, जेएनईसी महाविद्यालय, एमजीएम परिसर, औरंगाबाद येथे सकाळी साडेनऊ ते दुपारी दोन या वेळेत करण्यात आलेले आहे.

कचराकोंडीवर सातत्याने विविध आंदोलने, चर्चा, जनआंदोलनांची उभारणी होत आहे. त्याबरोबरच चर्चेच्या माध्यमातून या विषयाकडे सोडवणुकीच्या दृष्टीकोनातून पाहण्याची नितांत गरज आहे. या सर्व अनुषंगाने जागर संवादाचे आयोजन करण्यात आलेले असून कचरा प्रश्नावर नेहमीच्या प्रश्नांच्या पुढे जाऊन प्रश्न सोडविण्याच्या दृष्टीकोनातून काय मार्ग असू शकतात, याचा वेध घेण्याची या कार्यक्रमामागील भूमिका आहे. मुंबई शहराच्या कचऱ्याच्या प्रश्नावर विविध संस्थांच्या सोबत ज्यांनी अतिशय उल्लेखनीय कार्य केले असे कचरा प्रश्नाचे ज्येष्ठ अभ्यासक व भाभा अॅटोमिक रिसर्च सेंटर, मुंबई येथील शास्त्रज्ञ, पद्मश्री मा. डॉ. शरद काळे हे या प्रसंगी प्रमुख मार्गदर्शन करणार आहेत. तसेच ज्येष्ठ संपादक मा.संजय वरकड हे 'औरंगाबाद शहर व कचरा' या विषयावर मांडणी करतील.या संवाद परिषदेत स्वच्छ, पुणे, स्त्री मुक्ती संघटना, मुंबई, एमजीएम क्लीन इंडिया सेंटर, औरंगाबाद, सीआरटी, औरंगाबाद, औरंगाबाद कनेक्ट टीम, अदर पुनावाला फाऊंडेशन, पुणे, वायु मित्र, पुणे इत्यादी महाराष्ट्रातील विविध स्वयंसेवी संस्थांच्या यशस्वी प्रयोगांचे सादरीकरण देखील करण्यात येणार आहे. कार्यक्रमासाठी प्रमुख अतिथी म्हणून महापौर मा. नंदकुमार घोडेले, विभागीय आयुक्त मा. डॉ. पुरुषोत्तम भापकर, जिल्हाधिकारी तथा प्रभारी मनपा आयुक्त मा. नवलकिशोर राम हे उपस्थित राहणार आहेत.
या जागर संवादास शहरातील नागरिकांनी मोठ्या संख्येने उपस्थित राहावे, असे आवाहन यशवंतराव चव्हाण प्रतिष्ठान, मुंबई विभागीय केंद्र औरंगाबादचे अध्यक्ष अंकुशराव कदम, कोषाध्यक्ष सचिन मुळे, सचिव नीलेश राऊत,एमजीएम क्लीन इंडिया सेंटरचे प्रमुख डॉ.आर.आर.देशपांडे, कार्यकारिणी सदस्य डॉ. भालचंद्र कांगो, प्रा. अजीत दळवी, डॉ. श्रीरंग देशपांडे, बिजली देशमुख, सुनील किर्दक, प्रा. दासू वैद्य, विजय कान्हेकर, डॉ. रेखा शेळके, सुहास तेंडूलकर,आयोजन सदस्य त्रिशूल कुलकर्णी, सुबोध जाधव, डॉ.संदीप शिसोदे,श्रीकांत देशपांडे,प्रवीण देशमुख,मंगेश निरंतर, गणेश घुले, निखिल भालेराव, मयूर देशपांडे, सचिन दाभाडे आदींनी केले आहे.

Monday, 26 March 2018

साहित्यनिर्मितीतून समाज घडविण्याची ताकद - इन्दरजित नंदन (सुप्रसिद्ध पंजाबी कवियत्री)

नाशिक : साहित्य निर्मिती ही आंतरीक शक्तीचा उद्गार असून त्यातून समाज बदलवण्याची ताकद आहे. दिव्यांगांनी आपल्या प्रतिभेतून संघर्षांचा सामना करून जिद्दीने आपले अस्तित्व निर्माण केले आहे. इतिहासापासूनच दिव्यांगांच्या कर्तुत्वाची ओळख समाजाला आहे. आज अनेक क्षेत्रात त्यांना आपले वेगळेपण सिद्ध करूनही मुख्य प्रवाहात येण्यासाठी लढा देण्याची गरज आहे. त्यासाठी दिव्यांगांनी शिक्षण, रोजगारात स्वावलंबी व्हावे. त्यातून त्यांच्या जीवनाच्या कक्षा रूंदावतील. यासाठी समाजाने संवेदनशील बनून त्यांना हात द्यावा. असे प्रतिपादन पंजाबी कवियत्री श्रीमती इन्दरजित नन्दन यांनी केले.

साहित्य व सांस्कृतिक मंडळ, पुणे आयोजित ७ वे अखिल भारतीय दिव्यांग साहित्य संमेलन शनिवार, दि. २४ व रविवार, दि. २५ मार्च २०१८ रोजी विश्वास लॉन्स, गंगापूर रोड येथे आयोजित करण्यात आले आहे. सदर सम्मेलनाच्या अध्यक्षा म्हणून श्रीमती नंदन यांनी वरील विचार व्यक्त केले.

इन्दरजित नंदन पुढे म्हणाल्या की निराश आणि हताश होऊन प्रश्‍न सुटत नसतात. त्यातून मार्ग काढणे महत्त्वाचे आहे. साहित्यातून माणसे जोडण्याची चळवळ उभी राहते.
आ. हेमंत टकले म्हणाले की, भाषा व अनुभवाच्या मिश्रणातून दमदार अभिव्यक्ती निर्माण होते. दिव्यांग साहित्य संमेलनातून नव्या जाणिवांचे, भाषिक अवकाशाचे चित्र दिसते आहे. आपल्या लेखनातून समाजात आनंद निर्माण करा, नवा विचार द्या. तेच साहित्य निर्मितीचे खरे मूल्य आहे. ह्या मूल्यांची जोपासना दिव्यांग करत असतात.

आ. देवयानी फरांदे म्हणाल्या की, विज्ञानाने आज प्रगती केली असून स्टीफन हॉकींगसारखे शास्त्रज्ञ दिव्यांगाचे प्रेरणास्थान आहेत. दिव्यांग व्यक्तींना आपल्यासोबत घेऊन त्यांना मदतीचा हात देणे, त्यांचे प्रश्‍न सोडवणे आपले सर्वांचे कर्तव्य आहे. साहित्य संमेलनातून त्यांच्यातील सुप्त गुणांना व्यासपीठ मिळत असते. लोकचळवळ उभी राहते. आपुलकी, प्रेम या बळांवर दिव्यांगांमध्ये आपण आत्मविश्वास निर्माण करावा. दिव्यांगांनी प्रकाशित केलेल्या अनेक साहित्यकृती अभिजात आहेत. अशा संमेलनातून नवोदित लेखक, कवी समोर येतील.

संमेलनाचे स्वागताध्यक्ष विश्वास ठाकूर म्हणाले की, दिव्यांगांना नव्हे तर सर्वसामान्य प्रत्येकाला समान सन्मान, प्रेम, आस्था, आपुलकी हवी असते. तीच त्यांना हवी असते. त्यामुळे दिव्यांगांच्या मनातील न्यूनगंड वाढत नाही. त्याच्यावर विश्वास व्यक्त केला तर तो वेगळ्या पद्धतीने आपली उर्जा क्रियाशील करू शकतो. सर्जक करू शकतो. उत्पादित करू शकतो. दिव्यांगांना समान सन्मान आणि संधी हवी असते. दया आणि सहानूभूती या गोष्टी त्यांच्या उमेदीचे खच्चीकरण करतात. त्यामुळे समाजाने त्यांना समान सन्मान आणि समान संधी द्यावी. दिव्यांग अचंबीत करून दाखवेल, अशी प्रगती करू शकतो. देशाचा जबाबदार आणि समर्थ नागरिक होऊन दाखवू शकतो.

कवी किशोर पाठक म्हणाले की, मराठी साहित्यांचे प्रतिनिधीत्व करणारे अस्सल प्रतिभेचे लेखक, कवी, दिव्यांग साहित्य संमेलनातून आले आहेत. मनाच्या जाणिवेतून आलेला अविष्कार वास्तवाची जाणीव करून देणार असतो. ते सारं यांच्या लेखनात आलं आहे. भारतीय नव्हे तर जागतिक पातळीवर दिव्यांगांच्या साहित्यकृती आदर्श आहेत.

डॉ. रविंद्र नांदेडकर यांनी दिव्यांगाचे प्रश्‍न व ते सोडवण्यासाठी शासन पातळीवर झालेल्या प्रयत्नांचा वेध घेतला. दिव्यांगांकडे बघण्याची दृष्टी बदलत असल्याचेही त्यांनी नमूद केले.
सुहास तेंडुलकर म्हणाले की, दिव्यांगांच्या हक्कांसाठी मागण्यांसाठी चळवळ उभारली आहे. त्याला आज योग्य दिशा मिळाली आहे. नवे अस्त्विाचे भान निर्माण होण्यासाठी अशा संमेलनांची व्याप्ती वाढवावी असेही तेंडूलकर म्हणाले.

याप्रसंगी विजय कान्हेकर यांनी सम्मेलनाच्या आतापर्यंतच्या झालेल्या प्रवासाबद्दल माहिती दिली व संमेलनाच्या व्यवस्थापन कौशल्याबद्दल माहिती दिली.

स्वागत व प्रास्ताविक बापूसाहेब बोभाटे यांनी केले. सुनील पानमंद यांनी संमेलन अयोजनामागची भूमिका मांडली व विधायक व सकारात्मक लढा देण्यावर भर देण्याचे आवाहन केले.
कार्यक्रमाची सुरूवात दीप प्रज्वलनाने झाली. यावेळी साहित्य व सांस्कृतिक मंडळाच्या संकेत स्थळाचे उद्घाटन करण्यात आले व पुस्तकांचे प्रकाशन करण्यात आले. सम्मेलनासाठी भारतातील विविध राज्यांतून दिव्यांग आलेले आहेत. संमेलनाचे सुत्रसंचालन सुनील रूणवाल यांनी केले तर आभार भावना विसपुते यांनी मानले.

Friday, 23 March 2018

कॉ. दत्ता देशमुख यांच्या जन्मशताब्दी वर्षानिमित्त... 'लोकजागर कलापथक गाणी श्रमिकांची' या कार्यक्रम

यशवंतराव चव्हाण प्रतिष्ठान, मुंबई, कचरा वाहतूक श्रमिक संघ, संविधान संवर्धन समिती, स्त्री मुक्ती संघटना, महिला राज्यसत्ता आंदोलन, कोरो-महिला मंडळ फेडरेशन, महाराष्ट्र महिला परिषद, कुसुमताई चौधरी महिला कल्याणी, शहिद भागवत जाधव स्मृती केंद्र, अनुभव मुंबई आणि डॉ. बाबासाहेब आंबेडकर शेती विकास व संशोधन संस्था यांच्या संयुक्त विद्यमाने कॉ. दत्ता देशमुख जन्मशताब्दी वर्षानिमित्त 'लोकजागर कलापथक गाणी श्रमिकांची' या कार्यक्रमाचे आयोजन डॉ. दत्ता देशमुख प्रतिष्ठान, संगमनेर जयहिंद लोकचळवळ, संगमनेर यांनी केले आहे. तर कार्यक्रमाचे प्रमुख पाहूणे म्हणून खासदार (राज्यसभा), ज्येष्ठ पत्रकार कुमार केतकर आहेत. हा कार्यक्रम गुरूवारी दिनांक २९ मार्च २०१८ रोजी दुपारी ३ वाजता यशवंतराव चव्हाण प्रतिष्ठान सभागृहात होणार आहे. अधिक माहिती संपर्क प्रफुल्ल शिंदे - ८८९८८८२७८६, ०२२२२०२८५९८,

कॉ. दत्ता देशमुख यांच्या जन्मशताब्दी वर्षानिमित्त थोडक्यात माहिती...
०२-०९-२०१७ ते ०२-०९-२०१८
मागच्या पिढीतील ज्येष्ठ साम्यवादी विचारवंत, कामगार शेतक-यांचे नेते, शेती व पाणी व्यवस्थापनातील मार्गदर्शक व लाल निशाण पक्षाचे नेते दिवंगत कॉ. दत्ता देशमुख हे आधुनिक महाराष्ट्राच्या शिल्पकारांपैकी एक महत्वाचे लोकप्रतिनिधी (आमदार) होते. ते त्या काळातील (१९४२ ते १९९४) महाराष्ट्राच्या राजकीय, सामाजिक पटलावरील अत्यंत प्रभावशाली असे मार्क्सवादी विचाराचे, सर्व सामान्य जनतेचे नेते होते.
त्यांचा प्रवास : जवळे कडलग (ता. संगमनेर जि. अहमदनगर) येथे एक अत्यन्त गरीब शेतकरी कुटुंबात जन्मलेल्या दत्तांनी, उच्च बुद्धिमत्तेच्या जोरावर १९४३ मध्ये पुणे विद्यापीठाची सिव्हिल इंजिनियरची पदवी प्रथम श्रेणीत प्राप्त केली.
म. गांधीजींच्या १९४२ च्या 'चले जाव!' आंदोलनात भाग घेतल्यामुळे त्यांना १५ महिन्यांच्या कारावासाची शिक्षा भोगावी लागली होती.
तुरुंगात असतानाच त्यांनी इंजिनियरिंगच्या शेवटच्या वर्षाची परीक्षा दिली होती. इंजिनिअर झाल्यावर त्यांनी बड्या पगाराची नोकरी सोडून जाणीवपूर्वक शेतकरी व कामगार कष्टक-यांच्या चळवळीत स्वतःला झोकून दिले.
त्यांचा ठसा : १९४६ ते १९६२ अशी १६ वर्षे त्यांनी महाराष्ट्र विधानसभेत संगमनेरचे आमदार प्रतिनिधी म्हणून काम केले. परंतु फक्त संगमनेरचाच विचार न करता सम्पूर्ण महाराष्ट्राच्या सर्वांगीण प्रगतीसाठी आपल्या घणाघाती भाषणांनी विधानसभा गाजवली. त्यांची भाषणे ऐकण्यासाठी त्या त्या काळातील काँग्रेसचे मुख्यमंत्री व इतर सर्व मंत्री आवर्जून सभागृहात उपस्थित रहात असत. विधानसभेत आणि विधानसभेबाहेरही त्यांनी केलेल्या राजकीय कामगिरीचा एक वेगळा ठसा उमटलेला होता.
संयुक्त महाराष्ट्राच्या आंदोलनाच्या पहिल्या टप्प्यात साथी एस. एम. जोशी आणि कॉ. डांगे या दोन्ही नेत्यांना एकत्र आणण्याचे अवघड काम करून या आंदोलनाला कामगार कष्टक-यांची ताकदही मिळवून दिली होती.
मुंबई विधानसभेच्या आमदारांनी १९५२ च्या मार्चमध्ये राज्यसभेसाठी १७ खासदार निवडून दिले. कामगार किसान पक्षाचे दोन आमदारदत्ता देशमुख आणि बॅ. व्ही. एन. पाटील यांनीही डॉ. आंबेडकरांना मते दिल्यामुळे राज्यसभेची निवडणूक डॉ. आंबेडकरांना सहज जिंकता आली. दत्ता देशमुखांकडून २९ मार्चला आलेल्या अभिनंदन पत्राचे उत्तर पाठविताना डॉ. आंबेडकरांनी राज्यसभा निवडणुकीतील पाठिंब्याबद्दल कृतज्ञता व्यक्त केली.
खरा सहकारी : डॉ. बाबासाहेबांनी जनरल जागांवर आम्हाला निवडून आणाल काय? असा खोचक वाटणारा प्रश्न शिष्टमंडळात सर्वात वयाने लहान असणा-या दत्तांना विचारला तेव्हा दत्तांनी, 'जरुर प्रयत्न करु बाबासाहेब, जी काही जूट या प्रश्नावर बांधायची आहे त्यामुळे जनरल जागांवरही लोक निवडून देतील असे उत्तर दिले. ...आणि पुढे खरोखरच ज्या १९५७ च्या निवडणुका झाल्या त्यात नगरमधून जनरल जागेवर खासदार म्हणून बाबासाहेबांचे तरुण सहकारी बॅ. बी. सी. कांबळे यांना निवडून दिले.
पुढे १९६२ मध्ये निवडणुकीत पराभूत झाल्यानंतर या प्रामाणिक तत्वनिष्ठ नेत्याने निवडणुकीच्या राजकारणाला रामराम ठोकून दुष्काळी महाराष्ट्राच्या प्रश्नांचा आणखी सखोल अभ्यास केला. दुष्काळ निवारण व निर्मूलन, रोजगार हमी योजना आखण्यात पुढाकार घेतला. शेती आणि पाणी या कळीच्या मुद्द्यावर लक्ष केंद्रीत केले आणि महाराष्ट्राच्या कृषी क्षेत्राला नवी दिशा दिली. परंतु इतके मूलगामी काम करूनही ते अप्रसिद्धच राहिले, कारण प्रसिद्धीच्या झोतापासून त्यांनी स्वतःला जाणीवपूर्वक दूर ठेवले होते.
मानवी चेह-यांचे कम्युनिष्ट : विसाव्या शतकातील उपेक्षित राहिलेल्या मानक-यांचा आढावा घेतल्यास त्या यादीत कॉ. दत्तांचे नाव फार वरचे राहील. वास्तविक वैयक्तिक लाभाच्या अनेक मोठ्या संधी, (अगदी मुख्यमंत्री पदाचीसुद्दा) चालून आली असतानासुद्धा या तत्वनिष्ठ नेत्याने त्या निस्पृहपणे नाकारल्या ही गोष्ट त्यांच्या पिढीतील सर्वानाच माहीत होती. त्यामुळेच त्यांच्या काही विचाराबद्दल मतभेद असणारे इतर पक्षातील नेतेही त्यांच्याबद्दल मनापासून आदर बाळगीत. आदर्श विरोध आणि विरोधक कसा असावा याचा वस्तुपाठच त्यांनी आपल्या कृतीतून आणि उक्तीतून दाखवून दिला होता. ते 'पोथीनिष्ठ' कम्युनिस्ट नव्हते तर 'मानवी चेहरा असलेले कम्युनिस्ट' होते. त्यामुळेच स्वर्गीय यशवंतराव चव्हाण यांचेपासून सर्वच मुख्यमंत्र्यांनी त्यांचा आदच केला.

१ नोव्हेंबर १९९४ रोजी दत्तांचे दुःखद निधन झाले.

बारामती येथील शिबिरात अधिक ज्येष्ठ नागरिकांची तपासणी

सामाजिक न्याय एवं अधिकरीता मंत्रालय, भारत सरकार भारतीय कृत्रिम अंग निर्माण निगम (अलिम्को) कानपूर जिल्हा परिषद, पुणे जिल्हा प्रशासन, पुणे, यशवंतराव चव्हाण प्रतिष्ठान, मुंबई आणि जिल्हा अपंग पुनर्वसन केंद्र, पुणे यांच्या संयुक्त विद्यमाने वयोश्री योजने अंतर्गत ६० वर्षांवरील ज्येष्ठ नागरिकांना वयोपरत्वे येणा-या अपंगत्वाचे तपासणी शिबीर आज बारामती येथे सुरू आहे. शिबिरामध्ये अंतर्गत ६० वर्षांवरील ज्येष्ठ नागरिक तपासणी करून घेत आहेत.
२४ मार्च इंदापूर, २५ मार्च दौंड, २६ मार्च भोर, २७ मार्च वेल्हा आणि २८ मार्च मुळशी या ठिकाणी सुध्दा शिबीर होणार आहे. शिबीरामध्ये चालण्याची काठी, आधार काठी (कुबडी), तिपाई काठी, कवळी चष्मे, ऐकण्याचे यंत्र, स्वयंचलित कृत्रिम दांडी आणि चाकाची खुर्ची इत्यादी साहित्याचं वाटप करण्यात येणार आहे. आरोग्य तपासणीची वेळ - (सकाळी १० ते सायंकाळी ६ )

वयोश्री योजनेसाठी खालील कोणत्याही एका अटीची पूर्तता आणि आधार कार्ड आवश्यक आहे.
१. ग्रामसभेतील गरिबातील गरिब दाखला.
२. १ लाखापेक्षा कमी उत्पन्न असलेल्या तहसीलदाराचा दाखला.
३. प्रधानमंत्री आवास योजना लाभार्थी असलेला दाखला.
४. कलेक्टर मार्फत असलेल्या इंदिरा गांधी पेन्शन लाभार्थी योजनेचा दाखला.
५. संजय गांधी निराधार योजना लाभार्थी दाखला.
६. दारिद्र्य रेषेखालील दाखला

Thursday, 22 March 2018

वृद्धत्व विरोधी वैद्यकीय व नैसर्गिक उपचार याविषयी डॉ पूर्णिमा म्हात्रे मार्गदर्शन



यशवंतराव चव्हाण प्रतिष्ठान, मुंबईच्या महाराष्ट्र महिला व्यासपीठतर्फे वृद्धत्व विरोधी वैद्यकीय व नैसर्गिक उपचार याविषयी मोफत व्याख्यानाचे आयोजन करण्यात आले आहे होते. २२ वर्ष स्वत: त संशोधन करून तयार केलेल्या औषधांनी रूग्णांवरती कशा पध्दतीने उपचार केले, आणि काम करत असताना आलेले अनुभव डॉ पूर्णिमा म्हात्रे यांनी उपस्थितांना सांगितले. 

प्रख्यात मेडीकल कॉस्मोलोजीस्ट डॉ पूर्णिमा म्हात्रे यांच्या मुंबईमध्ये क्लिनिक जॉरजेअस नावाच्या ब-याच ठिकाणी शाखा आहेत. या शाखांमध्ये मुंबईतील विविध ठिकाणाहून उपचारांसाठी लोक येत असतात. चेह-यावरचे डाग, केस गळणे, वजन कमी करणे आणि बदलत्या शैलीनूसार फीट राहणे यासाठी माझा सल्ला घेऊन उपचार घेत असतात असं म्हात्रे म्हणाल्या.

वैद्यकीय आणि नैसर्गिक उपचारानंतर रूग्णांवरती २२ वर्षांच्या कालावधी मध्ये काणताही साईड इफेक्ट झाला नाही. तसेच उपचारानंतर रूग्ण खूष होतात. असंही म्हात्रे त्यांनी सांगितलं. विचारलेल्या प्रश्नांना त्यांनी अचूक उत्तरेही दिली.

Sunday, 18 March 2018

ज्येष्ठ नागरिकांना वयोपरत्वे येणा-या अपंगत्वाचे तपासणी शिबीर


वयोश्री योजने अंतर्गत साहित्य वाटप

सामाजिक न्याय एवं अधिकरीता मंत्रालय, भारत सरकार भारतीय कृत्रिम अंग निर्माण निगम (अलिम्को) कानपूर जिल्हा परिषद, पुणे जिल्हा प्रशासन, पुणे, यशवंतराव चव्हाण प्रतिष्ठान, मुंबई आणि जिल्हा अपंग पुनर्वसन केंद्र, पुणे यांच्या संयुक्त विद्यमाने वयोश्री योजने अंतर्गत ६० वर्षांवरील ज्येष्ठ नागरिकांना वयोपरत्वे येणा-या अपंगत्वाचे तपासणी शिबीर ९ दिवसांचे होणार आहे.

२० मार्च खडकवासला, २१ मार्च हवेली, २२ मार्च पुरंदर, २३ मार्च बारामती, २४ मार्च इंदापूर, २५ मार्च दौंड, २६ मार्च भोर, २७ मार्च वेल्हा आणि २८ मार्च मुळशी या पध्दतीने शिबीर होईल. चालण्याची काठी, आधार काठी (कुबडी), तिपाई काठी, कवळी चष्मे, ऐकण्याचे यंत्र, स्वयंचलित कृत्रिम दांडी आणि चाकाची खुर्ची इत्यादी साहित्याचं वाटप शिबीरामध्ये तालुका ग्रामीण रूग्णालयांमध्ये करण्यात येणार आहे. आरोग्य तपासणीची वेळ - (सकाळी १० ते सायंकाळी ६ )

वयोश्री योजनेसाठी खालील कोणत्याही एका अटीची पूर्तता आणि आधार कार्ड आवश्यक आहे.
१. ग्रामसभेतील गरिबातील गरिब दाखला.
२. १ लाखापेक्षा कमी उत्पन्न असलेल्या तहसीलदाराचा दाखला.
३. प्रधानमंत्री आवास योजना लाभार्थी असलेला दाखला.
४. कलेक्टर मार्फत असलेल्या इंदिरा गांधी पेन्शन लाभार्थी योजनेचा दाखला.
५. संजय गांधी निराधार योजना लाभार्थी दाखला.
६. दारिद्र्य रेषेखालील दाखला

Saturday, 17 March 2018

‘चित्रपट चावडी’ तर्फे चित्रपटप्रेमींसाठी शनिवारी ‘द एलिफंट मॅन’

नाशिक : यशवंतराव चव्हाण प्रतिष्ठान मुंबई, विभागीय केंद्र नाशिक व विश्वास को-ऑप.बँक लि., नाशिक, विश्वास ज्ञानप्रबोधिनी अ‍ॅण्ड रिसर्च इन्स्टिट्यूट, नाशिक, सारस्वत बँक व रेडिओ विश्वास ९०.८ कम्युनिटी रेडिओ यांच्या संयुक्त विद्यमाने ‘चित्रपट चावडी’ उपक्रमांतर्गत शनिवार १७ मार्च २०१८ रोजी सायंकाळी ६.३० वाजता सुप्रसिद्ध अमेरीकन दिग्दर्शक डेव्हीड लींच यांचा ‘द एलिफंट मॅन’ हा चित्रपट दाखविण्यात येणार आहे. सदर चित्रपट डिझास्टर मॅनेजमेंट अ‍ॅण्ड ट्रेनिंग हब (विश्वासलॉन्स), ठाकूर रेसिडेन्सी, विश्वास को-ऑप.बँकेसमोर, सावरकरनगर, गंगापूर रोड, नाशिक- ४२२०१३ येथे दाखविण्यात येणार आहे.
दिग्दर्शक डेव्हीड लिंच सत्यघटनेवर आधारीत चित्रपटात मानवी देहाचा सोहळाच साजरा करतो. देह, मन, बुद्धी आणि लोकमनातील दृढ संकल्पनांना छेद देत तो एका विद्रुप शरीराच्या माणसाची गोष्ट सांगतो. ह्या ‘एलिफंट मॅन’ ची गाठ एकोणाविसाव्या शतकातील व्हिक्टोरीयन इंग्लडमधील एका डॉक्टरशी पडते. सौंदर्य, विद्रुपता, प्रेम, सहवेदना, तिरस्कार अशा संमिश्र भावनांचा पटच ह्या चित्रपटात उलगडतो.
डेव्हीड लींच खरंतर प्रथम चित्रकार व नंतर चित्रपट दिग्दर्शक त्याच्या चित्रपटातील विलक्षण चित्र व्यवस्था मानवी शरीराचे एक वेगळेच ‘दर्शन’ गूढ, अतिवास्तव वातावरण निर्मिती, अस्वस्थता आणि मानवी व्यवहारांचा अजब खेळ एका वेगळ्याच जगात घेऊन जातो. ‘द एलिफंट मॅन’ १९८० मध्ये अमेरीका येथे प्रदर्शित झालेल्या या सिनेमाचा कालावधी १२४ मिनीटांचा आहे.
‘द एलिफंट मॅन’ हा चित्रपट बघण्यास जास्तीत जास्त संख्येने सहभागी होण्याचे आवाहन अध्यक्ष विनायक पाटील, कार्याध्यक्ष विश्वास ठाकूर, सचिव डॉ.कैलास कमोद, कोषाध्यक्ष डॉ.सुधीर संकलेचा, सदस्य सौ.कविता कर्डक, राजवर्धन कदमबांडे, रऊफ पटेल, अ‍ॅड.नितीन ठाकरे व विक्रम मोरे यांनी केले आहे.

Friday, 16 March 2018

'विज्ञानगंगा'चे चोविसावे पुष्प संपन्न

यशवंतराव चव्हाण प्रतिष्ठान, मुंबई व मराठी विज्ञान परिषद यांच्या संयुक्त विद्यमाने 'विज्ञानगंगा' कार्यक्रमांतर्गत चोविसावे पुष्प श्री. ऋषिकेश जोगळेकर यांचे 'अतिनवतारा' याविषयावर व्याख्यानाचे आयोजन चव्हाण सेंटर, सांस्कृतिक सभागृह, चौथा मजला, जनरल जगन्नाथराव भोसले मार्ग, मंत्रालयासमोर नरिमन पॉईंट, मुंबई येथे करण्यात आले होते.

कार्यक्रमाच्या सुरुवातीला जोगळेकर यांनी स्टीफन हॉकिंग यांच्याबाबत लोकांना थोडक्यात माहिती सांगितली. हॉकिंग यांना न्यूरॉन सारखा भयानक आजार झालेला असतानाही त्यांनी केलेल्या कार्याला सलाम करायला हवा असे जोगळेकर म्हणाले. त्यानंतर उपस्थित असलेल्या लोकांनी हॉकिंग यांना श्रद्धांजली वाहिली.

जोगळेकर यांनी अतिनवतारा म्हणजे नेमकं काय, त्याचं नेमकं कार्य काय आहे, त्याचा उपयोग काय, त्याच वजन किती असतं याबाबत विविध उदाहरणे देऊन उपस्थितांना समजावून सांगितले. अतिनवताराचे वैज्ञानिक दृष्टिकोन उपस्थितांना सांगितले.

Thursday, 15 March 2018

भाषा, साहित्य, संस्कृती : माझ्या पक्षाची भूमिका आणि धोरण विषयावर चर्चासत्र


मराठी भाषा, साहित्य, संस्कृतीबाबत मराठी भाषिक समाजाचा निर्धारपूर्वक आणि सातत्यपूर्ण  दबाव निर्माण होण्याची गरज आहे.  विशेषतः आपले राजकीय पक्ष व जनप्रतिनिधी यांनी याबाबत सातत्याने जनतेला साक्षर व उद्‍बोधित करण्याची गरज आहे. अखिल भारतीय साहित्य महामंडळाचे अध्यक्ष डॉ. श्रीपाद भालचंद्र जोशी त्यादृष्टीने अधिक प्रयत्नशील आहेत. या कार्याला गती देण्यासाठी अखिल भारतीय मराठी साहित्य महामंडळाने यशवंतराव चव्हाण प्रतिष्ठान व मुंबई मराठी साहित्य संघ यांच्या संयुक्त विद्यमाने भाषा, साहित्य, संस्कृती : माझ्या पक्षाची भूमिका आणि धोरण या विषयावर चर्चासत्राचे आयोजन केले आहे. चर्चासत्र शनिवारी  दिनांक २४ मार्च २०१८ दुपारी २.०० ते ४.०० या वेळेत समिती कक्ष, पाचवा मजला, यशवंतराव चव्हाण प्रतिष्ठान, मुंबई जनरल जगन्नाथ भोसले मार्ग, नरीमन पोईंट, मुंबई येथे होईल.  

Wednesday, 14 March 2018

लोकशाही की कॉर्पोरेटशाही विषयावरती देसाईचे मार्गदर्शन

लोकशाही की कॉर्पोरेटशाही विषयावरती देसाईचे मार्गदर्शन

यशवंतराव चव्हाण प्रतिष्ठान मुंबई, विभागीय केंद्र औरंगाबाद, एमजीएम वृत्तपत्र विद्या व जनसंपर्क महाविद्यालय यांच्या संयुक्त विद्यामाने यशवंतराव चव्हाण यांच्या जयंतीनिमित्त आयोजीत कार्यक्रमात लोकशाही की कॉर्पोरेटशाही या विषयावरती ज्येष्ठ पत्रकार हेमंत देसाई यांनी लोकांना मार्गदर्शन केले.

यशवंतराव चव्हाण यांच्या जयंतीनिमित्त व्याख्यानाचे आयोजन...










यशवंतराव चव्हाण प्रतिष्ठान मुंबई विभागीय केंद्र अंबाजोगाई आणि यशवंतराव चव्हाण महाविद्यालय अंबाजोगाई यांच्या संयुक्त विद्यमाने आज यशवंतराव चव्हाण साहेबांच्या जयंती निमित्त प्रा.महादेव गव्हाणे यांचे 'आधुनिक महाराष्ट्राचे निर्माते यशवंतराव चव्हाण' या विषयावर व्याख्यान आयोजित करण्यात आले होते.

Tuesday, 13 March 2018

एकल महिलांसाठी स्वतंत्र धोरणाची आवश्यकता या विषयावर मान्यवरांचे मार्गदर्शन


यशवंतराव चव्हाण प्रतिष्ठान मुंबई, विकास अध्ययन केंद्र, कोरो मुंबई आणि कम्युनिटी डेव्हलपमेंट ट्रस्ट यांच्या संयुक्त विद्यमाने एकल महिलांसाठी स्वतंत्र धोरणाची आवश्यकता या विषयावर चव्हाण सेंटर मध्ये राज्यस्तरीय चर्चासत्राचे आयोजन करण्यात आले होते. या कार्यक्रमाला विद्याताई चव्हाण, निशा शिवूरकर, आशा भिसे, दीप्ती राऊत, सुरेश शेळके आणि महेंद्र रोकडे इत्यादी मान्यवर उपस्थित होते.

कार्यक्रमाचे प्रस्ताविक रेणुका कड यांनी केले. तर एकल महिला कौटुंबिक, सामाजिक प्रश्न, उपजीविका आणि अर्थिक स्थिती या विषयावर आशालता देशपांडे, भाग्यश्री रणदिवे आणि राम शेळके यांनी मार्गदर्शन केले. 'एकल महिला आणि शासकीय योजना' या विषयावर विजय जाधव यांनी मार्गदर्शन केले. 'भटके विमुक्त समाजातील एकल महिला या विषयावर वैशाली भांडवलकर आणि पल्लवी रेणके त्यांना आलेले अनुभव उपस्थितांना सांगितले. 'एकल महिला आणि लैंगिक शोषण' या विषयावर मनीषा तोकले यांनी मार्गदर्शन केले. 'एकल महिलांच्या पाल्यांचे प्रश्न' या विषयावर करूणा महांतारे यांनी मार्गदर्शन केले. शहरी आणि ग्रामीण भागातील अविवाहीत एकल महिलांचे प्रश्न या विषयावर दिप्ती राऊत यांनी मोजक्या शब्दात मार्गदर्शन केले.

कार्यक्रमाला आलेल्या लोकांचे गट तयार करून चर्चा करण्यास सांगितले. त्यानंतर प्रमुख मार्गदर्शन निशा शिवूरकर यांनी केले तर अध्यक्षीय समारोप आमदार विद्या चव्हाण यांनी केले. पुढील कृती आराखडा आणि आभारप्रदर्शन दत्ता बाळसराफ यांनी केले.



यशवंतराव चव्हाण यांच्या जयंतीदिनी राष्ट्रीय सेवा योजनेच्या शिबिरास सुरूवात


यशवंतराव चव्हाण यांच्या जयंतीनिमित्त यशवंतराव चव्हाण प्रतिष्ठान मुंबई, विभागीय केंद्र अमहदनगर आणि कृषी महाविद्यालय सोनाई यांच्या संयुक्त विद्यमाने राष्ट्रीय सेवा योजनेच्या शिबिरास सुरूवात करून जयंती साजरी केली. 

Wednesday, 7 March 2018

साहित्यकारण आणि राजकारण विषयावर मुक्त संवाद

ठाणे : यशवंतराव चव्हाण प्रतिष्ठान मुंबई, विभागीय केंद्र ठाणे आणि कोकण मराठी साहित्य परिषद (मध्यवर्ती) यांच्या संयुक्त विद्यमाने विंदा करंदीकर जीवनगौरव सन्मान प्राप्त पद्मश्री मधु मंगेश कर्णिक यांचा सत्कार आणि ज्येष्ठ पत्रकार राधाकृष्ण नार्वेकर यांचा मधुभाईंशी साहित्यकारण आणि राजकारण विषयावर मुक्त संवादाचे आयोजन केले आहे. हा कार्यक्रम १२ मार्च २०१८ रोजी सायंकाळी ६ ते ८ यावेळेत सहयोग मंदिर सभागृह, २ रा मजला, घंटाळी, ठाणे (पश्चिम) होणार आहे. नमिता कीर, अमोल नाले, महेश केळुसकर आणि मुरलीधर नाले यांनी कार्यक्रमाला अधिक संख्येने उपस्थित रहावे असे आवाहन केले आहे.

'लोकशाही की कॉर्पोरेटशाही ?' विषयावरती व्याख्यान

औरंगाबाद : यशवंतराव चव्हाण प्रतिष्ठान मुंबई, विभागीय केंद्र औरंगाबाद व एमजीएम जनसंवाद व वृत्तपत्रविद्या महाविद्यालय यांच्या संयुक्त विद्यमाने 'लोकशाही की कॉर्पोरेटशाही ?' या विषयावरती १२ मार्च २०१८ रोजी, दुपारी १२ वाजता, आईन्स्टाईन सभागृह, जेएनईसी महाविद्यालय, एमजीएम परिसर, औरंगाबाद येथे व्याख्यानाचे आयोजन करण्यात आले आहे.
आधुनिक महाराष्ट्राचे निर्माते यशवंतराव चव्हाण यांच्या १०५ व्या जयंतीनिमित्त 'लोकशाही की कॉर्पोरेटशाही ?'या विषयावरती ज्येष्ठ पत्रकार मा. हेमंत देसाई ' मार्गदर्शन करणार आहेत. तर औरंगाबाद विभागीय केंद्राचे अध्यक्ष मा. अंकुशराव कदम यांनी कार्यक्रमाला लोकांनी अधिक संख्येने उपस्थित असे आवाहन केले आहे.

Monday, 5 March 2018

'विज्ञानगंगा'चे चोविसावे पुष्प...'अतिनवतारा

यशवंतराव चव्हाण प्रतिष्ठान, मुंबई व मराठी विज्ञान परिषद यांच्या संयुक्त विद्यमाने 'विज्ञानगंगा' कार्यक्रमांतर्गत चोविसावे पुष्प श्री. ऋषिकेश जोगळेकर यांचे 'अतिनवतारा' या विषयावर दिनांक १६ मार्च २०१८ रोजी सायंकाळी ५ वाजता चव्हाण सेंटर, सांस्कृतिक सभागृह, चौथा मजला, जनरल जगन्नाथराव भोसले मार्ग, मंत्रालयासमोर नरिमन पॉईंट, मुंबई येथे गुंफणार आहेत. तरी वरील कार्यक्रमास आपण उपस्थित रहावे ही विनंती.

वृद्धत्व विरोधी वैद्यकीय व नैसर्गिक उपचार याविषयी मोफत व्याख्यान

यशवंतराव चव्हाण प्रतिष्ठान, मुंबईच्या महाराष्ट्र महिला व्यासपीठतर्फे वृद्धत्व विरोधी वैद्यकीय व नैसर्गिक  उपचार याविषयी मोफत व्याख्यानाचे आयोजन करण्यात आले आहे. हा कार्यक्रम दिनांक २२ मार्च २०१८ रोजी गुरुवारी दुपारी २ ते ५ यावेळेत सांस्कृतिक सभागृह, ४था माळा यशवंतराव चव्हाण प्रतिष्ठान, मुंबई, जनरल जगन्नाथ भोसले मार्ग, सचिवालय जिमखाना जवळ नरीमन पॉईटं, मुंबई येथे होईल. या कार्यक्रमात प्रख्यात मेडीकल कॉस्मोलोजीस्ट डॉ पूर्णिमा म्हात्रे या मार्गदर्शन करतील. अधिक माहितीसाठी संपर्क संजना पवार -२२०४५४६० (विस्तारित २४४) ८२९१४१६२१६ ( वेळ ११ ते ६)

Wednesday, 28 February 2018

संगीत संध्या ‘ऐसी अक्षरे रसिके मेळवीन’ला चांगला प्रतिसाद

औरंगाबाद : “अक्षरांच्या साह्यांनी, काना मात्रा वेलाट्यांनी मर्‍हाटीचा टिळा मी लाविला, जिवापाड जपू माय मराठीला” या कवयित्री प्रिया धारूरकर यांच्या लावणीला तेवढ्याच उत्स्फूर्तपणे उपस्थितांनी टाळ्यांची दाद दिली.

मराठी भाषा दिनानिमित्त यशवंतराव चव्हाण प्रतिष्ठान, मुंबई - विभागीय केंद्र औरंगाबाद आणि एमजीएम जनसंवाद व वृत्तपत्रविद्या महाविद्यालय यांच्या संयुक्त विद्यमाने आयोजित व नाथरंग प्रस्तुत एमजीएमच्या आईनस्टाईन सभागृहात ‘ऐसी अक्षरे रसिके मेळवीन’ हा काव्य सांगितिक कार्यक्रम नूकताच संपन्न झाला. मराठी भाषेचा आजपर्यंतचा प्रवास, गीत, भजन, लावणी, पोवाडा अशा विविधांगाने उलगडण्यात आला. ‘मधुर भाषिनी अमृतवाणी वंदन करिते तुला...’ असे वंदन गीत सौख्यदा देशपांडे यांनी सादर करून काव्य सांगीतिक कार्यक्रमाला सुरुवात केली. प्रिया धारूरकर यांनी कुसुमाग्रज यांची ‘माझ्या मराठी मातीचा, लावा ललाटास टिळा’ हे काव्य सादर केले. आद्यकवी मुकुंदराज यांच्यापासून ते आजमितीपर्यंतचे काही निवडक काव्य, गीत वाचून दाखवीत त्यांनी या मैफलीत रंगत आणली. यावेळी कुसुमाग्रज, सुरेश भट, माधव ज्युलियन, ना. गो. नांदापूरकर अशा साहित्यिक, कवींच्या कविता, गीत संगीताच्या तालावर सुरेखपणे मांडल्या. बहिणाबाईंच्या ओवीही सर्वांना आनंदित करून गेल्या. ‘अवनीत हिंदवी राष्ट्रां, त्याचे उत्कृष्ट, महावैशिष्ट्य... नांदवी तीच माय मराठी’ हा शाहीरमहर्षी आत्माराम पाटील यांचा पोवाडा अजिंक्य लिंगायत यांनी सादर करीत सर्वांची दाद मिळविली.

अखेरीस मेणबत्तीच्या उजाळ्यात ‘मी मराठी बोलतो, लिहितो आणि वाचतो, याचा मला अभिमान व स्वाभिमान आहे’ ही प्रतिज्ञा सर्वांनी म्हटली. प्राचार्या रेखा शेळके अध्यक्षस्थानी होत्या. प्रारंभी श्रीकांत देशपांडे यांनी प्रास्ताविक केले. कार्यक्रमासाठी रसिकांनी मोठ्या प्रमाणात प्रतिसाद दिला. विद्यार्थी, ज्येष्ठ नागरिक, काव्य रसिक मोठ्या संख्येने कार्यक्रमाला उपस्थित होते. कार्यक्रम यशस्वीतेसाठी यशवंतराव चव्हाण प्रतिष्ठान, मुंबई विभागीय केंद्र औरंगाबादच्या पदाधिकारी, कार्यकर्त्यांनी परिश्रम घेतले.

Tuesday, 27 February 2018

एकल महिलांसाठी स्वतंत्र धोरणाची आवश्यकता विषयावर राज्यस्तरीय बैठक

यशवंतराव चव्हाण प्रतिष्ठान मुंबई, विकास अध्ययन केंद्र, कोरो मुंबई आणि कम्युनिटी डेव्हलपमेंट ट्रस्ट यांच्या संयुक्त विद्यमाने एकल महिलांसाठी स्वतंत्र धोरणाची आवश्यकता या विषयावर मंगळवारी १३ मार्च २०१८ रोजी सकाळी ९.३० ते ५ पर्यंत चव्हाण सेंटर मध्ये राज्यस्तरीय चर्चासत्राचे आयोजन करण्यात आले आहे.
एकल महिलांसाठी स्वतंत्र धोरण असावे, यासाठी आयोजीत राज्यस्तरीय चर्चासत्रामध्ये आतापर्यंत आपण सर्वांनी दिलेल्या सहभागाबद्दल मन:पूर्वक धन्यवाद! या कामाला पुढे घेऊन मंगळवारी १३ मार्च २०१८ रोजी एकदिवसीय राज्यस्तरीय व्यापक बैठक आयोजित करण्यात आली आहे. या बैठकीत आपण सहभागी होऊन एकल महिलांसाठी स्वतंत्र्य धोरणाची आवश्यकता या विषयावरील आपले विचार, मतं, संशोधनात्मक लेख व सूचना मांडाव्यात. एकदिवसीय विचार मंथनाच्या प्रक्रियेतून समोर आलेल्या मुद्द्यांवर आपण एकत्र मिळून एकल महिलांसाठी स्वतंत्र धोरणाचा तयार झालेला प्राथमिक मसुदा शासनाला सादर करता येईल, असे आम्हास वाटते. सोबत विषयाची सुची जोडली आहे.
विषय - भटके विमुक्त महिला, एकल महिला आणि सुरक्षा, एकल महिला आणि संपत्तीचा अधिकार (सासर आणि माहेर), एकल महिला आणि आरोग्य, एकल महिला आणि मुलांचे संगोपन, एकल महिला आणि उपजीविकेचा हक्क, एकल महिला शासकीय योजनेतील अडथळे, एकल महिला आणि वृध्दापकाळातील समस्या, एकल महिला आणि घरचा हक्क, अल्पसंख्याक समाजातील एकल महिलांचे प्रश्न दलित, मुस्लिम, आदिवासी, तभटके विमुक्त महिला, तृतीयपंथी एकल महिला, अविवाहित एकल महिलांच्या समस्या, एचआयव्हीग्रस्त महिलांच्या समस्या, शेतक-यांच्या विधवा महिला, सैनिकांच्या विधवा महिला, घटस्फोटीत महिला, परितक्त्या महिला, एकल महिला आणि निवा-याचा हक्क, तीन वर्षापेक्षा अधिक काळ शिक्षा भोगत असलेल्या कैद्यांच्या पत्नीच्या समस्या, शरीर विक्रय व्यवसायातील एकल महिला समस्या, देवदासी किंवा अन्य धार्मिंक रूढीतील एकल महिला, दिव्यांग एकल महिला, हिसेंच्या बळी एकल महिला, नैसर्गिक आप्तीच्या बळी एकल महिला आणि लिव्ह इन रिलेशनशिपमध्ये राहणा-या एकल महिला.
तरी आपणास नम्र विनंती कि, आपण आपले मत, विचार, सूचना, अनुभव, एकल महिलांचे आपल्या भागातील प्रश्न, समस्या, अडचणी व संशोधनात्मक लेख इत्यादी दिनांक १० मार्च २०१८ पर्यंत singlewomenpolicy@gmail.com आणि rkpatil@gmail.com या जीमेल आयडीवरती पाठवावेत.

Thursday, 22 February 2018

'ओर्चीड इरा' या नियतकालिकास द्वितीय पारितोषिक

सोलापूर येथील नागेश कराजगी ओर्चीड कॉलेज ऑफ इंजिनीअरिंग यांच्या 'ओर्चीड इरा' या नियातकालिकास यशवंतराव चव्हाण प्रतिष्ठान,मुंबई - नवमहाराष्ट्र युवा अभियानाने आयोजित केलेल्या राज्यस्तरीय नियतकालिक स्पर्धेत द्वितीय क्रमांकाचे पारितोषिक मिळवले. याचा पुरस्कार वितरण समारंभ आज मान्यवरांच्या हस्ते संपन्न झाला.
याप्रसंगी ज्येष्ठ संपादक पद्मभूषण देशपांडे, प्रतिष्ठानचे कार्यक्रम संयोजक दत्ता बाळसराफ, प्राचार्य डॉ.जे.बी.डाफेदार, सोलापूर केंद्राचे सचिव दिनेश शिंदे, सदस्य दत्ता गायकवाड, विजय कान्हेकर, नीलेश राऊत, श्रीकांत देशपांडे, सुहास काळे, प्रा. बी. आर. बिराजदार, प्रा. शिवाजी चव्हाण आदी उपस्थित होते.


याप्रसंगी या नियतकालिकात ज्या विद्यार्थ्यांनी लेख लिहिले त्या विद्यार्थ्यांनी आपल्या प्रतिक्रिया व्यक्त केल्या.

Tuesday, 20 February 2018

राधाबाई काळे महिला महाविद्यालयाला नियतकालिक स्पर्धेत उत्तेजनार्थ पारितोषिक

अहमदनगर येथील राधाबाई काळे महिला महाविद्यालयाने राज्यस्तरीय महाविद्यालयीन नियतकालिक स्पर्धेत उत्तेजनार्थ पारितोषिक पटकाविले.आज या महाविद्यालयात या स्पर्धेचा पारितोषिक वितरण समारंभ पार पडला.रयत शिक्षण संस्थेचे हे महाविद्यालय आहे.

ज्येष्ठ पत्रकार पद्मभूषण देशपांडे व प्रतिष्ठानचे कार्यक्रम संयोजक दत्ता बाळसराफ यांनी उपस्थित विद्यार्थिनींसोबत संवाद साधला.याप्रसंगी महाविद्यालयाचे प्राचार्य  डॉ. दीनानाथ पाटील, विजय कान्हेकर, ज्येष्ठ पत्रकार महेश कुलकर्णी, कवी संजीव तनपुरे, अभियानाचे राज्य संघटक नीलेश राऊत, राहुल राजळे, अंकाचे संपादक डॉ.संजय नगरकर आदी उपस्थित होते.याप्रसंगी विद्यार्थिनींची मोठ्या संख्येने उपस्थिती होती.

Monday, 19 February 2018

नाशिक येथील 'बांधिलकी' नियतकालिकास प्रथम पारितोषिक प्रदान

नाशिक : यशवंतराव चव्हाण राज्यस्तरीय नियतकालिक स्पर्धेचा प्रथम पारितोषिक वितरण कार्यक्रम ता. देवळा, जि.नाशिक येथील कर्मवीर रामराव आहेर महाविद्यालयात आज संपन्न झाला. याप्रसंगी प्रमुख अतिथी म्हणून मा. पद्मभूषण देशपांडे, कार्यक्रम संयोजक मा.दत्ता बाळसराफ, मा. विजय कान्हेकर, मा. नीलेश राऊत, प्राचार्य डॉ.हितेंद्र आहेर, संस्थेचे सचिव गंगाधरमामा शिरसाठ, आणि प्रा.एकनाथ पगार मान्यवर उपस्थित होते.
या महाविद्यालयाचे 'बांधिलकी' नावाचे नियतकालिक दैनंदिनी विशेषांकावर आधारित आहे. याप्रसंगी विद्यार्थी मोठ्या संख्येने उपस्थित होते.

Friday, 16 February 2018

यशवंतराव चव्हाण सेंटर मध्ये योगा क्लासेस


नवीन वर्षाच्या सुरूवातीला प्रत्येकजण काहीतरी नवीन संकल्प करत असतो. त्याच अनुशंगाने यशवंतराव चव्हाण प्रतिष्ठानच्या वतीने संकल्पकर्त्यांसाठी योगा क्लासेस सुरू करण्यात आले आहे. सध्या योगा क्लासेस प्रतिष्ठानमध्ये बुधवार आणि शुक्रवार सकाळी ७ ते ८ या वेळेत नियमित सुरू आहेत. दुसरी बॅच लवकरचं सुरू करण्यात येणार आहे, त्यासाठी ybcyoga@gmail.com या जीमेल आयडीवर किंवा ८८७९७८४८४७ मोबाईल क्रमांकावरती संपर्क साधावा. सहभागी होणा-या प्रशिक्षणार्थीला पार्किंगची व्यवस्था प्रतिष्ठानतर्फे उपलब्धतेनूसार देण्यात येईल. प्रशिक्षणार्थीकडून २२०० रूपये आणि जीएसटी असं शुल्क आकारलं जाईल. 

Thursday, 15 February 2018

मराठी भाषा दिनानिमित्त "ऐसी अक्षरे रसिके मेळवीन"...

औरंगाबाद : यशवंतराव चव्हाण प्रतिष्ठान मुंबई आणि विभागीय केंद्र औरंगाबाद यांच्या संयुक्त विद्यमाने मराठी साहित्याचा मानदंड कुसुमाग्रज (वि.वा. शिरवाडकर) यांचा जन्मदिवस व मराठी भाषा दिनानिमित्त नाथरंग प्रस्तुत काव्य सांगितिक कार्यक्रम "ऐसी अक्षरे रसिके मेळवीन" या कार्यक्रमाचे आयोजन करण्यात आले आहे. हा कार्यक्रम मंगळवारी २७ फेब्रुवारी २०१८ रोजी सायंकाळी ५ वाजता आईनस्टाईन सभागृह, जेएनईसी महाविद्यालय, एमजीएम परिसर, औरंगाबाद येथे होईल. सादरकर्त्या व लेखन - प्रिया धारूरकर, सादरकर्त्या व दिग्दर्शन - सौख्यदा देशपांडे, संगीत संयोजन : अजिंक्य लिंगायत, अथर्व बुद्रुककर...

नियतकालिक स्पर्धा २०१७ पारितोषिक वितरण सोहळा

यशवंतराव  चव्हाण प्रतिष्ठान, मुंबईच्या नवमहाराष्ट्र युवा अभियानतर्फे नियतकालिक स्पर्धा २०१७ पारितोषिक वितरण कार्यक्रमाचे आयोजन नाशिक, अहमदनगर आणि सोलापूर येथे २० फेब्रुवारी ते २२ फेब्रुवारी २०१८ दरम्यान केले आहे.
पहिला कार्यक्रम २० फेब्रुवारीला कर्मवीर रामरावजी आहेर कला व वाणिज्य महाविद्यालय, देवळा, नाशिक येथे होईल. त्यानंतर दुसरा कार्यक्रम दुपारी १२ वाजता नूतन विद्या प्रसारक मंडळाचे वाणिज्य व विज्ञान महाविद्यालय, लासलगाव, नाशिक येथे होईल. तिसरा कार्यक्रम २१ फेब्रुवारीला सकाळी ९ वाजता राधाबाई काळे महिला महाविद्यालय अहमहनगर येथे होईल. तर चौथा कार्यक्रम २२ फेब्रुवारीला सकाळी १० वाजता नागेश कराजगी ऑर्किड कॉलेज ऑफ इंजिनीअरिंग अॅण्ड टेक्नोलॉजी, सोलापूर येथे होईल. 

Sunday, 11 February 2018

दुसरे जिल्हास्तरीय बालकुमार साहित्य संमेलनास विद्यार्थ्यांचा उत्स्फुर्त प्रतिसाद



अंबाजोगाई : बालसाहित्य लिहिण्यासाठी साहित्यीकांनी पुढाकार घ्यायला हवा कारण साहित्यातून कल्पना शक्ती विकसित होते आजची मुले स्मार्ट आहेत. तेंव्हा ’शामची आई’ या कथेची नव्या स्वरूपाने मांडणी करणे गरजेची आहे. अशा संमेलनातून सृजनशीलतेला वाव मिळतो. विज्ञानवादी साहित्य निर्मिती करणे काळाची गरज असून विज्ञान डोळसपणा शिकविते तर कला जीवन सौंदर्य खुलवते असे प्रतिपादन उद्घाटक दिपाताई देशमुख यांनी केले. तर यावेळी  मोबाईलकडे जादूचा दिवा म्हणून बघा.कारण, मोबाईलमध्ये विश्‍व सामावले आहे. साहित्य जगण्याच भान देतं. जगण समृद्ध करत हे सांगुन बालकांनी साहित्य वाचल पाहिजे, जे वाटेल ते लिहिलं पाहिजे असे विचार संमेलनाध्यक्ष बालाजी मदन इंगळे यांनी मांडले. तर यावेळी स्वागताध्यक्ष म्हणून बोलताना डॉ.द्वारकादास लोहिया यांनी साने गुरूजी यांची आठवण करताना मुलांमध्ये देव बघणे हा नवा दृष्टीकोण असल्याचे सांगुन या संमेलनात हस्त लिखीत, टाकावूतून टिकावू वस्तूंची निर्मिती व त्याचे प्रदर्शन भरविल्याबद्दल संमेलन आयोजकांचे अभिनंदन केले.
  यशवंतराव चव्हाण प्रतिष्ठान,मुंबई केंद्र अंबाजोगाई व मानवलोक संचलित मनस्विनी महिला प्रकल्प यांच्या संयुक्त विद्यमाने २ रे जिल्हास्तरीय बाल कुमार साहित्य संमेलन आयोजित करण्यात आले आहे.
    यावेळी स्वागताध्यक्ष म्हणून डॉ.द्वारकादास लोहिया,उद्घाटन म्हणून दिपाताई देशमुख  व संमेलन अध्यक्ष म्हणून बालाजी मदन इंगळे, संमेलन कार्यवाह अभिजीत जोंधळे,डॉ.दीपाताई क्षीरसागर,माजी आ. उषाताई दराडे,मानवलोकचे अध्यक्ष अशोकराव देशमुख,यशवंतराव चव्हाण प्रतिष्ठान अंबाजोगाईचे सचिव डॉ.नरेंद्र काळे, मनस्विनी प्रकल्पच्या प्रा.अरुंधती पाटील,वेणूताई चव्हाण कन्या शाळेच्या मुख्याध्यापक प्रतिभाताई देशमुख, बालसाहित्यीक नागनाथ बडे आदींची विचार पिठावर प्रमुख उपस्थिती होती. प्रारंभी गोदावरी कुकुंलोळ कन्या शाळेतील मुलींच्या संचाने स्वागत गीत सादर केले. मान्यवरांच्या हस्ते लोकनेते यशवंतराव चव्हाण यांच्या प्रतिमेस अभिवादन करून दिपप्रज्वलन करण्यात आले. यावेळी मान्यवरांचे स्वागत स्मृती चिन्ह, फेटा, शाल व मुलांनी तयार केलेल्या गुच्छांनी करण्यात आले.
    प्रास्ताविक करताना संमेलन कार्यवाह अभिजीत जोंधळेयांनी ग्रंथ दिंडीत शहरातील १२ शाळा मधील सुमारे दिड हजाराहून अधिक विद्यार्थी सहभागी झाल्याचे सांगुन या समेलनाच्या यशस्वीतेसाठी मानवलोक, मनस्विनी महिला प्रकल्प व वेणुताई कन्या माध्यमिक विद्यालय तसेच यशवंतराव चव्हाण प्रतिष्ठान,मुंबई केंद्र अंबाजोगाई  यांचे सहकार्य लाभले अंबाजोगाईत वर्षभर विविध व्याख्यानमाला होतात बालझुंबड सारखा उपक्रम ही घेतला जातो. कुमारवयीन मुलांसाठी असे संमेलन असावे या कल्पनेतून मुलांच्या सर्वांगिण विकासाबरोबरच समतोल विकास झाला पाहिजे. कुमारवयीन मुलांना केंद्रस्थानी ठेवून त्यांच्यातील सृजनशीलता वाढीस लागावी म्हणून हा उपक्रम संमेलन रूपाने होत असल्याचे जोंधळे म्हणाले. यावेळी मान्यवरांच्या हस्ते साहित्याचा स्नेह पेरणार्‍या हस्तलिखीतांचे प्रकाशन व आदीत्य सतिष आगळे या इयत्ता ८ वर्गात शिकणार्‍या विद्यार्थ्यांच्या ’अक्षराचं लेण’ या हस्तलिखीत कविता संग्रहाचे प्रकाशन करण्यात आले.
    या प्रसंगी उद्घाटक म्हणून बोलताना दिपाताई देशमुख यांनी आपले मौलिक विचार मांडून मातृभाषेतून विद्यार्थ्यांची जडण-घडण होते. अशा संमेलनातून सृजनशीलतेला वाव मिळतो. कल्पना शक्ती विकसित होते. हे सांगुन त्यांनी संमेलनाच्या यशस्वी आयोजनाबद्दल संयोजकांचे अभिनंदन केले. तर संमेलन अध्यक्ष बालाजी मदन इंगळे यांनी आपल्या विविध कवितांचे सादरीकरण केले. उपस्थित विद्यार्थीनींनी त्यांना भरभरून दाद दिली. कवितेच्या वळीवर सभागृहाने ठेका धरला. तर ’मेल नाही आजूण आभाळ’ ही कविता सादर करून शेतकरी आत्महत्येचा संदर्भ देवून बालाजी इंगळे यांनी सभागृहाला आंतःर्मुख केले. उद्घाटक डॉ.द्वारकादास लोहिया यांनी बालसाहित्यातून कसदार निर्मिती व्हावी व जबाबदार समाज घडावा यासाठी शुभेच्छा दिल्या. या प्रसंगी माजी आ. उषाताई दराडे यांनी मानवता हाच धर्म असल्याचे सांगुन आपल्या मनातले बोलता आले पाहिजे. असे त्या म्हणाल्या. लोकनेते यशवंतरावजी चव्हाण,खासदार शरदचंद्रजी पवार व खासदार सुप्रिया सुळे यांचा उल्लेख करीत यांच्यासारखे समाजभान असलेले नेतृत्व महाराष्ट्राला सांस्कृतिक व सामाजिकदृष्ट्या पुढे नेत असल्याचे त्यांनी सांगितले.तर दिपाताई क्षीरसागर यांनी लहान मुलांचे भाव विश्व जाणून घेवून साहित्यी निर्मिती झाली पाहिजे. हे सांगत मुलांचा बुद्धांक वाढला पण भावनांक कमी झाला आहे. विज्ञान विषयक साहित्य निर्मिती झाली पाहिजे. असे मौलीक विचार त्यांनी मांडले. उपस्थितांचे आभार मानताना डॉ.नरेंद्र कांळे यांनी  संमेलनाच्या आयोजनाची रूपरेषा मांडली. या संमेलनातून बाल साहित्य निर्मितीला प्रोत्साहन मिळेल असे महत्वपुर्ण विचार डॉ.नरेंद्र काळे यांनी व्यक्त केले.
यावेळी सभागृहात अमर हबीब,बालाजी सुतार,डॉ.श्रीहरी नागरगोजे, संतराम कराड,प्रा.वैशाली गोस्वामी,श्रीकांत देशपांडे,सखा गायकवाड,प्रा.विष्णु कावळे,मुजीब काझी, प्रा.अनंत मरकाळे, डॉ.राहुल धाकडे,प्रविण ठोंबरे,अॅड.जयसिंग चव्हाण,परिवर्तन साहित्य चळवळीचे अध्यक्ष प्रा.गौतम गायकवाड,  विद्याधर पांडे,डॉ.मुकुंद राजपंखे,डॉ.देवराज चामनर,अनंतराव चाटे, भारत सालपे,विवेक गंगणे, पत्रकार रणजित डांगे,विजय हामिने, रोहिदास हातागळे, मुशीरबाबा,विकास गरड, नंदकुमार पांचाळ, उत्तम शिनगारे,दत्ता वालेकर,वैजनाथ शेंगुळे,दत्ता देवकते आदींची यावेळी उपस्थिती होती.हे बाल कुमार साहित्य संमेलन अंबाजोगाई बसस्थानकासमोर वेणूताई चव्हाण कन्या माध्यमिक शाळेच्या परिसरात आयोजित करण्यात आले आहे.या संमेलनात शालेय विद्यार्थ्यांचे कवी संमेलन,कथाकथन, ग्रंथदिंडी,हस्तलिखित स्पर्धा,पुष्पगुच्छ बनवणे स्पर्धा,शब्द कोडी स्पर्धा व सांस्कृतिक कार्यक्रम होणार आहेत.
संमेलनाच्या यशस्वीतेसाठी स्वागत समिती सदस्य प्रा.अरुंधती पाटील, गणपत व्यास,सुवर्णा लोमटे मॅडम,डॉ नरेंद्र काळे,नामदेव गुंडाळे, भागवत मसने,ज्योती भोसले,बन्सी पवार आश्विनी कुमार मुकदम, उषा रामधामी,प्रभावती अवचार व गणेश कदम यांनी पुढाकार घेतला आहे.

तृतीयपंथीयांसाठी स्वतंत्र धोरणाची आवश्यकता’ एकदिवसीय कार्यशाळा संपन्न

यशवंतराव चव्हाण प्रतिष्ठान आणि विकास अध्ययन केंद्र, मुंबई यांच्या संयुक्त विद्यमाने 'तृतीयपंथीयांसाठी स्वतंत्र धोरणाची आवश्यकता’ या विषयावर एक दिवसीय राज्यस्तरीय चर्चासत्राचे आयोजन केले होते. ही चर्चा प्रतिष्ठानच्या रंगस्वर सभागृहात नुकतीच संपन्न झाली. या कार्यक्रमाला प्रतिष्ठानच्या कार्याध्यक्षा सुप्रिया सुळे, सलमा गुरू, गौरी सावंत, अभिना आहेर, जैनब पटेल, राजेंद्र कांविनडे आणि फिरोज अश्रफ इत्यादी मान्यवरांची प्रमुख उपस्थिती होती.

कार्यक्रमाचे प्रास्ताविक रेणुका कड यांनी केले तर तृतीयपंथी आणि त्यांच्यासमस्या याविषयी अभिना आहेर यांनी मोलाचे मार्गदर्शन केले. तृतीयपंथी यांनी सांगितलेल्या कौटुंबिक , शैक्षणिक आणि आर्थिक समस्यांना सुप्रिया सुळे यांनी योग्य मार्गदर्शन केले. कार्यक्रमाचे आभार प्रदर्शन कार्यक्रम व्यवस्थापक दत्ता बाळसराफ यांनी केले तर सूत्रसंचालन प्रिया पाटील आणि माधुरी सरोदे यांनी केले.

Wednesday, 7 February 2018

औरंगाबाद विभागातर्फे शनिवारी 'समर' चित्रपट

औरंगाबाद : यशवंतराव चव्हाण प्रतिष्ठान, मुंबई, विभागीय केंद्र, औरंगाबाद आणि एमजीएम पत्रकारिता महाविद्यालय यांच्या संयुक्त विद्यमाने चित्रपट चावडी कार्यक्रमांतर्गत १९९९ ला प्रदर्शित झालेला 'समर' चित्रपट शनिवारी १० फेब्रुवारी २०१८ रोजी सायंकाळी ५ वाजता आईनस्टाईन सभागृह, एमजीएम परिसर, औरंगाबाद येथे दाखवण्यात येणार आहे.
समर चित्रपटाला  नॅशनल फिल्म अवॉर्ड मिळाला आहे. तर श्याम बेनेगल यांनी दिग्दर्शन केले आहे. चित्रपटातील प्रमुख भूमिका किशोर कदम, राजेश्वरी सचदेव, रजीत कपूर, रवी झंकाल आणि सीमा बिस्वास...

Sunday, 4 February 2018

राज्यस्तरीय पुरस्कार प्राप्त भुजंगराव कुलकर्णींची शंभरी पुर्ण...














यशवंतराव चव्हाण यांच्या ३३ व्या पुण्यतिथी निमित्त दिला जाणारा ‘यशवंतराव चव्हाण राज्यस्तरीय पुरस्कार २०१७' थोर प्रशासकीय सेवक भुजंगराव कुलकर्णी यांना प्रतिष्ठानचे अध्यक्ष शरद पवार यांच्या हस्ते दोन महिन्यापूर्वी प्रदान करण्यात आला होता. आज  भुजंगराव कुलकर्णी हे शंभर वर्ष पुर्ण करीत आहेत. त्यांना दीर्घायुरोग्य लाभो, त्यांची प्रदीर्घ वाटचाल समाजाला यापुढेही मार्गदर्शन करीत राहिल.
 विविध शिफारसींचा विचार करुन पारितोषिक निवड समितीने ज्येष्ठ, कार्यक्षम, चारित्र्यसंपन्न व यशस्वी सनदी अधिकारी ( भारतीय प्रशासन सेवा) मा. श्री. भुजंगराव कुलकर्णी यांची या वर्षीच्या पारितोषिकासाठी निवड केलेली होती. मा. श्री. भुजंगराव कुलकर्णी यांनी त्यांच्या सेवा काळात भूमी सुधारणा (कूळ कायदा) ची जनगणना, पुणे महानगरपालिका, नागरी विकास व आरोग्य, जलसंपदा, न्हावाशेवा बंदराची संरचना, मराठवाडा विकास योजना, मराठवाडा वैधानिक मंडळ, मागासलेल्या भागाचे सबलीकरण यांसारख्या अनेक शासकीय कार्यक्षेत्रात उल्लेखनीय काम केले आहे.
या क्षेत्रांतील त्यांचे असाधारण कर्तृत्व लक्षात घेऊन हे पारितोषिक मा. यशवंतराव चव्हाण यांच्या पुण्यतिथीच्या दिवशी २५ नोव्हेंबर २०१७ रोजी चव्हाण सेंटर मध्ये आयोजित केलेल्या कार्यक्रमामध्ये प्रतिष्ठानचे अध्यक्ष मा.श्री. शरद पवार यांच्या हस्ते मा. श्री. भुजंगराव कुलकर्णी यांना राज्यस्तरीय पुरस्कार देण्यात आला.

Saturday, 3 February 2018

तृतीयपंथीयांसाठी स्वतंत्र धोरणाची आवश्यकता एक दिवसीय कार्यशाळा....

यशवंतराव चव्हाण प्रतिष्ठान आणि विकास अध्ययन केंद्र, मुंबई यांच्या संयुक्त विद्यमाने 'तृतीयपंथीयांसाठी स्वतंत्र धोरणाची आवश्यकता’ या विषयावर एक दिवसीय राज्यस्तरीय चर्चासत्राचे आयोजन केले आहे. ही चर्चा प्रतिष्ठानच्या रंगस्वर सभागृहात शनिवारी १० फेब्रुवारी २०१८ रोजी सकाळी ११.०० ते सायं. ५.०० या वेळेत होईल.
विशेष म्हणजे या परिसंवादात प्रतिष्ठानच्या कार्याध्यक्षा मा. सुप्रिया सुळे यांच्यासह विषयांवर काम करणारे अभ्यासक, तसेच शासकीय प्रतिनिधी इत्यादी मान्यवर परिसंवादाला उपस्थित राहणार आहेत.
१३ नोव्हेंबर २०१७ रोजी ‘एकल महिलांसाठी स्वतंत्र धोरणाची आवश्यकता’ या विषयावर परिसंवाद आयोजित करण्यात आला होता. ह्या परिसंवादामध्ये तृतीयपंथी महिला आणि त्यांच्या समस्या याविषयी चर्चा करण्यात आली होती. या सर्व चर्चेमधून एक समान सूर समोर आला तो म्हणजे तृतीयपंथीयांसाठी स्वतंत्र धोरणाची आखणी करणे गरजेचे आहे. या पार्श्वभूमीवर सदर विषयावरील एक दिवसीय राज्यस्तरीय चर्चासत्राचे आयोजन करण्यात आले आहे. या कार्यक्रमास विनामूल्य प्रवेश असून नोंदणी आवश्यक आहे. संपर्क- मनिषा खिल्लारे ७०२०२९९६७७

Friday, 2 February 2018

यशवंतराव चव्हाण प्रतिष्ठानतर्फे चित्रपटप्रेमींसाठी ‘रिमेम्बर’



नाशिक : यशवंतराव चव्हाण प्रतिष्ठान मुंबई, विभागीय केंद्र नाशिक व विश्वास को-ऑप.बँक लि., नाशिक, विश्वास ज्ञानप्रबोधिनी अ‍ॅण्ड रिसर्च इन्स्टिट्यूट, नाशिक, सारस्वत बँक व रेडिओ विश्वास ९०.८ कम्युनिटी रेडिओ यांच्या संयुक्त विद्यमाने ‘चित्रपट चावडी’ उपक्रमांतर्गत शनिवार ३ फेब्रंवारी २०१८ रोजी सायंकाळी ६.३० वाजता सुप्रसिद्ध कॅनेडियन दिग्दर्शक अ‍ॅटम एगोयान यांचा ‘रिमेम्बर’ हा चित्रपट दाखविण्यात येणार आहे. सदर चित्रपट डिझास्टर मॅनेजमेंट अ‍ॅण्ड ट्रेनिंग हब (विश्वासलॉन्स), ठाकूर रेसिडेन्सी, विश्वास को-ऑप.बँकेसमोर, सावरकरनगर, गंगापूर रोड, नाशिक- ४२२०१३ येथे दाखविण्यात येणार आहे.
कॅनेडियन दिग्दर्शक अ‍ॅटम एगोयान यांना भारताच्या आंतरराष्ट्रीय चित्रपट महोत्सव २०१७ मध्ये जीवनगौरव हा सर्वोच्च सन्मान प्रदान करण्यात आला. इजिप्शीयन आर्मेनियन वंशाचे एगोयान कॅनेडातील तसेच जागतिक पटलावरचे महत्त्वाचे दिग्दर्शक मानले जातात.
‘‘रिमेम्बर’’ २०१५ मध्ये जर्मनी येथे प्रदर्शित झालेल्या या सिनेमाचा कालावधी ९४ मिनीटांचा आहे.
नाझींच्या अत्याचाराच्या दरम्यान घडलेल्या एका कुटुंबाची ही कहाणी आहे. आयुष्यात खूप काही गमावल्यानंतर जगून करायचे काय? या जाणीवेपर्यंत हे कुटुंब येते आणि त्यातून हे नाट्य घडते. गत आयुष्यातील घटनांची, आठवणींची मालिका येथे समोर येते आणि दाहक वास्तवाची प्रचिती देते.
‘रिमेम्बर’ हा चित्रपट बघण्यास जास्तीत जास्त संख्येने सहभागी होण्याचे आवाहन अध्यक्ष विनायक पाटील, कार्याध्यक्ष विश्वास ठाकूर, सचिव डॉ.कैलास कमोद, कोषाध्यक्ष डॉ.सुधीर संकलेचा, सदस्य सौ.कविता कर्डक, राजवर्धन कदमबांडे, रऊफ पटेल, अ‍ॅड.नितीन ठाकरे व विक्रम मोरे यांनी केले आहे.

Tuesday, 30 January 2018

'विज्ञानगंगा'चे चोविसावे पुष्प...'हृदयरोपण'



यशवंतराव चव्हाण प्रतिष्ठान, मुंबई व मराठी विज्ञान परिषद यांच्या संयुक्त विद्यमाने 'विज्ञानगंगा' कार्यक्रमांतर्गत चोविसावे पुष्प मुलुंडच्या फोर्टिज हॉस्पिटलमधील शल्यविशारद डॉ. अन्वय मुळे मराठीतून 'हृदयरोपण' या विषयावर दिनांक १६ फेब्रुवारी २०१८ रोजी सायंकाळी ५ वाजता चव्हाण सेंटर, सांस्कृतिक सभागृह, चौथा मजला, जनरल जगन्नाथराव भोसले मार्ग, मंत्रालयासमोर नरिमन पॉईंट, मुंबई येथे गुंफणार आहेत. तरी वरील कार्यक्रमास आपण उपस्थित रहावे ही विनंती.

Thursday, 18 January 2018

उद्या पासून बहुचर्चित ‘८वा’ यशवंत आंतरराष्ट्रीय चित्रपट महोत्सव


मुंबई- बहुचर्चित यशवंत आंतरराष्ट्रीय चित्रपट महोत्सव २०१८, शुक्रवार १९ जानेवारीपासून सुरु होणार आहे. यशवंतराव चव्हाण प्रतिष्ठान मुंबई आणि पुणे फिल्म फाऊंडेशन यांच्या संयुक्त विद्यमाने हा महोत्सव रंगणार आहे. प्रतिष्ठानच्या चव्हाण सेंटर मध्ये प्रतिष्ठानचे अध्यक्ष व माजी केंद्रीय कृषीमंत्री शरद पवार आणि खासदार सुप्रिया सुळे यांच्या उपस्थितीत हा उदघाटन सोहळा पार पडणार आहे. यावेळी चित्रपट दिग्दर्शक व निर्माता रमेश सिप्पी यांना भारतीय चित्रपटसृष्टीतील अतुलनीय योगदानाबद्दल गौरविण्यात येणार आहे. तसेच या महोत्सवात प्रतिष्ठान महोत्सवाचे संचालक जब्बार पटेल, सरचिटणीस शरद काळे, कोषाध्यक्ष हेमंत टकले, मिडिया सल्लागार नितीन वैद्य मुख्य समन्वयक महेंद्र तेरेदेसाई, समन्वयक संजय बनसोडे, यांची उपस्थित असणार आहे.
यशवंत आंतरराष्ट्रीय चित्रपट महोत्सव २०१८ महोत्सवाचे यंदा ‘८ वे’ वर्ष आहे. या महोत्सवा दरम्यान भारतीय चित्रपटसृष्टीत मोलाचं योगदान देणाऱ्यास गौरविण्यात येते. आतापर्यंत पंकज कपूर ,अनुपम खेर, वहिदा रेहमान सारख्या दिग्गज कलाकारांना गौरविण्यात आले आहे.
यंदा या महोत्सवात चित्रपट रसिकांसाठी विविध भाषेतील आणि विविध देशातील काही निवडक ८५ चित्रपटांची मेजवानी आहे. महोत्सवाचे मुख्य आकर्षण असलेले ’स्मिता पाटिल स्मृती व्याख्यान’अभिनेते सचिन खेडेकर यांच्याशी गप्पा २० जानेवारी सायंकाळी ५ वाजता. होणार आहे,
तसेच मोहन क्रिशनन यांचा मास्टर क्लास ‘पोस्ट प्रोडक्शन' या विषयावर २३ जानेवारी सायंकाळी ५ वाजता होणार आहे. २२ जानेवारीला सुश्रुत वैद्य हे हिंदी चित्रपटातील गाण्यामधील सामाजिक उत्क्रांतीचे प्रतिबिंब या विषयावरती मार्गदर्शन करणार आहेत. १९ जानेवारी ते २५ जानेवारी दरम्यान मुंबईकरांना जगभारतील विविध भाषातील नावाजलेले चित्रपट पाहता येणार आहे. चीन, रशिया, फ्रान्स, इराण, बेल्जियम, अर्जेंटिना, इस्त्रायल, तुर्की, चिली आदी देशांतील चित्रपट एकाच ठिकाणी पाहण्याची सुवर्णसंधी सर्वासाठी यशवंत चित्रपट महोत्सवाने उपलब्ध करुन दिली आहे. अशी माहिती महोत्सवाचे मुख्य समन्वयक महेंद्र तेरेदेसाई यांनी दिली.